Hinsegin dagar í Reykjavík - ágú. 2011, Blaðsíða 44

44
Komdu við á besta stað í bænum þar sem stemmningin er mest. Ljúffengur
matseðill fyrir alla sem vilja upplifa einstaka stund hjarta miðborgarinnar.
S K Ó L A B R Ú
í hjarta miðborgarinnar
SEEDS
í samstarfi við Hinsegin daga
Í kringum þátttakendur og áhorfendur í gleðigöngu
Hinsegin daga eru alls staðar öryggisverðir sem
gæta þess að enginn verði nú fyrir óhappi. og á
arnarhóli þekkjum við öll augnablikið þegar 2000
blöðrur svífa til himins í lok hátíðarinnar. Færri vita
þó að stór hópur sjálfboðaliða frá samtökunum
SEEdS myndar kjarnann í öryggisgæslu okkar á
götum, og það eru þau sem aðstoða okkur á
laugardagsmorgni við að blása upp allar blöðrurn-
ar. Án þeirra væri margt erfiðara en ella.
Samtökin SEEdS voru stofnuð árið 2005 af
oscar-mauricio Uscategui frá kólumbíu og félögum
hans og er þetta fimmta árið sem samtökin liðsinna hátíð Hinsegin daga. Stofnendur SEEdS vildu skapa valkost fyrir Íslendinga sem hafa
hug á að gegna sjálfboðaliðastörfum um allan heim og bjóða útlendingum til Íslands til þess að taka þátt í sams konar verkefnum. SEEdS
leiðir saman fólk úr öllum heimshornum með ólíka reynslu af mismunandi menningu og stuðlar þannig að friði, skilningi, samúð og sam-
vinnu. Umhverfismál eru ofarlega á baugi í starfi samtakanna. Á hverju ári koma hátt í þúsund manns á vegum SEEdS til Íslands til að
vinna að ýmsum verkefnum, ekki síst að umhverfismálum, og stuðla að kynnum fólks úr öllum áttum. að starfa með Hinsegin dögum einn
laugardag í águst er hluti af því að fá að kynnast þeim anda skilnings og samstöðu sem ríkir í Reykjavík þennan dag.
Hinsegin dagar í Reykjavík þakka SEEdS og sjálfboðaliðum þeirra fyrir ómetanlega aðstoð og við óskum starfi þeirra alls góðs á
komandi árum.