Skólavarðan - 2019, Síða 19

VOR 2019 SKÓLAVARÐAN 19
Tækni / UMFJÖLLUN
breytilegt á milli árganga. Ég kenni
mjög mikið beina kennslu í 7. bekk
en mjög lítið í 10. bekk af því að þeir
nemendur eru orðnir meira sjálfbjarga.“
Orðskýringamyndbönd
Gauti segist hafa byrjað á að gera
hefðbundin kennslumyndbönd í
náttúrufræði sem séu eins og innlögn
í grunninn. „Þar eru glærur með texta
og myndum sem ég tala yfir eins og ég
sé að kenna á töflu. Ég er búinn að taka
nánast allt námsefnið í náttúrufræðinni
þannig fyrir í 7. til 9. bekk og meira að
segja nokkrar bækur sem er hætt að
kenna. Síðan hef ég gert svipað efni í
stærðfræði fyrir 7. til 10. bekk. Svo fór
ég fyrir nokkrum árum að gera orðskýr-
ingamyndbönd bæði í náttúrufræði og
stærðfræði.
Ég er kominn lengra með það í
stærðfræði en ég fékk þróunarstyrk í þá
vinnu. Þar tók ég hvert einasta hugtak
og fór í gegnum orðalistann í öllum
kennslubókum sem ég fann og á meðan
ég var að kenna punktaði ég hjá mér ef
ég átti eftir að taka eitthvað fyrir. Þetta
eru rúmlega 650 orðskýringamyndbönd
tengd stærðfræði og ég er búinn að gera
vel yfir þúsund svona myndbönd í nátt-
úrufræði. Það eru miklu fleiri greinar
í náttúrufræði þannig að hún er miklu
víðfeðmari heldur en stærðfræðin.“
Mismunandi litir
Gauti segir að orðskýringamyndböndin
í stærðfræði séu mjög einföld. „Mér
finnst vera heppilegra að nemendur
þekki myndböndin í sundur. Taflan í
orðskýringarmyndböndunum í stærð-
fræði er dökkgræn en í hefðbundnum
stærðfræðimyndböndum er hún svört.
Hún er hvít í orðskýringamyndböndum
um náttúrufræði. Í náttúrufræði eru
mismunandi litir fyrir mismunandi
greinar þannig að nemendur sjá hvaða
grein er um að ræða.“
Gauti segir að engar ljósmyndir
séu í þessum orðskýringamyndum held-
ur tali hann, skrifi og teikni. „Ástæðan
fyrir því að ég er ekki með ljósmyndir
þarna er einfaldlega tvíþætt. Ég er
einfaldlega fljótari að vinna þetta svona
og höfundarréttarmál myndu flækjast
fyrir ef ég myndi nota myndir sem aðrir
hafa tekið. Ég pældi ekki mikið í þessu
þegar ég var að gera fyrstu myndböndin
og bara gat það ekki af því að ég var að
flýta mér en ég hef ekki í mörg ár búið
til myndband nema nota mest mínar
eigin ljósmyndir.“
Spilunarlisti
Gauti hefur gert um 2.550 myndbönd
í allt og er með um 5-7.000 áhorf í
hverri viku og segir hann að fólk í tæp-
lega 60 löndum horfi á myndböndin.
Gauti segir að það skipti máli að
foreldrar geti horft á myndböndin með
börnum sínum.
„Ég er kominn með rúmlega
600.000 áhorf. Ég veit að íslenskir
krakkar í útlöndum nota þetta líka en
ég er með fleiri tegundir af myndbönd-
um. Ég hef til dæmis verið að búa til
það sem ég kalla ítarefnismyndbönd
þar sem ég tek myndir úti í náttúrunni
og útskýri það sem þar sést. Ég flokka
myndböndin í spilunarlista en það er
eina leiðin til að halda utan um þetta
því þetta er svo mikið.
Einn spilunarlistinn kallast „Af
hverju?“ en þá hef ég tekið myndir
úti og svara því til dæmis af hverju
regnbogi myndast og af hverju kemur
haglél. Ég er líka farinn að setja inn
í spilunarlistann myndbönd undir
spurningunni „Hvernig?“ og nýlega
bjó ég til dæmis til myndband sem
kallast „Hvernig virkar myndavél?“.
Þetta tengist náttúrufræði óbeint. Ég
er líka með spilunarlista sem heitir
„Ísland“ en þau myndbönd hef ég
tekið út um allt land; stundum segi ég
ekki neitt, stundum segi ég eitthvað
örlítið á íslensku og stundum eitthvað
örlítið á ensku og stundum segi ég
eitthvað á báðum tungumálum í sama
myndbandinu. Þar er ég til dæmis með
myndbönd af norðurljósunum.“
Gauti hefur gert
um 2.550 mynd-
bönd í allt og er
með um 5-7.000
áhorf í hverri viku
og segir hann að
fólk í tæplega 60
löndum horfi á
myndböndin. Gauti
segir að það skipti
máli að foreldr-
ar geti horft á
myndböndin með
börnum sínum.
Gauti hefur gert
2.550
myndbönd sem
fá mikið áhorf á
vefnum.