Skólavarðan - 2019, Síða 44

44 SKÓLAVARÐAN VOR 2019
TÓNLISTARNÁM / Uppskeruhátíð
L okahátíð Nótunnar 2019 fór fram laugardaginn 6. apríl í Hofi á Akureyri. Það voru fleiri
hundruð tónlistarnemar sem tóku þátt
í svæðistónleikum um allt land til að
öðlast þátttökurétt á lokahátíðinni.
Að lokum voru það 24 atriði og um
70 nemendur sem stigu á stokk í Hofi
í dag en þetta er í fyrsta skipti sem
lokahátíðin er haldin utan Reykjavíkur.
Á lokahátíðinni var valið besta atriði
Nótunnar 2019, þá fengu tvö atriði
viðurkenningu Sinfóníuhljómsveitar
áhugamanna og 7 atriði auk þriggja
framangreindra atriða fengu
verðlaunagrip Nótunnar 2019 fyrir
framúrskarandi tónlistarflutning. Aldís
Hafsteinsdóttir, formaður Sambands
íslenskra sveitarfélaga, afhenti viður-
kenningar í lokin.
Baldur Þórarinsson, átta ára
sellónemandi í grunnnámi við Tón-
skóla Sigursveins, var með besta atriði
Nótunnar 2019. Baldur er jafnframt
yngsti tónlistarnemandinn sem hefur
fengið þessa útnefningu. Heiðurs-
titlinum fylgdi farandgripur Nótunnar
auk þess sem atriðið fékk gjafabréf frá
Tónastöðinni.
Yngsti
vinningshafi í
sögu Nótunnar
MYND: ANTON BRINK
MYND: ANTON BRINK