Víðförli - 15.12.1987, Blaðsíða 24

Óvenjulegur atburður gerðist í íslenskri kirkjusögu hinn 15.
nóvember er Yrsa Þórðardóttir var vígð til prestsþjónustu í Háls-
prestakalli í Þingeyjarprófastsdæmi. Aliir vígsluvottar voru kon-
ur, þar á meðal móðir og systir vígsluþega. Er það fátítt að 3 kon-
ur séu prestvígðar innan sömu fjölskyldu. Settur biskup, sr. Sig-
urður Guðmundsson, annaðist vígsluna. Séra Yrsa er tíunda kon-
an sem þiggur prestvígslu hérlendis. Auk þeirra tíu hafa átta kon-
ur til viðbótar lokið guðfræðiprófi, flestar á þessu ári, en ekki
tekið vígslu. Ein þeirra er látin, Geirþrúður Hildur Bernhöft sem
ruddi konum brautina í Guðfræðideild.
Fjölskylda sr. Yrsu Þórðardóttur í Dómkirkjunni á vígsludaginn.
Frá vinstri: Þjóðhildur Þórðardóttir menntaskólanemi, Carlos Ferrer Guðfrœðingur
og séra Yrsa. Þórður Örn Sigurðsson M.A. og séra Auður Eir, Agnar Gunnarsson guð-
fræðingur og séra Dalla Þórðardóttir, Ragnar Pálsson verkfrœðingur og Elín Þöll
Þórðardóttir flugumferðarstjóri. í miðju er ættmóðirin Inga Árnadóttir, móðir sr.
Auðar Eir. Þess má geta að faðir hennar og bróðir voru prestar.
Þroskað fólk í Guðfræðideild.
Tæplega sextíu stúdentar eru nú
skráðir í Guðfræðideild Háskólans.
Þar af eru á þriðja tug kvenna. Það
vekur athygli að rúmlega 20% stúd-
entanna eru yfir þrítugt og nær 60%
yfir 25 ára aldur. Á þessu ári hafa ell-
efu manns lokið guðfræðiprófi frá
H.I., eru konur þar í meirihluta eða
sex talsins.
Mikil aukning í kirkjulegu
starfi í Reykjavík.
í skýrslu dómprófasts á héraðs-
fundi Reykjavíkurprófastsdæmis
kemur fram mikil aukning í því
kirkjulega starfi sem verður með töl-
um talið sé borið saman við t.d.
1978. Messum hefur fjölgað, sam-
komum og skírnarbörnum, og sér-
staka athygli vekur fjölgun altaris-
gesta eða nær 66%. Hinsvegar fækk-
ar fermingarbörnum enda færra í ár-
gangi, einnig hefur hjónavígslum
fækkað, sem fáum kemur á óvart.
Guðsþjónustur
Barnasamkomur
Aðrar samkomur í kirkju
Skírnir
Fermingar
Altarisgestir
Hjónavígslur — í kirkju
— hjá dómara
1978 1986
1364 1792
424 536
178 262
1347 1460
1719 1628
11042 18321
598 418
164 147
Trúarefni í fjölmiðlum.
Fjölmiðlanefnd Reykjavíkurpró-
fastsdæmis hefur starfað vel s.l. ár
og kynnt sér ýmsa möguleika.
Nefndarmenn eru Jón Sigurðsson,
formaður Hólabrekkusóknar, Ás-
geir M. Jónsson, Málfríður Finn-
bogadóttir, sr. Valgeir Ástráðsson,
sr. Kristján E. Þorvarðarson og Þor-
valdur Sigurðsson og er hann for-
maður nefndarinnar. Rætt hefur
verið við fulltrúa Ríkisútvarpsins og
kannaðir möguleikar á samstarfi, og
einnig við Stöð 2, þótt upphaflega
hafi þær umræður sprottið af
áhyggjum vegna barnaefnis, sem er
sjónvarpað á sunnudagsmorgnum,
þegar barnastarfið fer víðast hvar
fram í kirkjum prófastsdæmisins.
Mikið er komið af upplýsingum og
kynningarbæklingum, sem verið er
að vinna úr. Einnig hefur útvarps-
stöðin Alfa óskað eftir samstarfi og
fjárstuðningi og er verið að kanna
slíkt frekar.
24 — VÍÐFÖRLI