Skólavarðan - 2019, Page 36

36 SKÓLAVARÐAN VOR 2019
ALÞJÓÐASTARF / Kvennaþing Sameinuðu þjóðanna
U ndirrituð sótti Kvennaþing Sameinuðu þjóðanna í New York CSW63 dagana 9. til
14. mars. Þetta er árlegur viðburður
þar sem þjóðir heimsins koma saman
og ræða málefni kvenna og leggja línur
um alþjóðasamþykktir og tilskipanir til
aðildarríkjanna um réttindi kvenna. Í
ár voru félagsleg staða, velferðarkerfið
og aðgengi að opinberri þjónustu
meginþemun.
Ég var fulltrúi í sendinefnd Alþjóða
kennarasamtakanna (Education
International) en það eru alþjóðasam-
tök stéttarfélaga kennara um heim
allan. Ásamt fulltrúum stéttarfélaga
úr öðrum greinum voru 177 fulltrúar
á þinginu þessa daga og höfðu það
hlutverk að kynna verkefni í tengslum
við réttindabaráttu kvenna sem félögin
um allan heim hafa verið að vinna,
að rýna drög að stefnu Sameinuðu
þjóðanna í málefnum kvenna sem
lágu fyrir þinginu og voru til
umræðu og reyna að hafa áhrif á
niðurstöðuna og þá sérstaklega
að koma inn í samþykktir og
stefnu mikilvægi stéttarfélaga,
opinberrar þjónustu og síðast
en ekki síst mikilvægi þess að
jafnréttismál séu umfjöllunarefni
á öllum skólastigum um heim
allan. Í það heila voru þátttakendur á
þinginu um 4000.
Um leið og við Íslendingar
getum alltaf lagt gott til í verkefni af
þessu tagi og miðlað þannig af okkar
reynslu þá lærum við líka gríðarlega
mikið af því að sækja svona viðamikil
og stefnumótandi þing. Samhliða
almennum umræðum hinna formlegu
fulltrúa þjóðanna voru hundruðir
hliðarviðburða á vegum félagasamtaka,
hagsmunahópa og þeirra sem hafa
stundað rannsóknir á stöðu kvenna í
hinum ýmsu menningarsamfélögum
heimsins. Eins og gefur að skilja er
Guðríður
Arnardóttir
Formaður
Félags fram-
haldsskóla-
kennara
staða kvenna gríðarlega ólík á milli
landsvæða í heiminum.
Við Íslendingar erum langt
í frá búin að ljúka okkar vegferð
til fullkomins jafnréttis. En
lofa skal það sem vel er gert,
við höfum náð gríðarlegum
árangri og þá ekki síst fyrir þann
lagaramma sem Alþingi hefur sett
um jafnréttismálin.
Á Íslandi erum við með lög um
jöfn kynjahlutföll í stjórnum fyrirtækja
og stofnana. Við erum með lög um að í
íslenskri stjórnsýslu skuli þess gætt að
kynjahlutfall sé jafnt í nefndum, ráðum
og starfshópum. Við erum með lög um
jafnlaunavottun, ráðningar hjá hinu
opinbera og fleira. Nú er baráttan á
Íslandi farin að snúast meira og meira
um viðhorf og að brjóta á bak aftur
kynjaðar staðalmyndir og þau gildi sem
við drukkum með móðurmjólkinni.
Það sem vakti sérstaklega athygli
mína var tvennt: Annars vegar glæsileg
framganga forsætisráðherra Íslands
Vegferðinni langt í frá lokið
Hluti sendinefndar Alþjóða kennarasamtakanna fyrir framan höfuðstöðvar Sameinuðu þjóðanna í New York. Að baki þeim er verkið „Án ofbeldis“ eftir
sænska listamanninn Carl Fredrik Reutersward.