Víðförli - 15.12.1987, Page 16

Kynningarfundir
Á fundi í héraðsnefnd Kjalarnes-
prófastsdæmis 29. júní 1987 var
samþykkt tillaga prófasts, sr. Braga
Friðrikssonar, að efna til vinnu-
funda með sóknarnefndum, safnað-
arfulltrúum Kjalarnesprófastsdæm-
is og e.t.v. öðrum um hið nýja erind-
isbréf fyrir sóknarnefndir. Á fundi
héraðsnefndar Kjalarnesprófasts-
dæmis 31. ágúst 1987 var síðan
ákveðið nánar um fundarstaði og
fyrirkomulag þessara kynningar-
funda.
Jafnframt því sem erindisbréfið
yrði kynnt var ákveðið að fjalla um
verksvið og mál einstakra sóknar-
nefndarmanna og safnaðarfulltrúa,
sem og starfsmanna safnaðanna.
Sem leiðbeinendur og framsögu-
menn voru fengnir:
Dr. Einar Sigurbjörnsson,
prófessor,
Dr. Bjarni Sigurðsson, lektor,
Sr. Bernharður Guðmundsson,
fréttafulltrúi biskups,
Helgi K. Hjálmsson, viðskipta-
fræðingur,
Sr. Örn Bárður Jónsson, sóknar-
prestur og
Ragnar Snær Karlsson, æskulýðs-
fulltrúi.
Haldnir voru fjórir fundir um
mánaðamótin sept/okt í safnaðar-
heimili Grindavíkurkirkju, í safnað-
arheimilinu Kirkjulundi í Keflavík, í
Varmárskóla í Mosfellsbæ og í
Kirkjuhvoli, safnaðarheimili Garða-
bæjar.
Á hverjum fundi voru fulltrúar frá
fjórum sóknum og var mæting mjög
góð þannig að í heild tók talsvert á
annað hundrað manns þátt í þessum
fundum.
Fundirnir hófust á stuttri helgi-
stund og prófastur gerði grein fyrir
tilefni fundanna í fáum orðum.
Fundarmönnum var síðan skipt upp
í hópa, þannig að saman voru í um-
ræðuhópi formenn sóknarnefnda, í
öðrum hópi voru: ritarar og safnað-
arfulltrúar, í þeim þriðja voru: gjald-
kerar og endurskoðendur og í þeim
fjórða voru: meðhjálparar, kirkju-
verðir og organleikarar.
í hverjum hópi var erindisbréf
sóknarnefnda lesið yfir og rætt í ein-
stökum liðum og athugasemdir
gerðar, síðan var farið í sérþætti
hvers umræðuhóps. Til umræðna í
sérhópum var ætluð 1- 1 Vi klst.
í lokin komu hóparnir saman og
Helgi K. Hjálmsson.
yfir kaffibolla var skipst á skoðun-
um.
Þessir fundir voru mjög upp-
byggjandi og gagnlegir og vegna þess
hve fáir voru í hverjum hópi urðu
mjög almennar umræður og skoð-
anaskipti, þannig að sjónarmið allra
komu fram.
Niðurstöður og athugasemdir
varðandi einstaka þætti erindisbréfs-
ins hafa verið dregin saman og
komið á framfæri við Biskupsstofu
og prófast.
Eftir þessa fundi eru einstaka
starfsmenn sóknanna mikið meðvit-
aðri um sitt starfsvið, réttindi og
skyldur og um Ieið jákvæðari í öllu
starfi.
Helgi K. Hjálmsson.
í fréttum
Fleiri útfarir frá
sóknarkirkjum í Reykjavík.
Árið 1986 voru 856 útfarir í
Reykjavík, þar af voru 485 frá kirkj-
unni og kapellunni í Fossvogi. Til
samanburðar má hverfa fimm ár aft-
ur í tímann. Þá voru útfarir 919 alls,
en 620 frá Fossvogi. Þessi breyting
mun eiga sér tvær orsakir. Æ fleiri
grafir eru teknar í Gufuneskirkju-
garði, þannig að ekkert er hægara
um vik að útför fari fram í Fossvogi,
eins og þegar yfirleitt var greftrað
þar. Einnig eru sóknarkirkjur í
Reykjavík æ betur búnar, flestar
hafa safnaðarheimili þar sem hægt
er að bjóða til erfidrykkju að lokinni
útför.
Staða forstöðumanns Kirknasamtands Norðurlanda,
Nordisk Ekumenisk Institut, er laus til umsóknar.
Forstöðumaðurinn, karl eða kona, þarf að hafa staðgóða guð-
frœðilega menntun eða aðra hliðstceða háskólamenntun. Góð
tungumálakunnátta er nauðsynleg. Víðtæk reynsla af kirkjulegu
starfi er áskilin, þ. á m. á alþjóðlegum vettvangi. Kunnátta og
reynsla í stjórnun er mikils metin.
Stefnt er að því að ráða forstöðumanninn til fjögurra ára, en
starfstímann mœtti framlengja ef um það yrði samkomulag. Að-
setur NEI er í Uppsölum.
Umsóknir þurfa að berast fyrir 1. janúar. 1988.
Æskilegt er að forstöðumaður geti hafið störf á miðju næsta
ári, en eigi síðar en 1. janúar 1989.
Nánari upplýsingar veitirBjörn Björnsson, prófessor, formað-
ur stjórnar NEI, og hann veitir einnig umsóknum viðtöku. Staða
þessi er auglýst samtímis á öllum Norðurlöndunum fimm.
16 — VÍÐFÖRLI