Bæjarins besta - 22.12.1999, Blaðsíða 4

Sr. Agnes M. Sigurðardóttir
Jólahugvekja
Ferðaþjónustan Reykjanesi vlð ísafjarðardjúp
Sími 456
Fax 456
- Oplð allt áriói
„í upphafi var Orðið, og Orðið var hjá Guði, og
Orðið var Guð. Hann var í upphafi hjá Guði. Allir
hlutir urðu fyrir hann, án hans varð ekki neitt, sem
til er. I honum var líf, og lífið var ljós mannanna.
Ljósið skín í myrkrinu, og myrkrið tók ekki á móti
því“, Jóh. 1:1-5.
Þannig hefst Jóhannesarguðspjall, jólafrásaga
Jóhannesar guðspjallamanns. Þar er hvergi minnst
á Maríu eða Jósef, hirða eða engla, ekki heldur
minnst á fæðingu manns, lítið barn í jötu. Það virð-
ist sem Jóhannes skrifi ekki hvernig atvikin hafa
verið, heldur hvers vegna Jesús fæddist.
Það er talað um myrkur og Ijós. Framan af nóv-
ember var snjólaust hér vestra og skelfmg var dimmt,
en um leið og snjórinn kom var eins og lýsti upp.
Snjórinn færði birtu, en ekki yl. Snjórinn erþví ekki
hið sanna ljós, þó birtu veiti hann við vissar aðstæður.
Og við vorum óþreyjufull. Við þráðum birtuna og
einstaka gluggi og veggur fékk birtu áður en aðventan
gekk í garð. En eftir að hún gekk í garð eru margir
gluggar upplýstir. Á meðan við höfum rafmagnið er
birtan okkar. Þrá okkar eftir birtunni hefur fengið
útrás.
En hvernig skyldi okkur vera innanbrjósts? Skyld-
um við þrá birtu þar einnig, eins og hið ytra? Ef til
vill er birtan innra með okkur þó allt sé dimmt
kringum okkur. Líftð er fullt af andstæðum og það
gerir það í senn spennandi og ógnvænlegt. Þess
vegna er nauðsynlegt að eiga sér haldreipi, sem
hægt er að festa hönd á bæði í blíðu og stríðu, í gleði
og sorg, í meðlæti og mótlæti. Slíkt haldreipi kynnir
Jóhannes okkur í guðspjalli sínu. Orðið sem var Guð.
„I honum var líf, og lífið var ljós mannanna. Ljósið
skín í myrkrinu, og myrkrið tók ekki á móti því.“
Við þurfum á ljósi að halda, ljósinu eina og sanna,
Ijósinu sem birtist í og með Jesú Kristi. Barninu, sem
fæddist hin fyrstu jól og er í senn Guð og maður,
einkasonur Guðs.
Hversu gott er að halla sér að annarri manneskju og
ftnna styrk og hlýju frá henni. Á sama hátt er gott að
halla sér að Kristi og fmna styrkinn, sem hann gefur
og ljósið, sem lýsir í myrkrinu. Því jafnvel á dimmustu
stundum lífs okkar eigum við möguleika á því að sjá
ljósið eina og sanna.
Margar frásagnir eru til af því hvernig lítil ljóstýra
hefur vísað veg og bjargað lífi. I smásögu einni eftir sr.
Jón Kr. Isfeld segir frá þremur ungmennum, tveimur
stúlkum og einum pilti, sem voru á leið úr ungmenna-
skóla í jólaleyftnu. Þau þurftu að fara yftr heiði. Það
brast á þau blindbylur. Þau brutust áfram, en færðin
sóttist seint. Að lokum gafst önnur stúlkan upp. Pilt-
urinn hagræddi henni á hennar skíðum og sínum. Svo
dró hann hana á skíðunum, en hin stúlkan fylgdist
með. Og áfram brutust þau. Loks sáu þau ljós. Það
stefndu þangað og nýr kraftur færðist yfir þau. Ljósið
skýrðist. Þau komu að uppljómuðu húsi og til þeirra
barst ómur af söng út í geigvænlega stórhríðina. Þau
heyrðu að sunginn var sálmurinn ,,Heims um ból“. Þá
stóð hin aðframkomna stúlka upp og hrópaði fagn-
andi: „Við erum komin heim“. Það reyndist svo,
að þarna var kirkjukór að æfa söng fyrir jólaguðs-
þjónusturnar.
Þannig skín ljósið í myrkrinu, raunverulega og
andlega talað skín ljósið líka í myrkrinu. Það ljós
sem er skærara en öll önnur ljós, þó við þurfum
stundum á myrkri að halda til að taka eftir því. Það
ljós er Kristur, barnið í jötunni, maðurinn á krossin-
um, Jesús Kristur, Guð með okkur.
Jólin eru mörgum erfiðurtími. Þá verðureinsemd-
in mest, ef hún hefur á annað borð sótt okkur heim.
Þá streyma tilftnningarnar fram, tilfinningar kær-
leika, sátta, friðar, sem ef til vill er ekki hægt að
uppfylla. Þá verður sársaukinn rnestur fyrir þau
sem hafa lent í skipbroti í lífínu, missi hvers konar
og aðskilnaði. En þá koma líka þessi himnesku
boð. „Yður er í dag frelsari fæddur“. Jólin sýna
kæi leika Guðs, sem lætur okkur aldrei afskiptalaus.
Leyfum því tilftnningunum að flæða. Þær munu
færa okkur nær barninu í jötunni, hinu sanna ljósi,
sem upplýsir hvern mann, eins og Jóhannes orðar
það í guðspjalli sínu. Það ljós mun ná að lýsa upp
okkar innri mann og leyfa okkur að finna þá ham-
ingju, sem ekki verður höndluð nema hún komi
innan frá.
Guð gefi þér, lesandi góður, gleðilega jólahátíð,
frið og fögnuð í Jesú nafni.
Núþegar tími fjölskyldusamveru fer í hönd,
viljum við aðeins minna á, að betra er að panta íyrr
en seinna ef halda á ættar- eða nemendamót
í Deykjancsi sumarið 2000.
Innilegar jóla- o§ nýárskveðjur. Dökk sé öllum þeim
sem komu í Ðeykjanes árið 1999.
Starfsfólk Fcrðaþjónustunnar Qcykjancsi.
4
MIÐVIKUDAGUR 22. DESEMBER 1999