Vinnan - 01.05.1984, Síða 14

Fiskvinnslufólk vill aukna samstöðu:
Gæti orðið sjálfstæð
deild innan VMSÍ
Pórir Daníelsson ræðir hugmyndir um skipulagsbreytingar í upphafi fundarins —
hin myndin sýnir konur ífiskvinnsluhópnum fylgjast með umræðum.
- Hvað færði þessi ráðstefna hreyf-
ingunni, Þórir?
- Ég fylgdist mest með fiskvinnslu-
hópnum og það var greinilegt að það
fólk vill meiri samstöðu en nú er fyrir
hendi. Það var vilji allra umræðuhóp-
anna innan fiskvinnslunnar að stofnuð
yrðu með einhverjum hætti Samtök
fiskvinnslufólks, sem yrði síðan deild
innan Verkamannasambandsins. Við
hjá skipulagsnefndinni, og ekki síður
innan VMSÍ, verðum að skoða ræki-
lega þá kröfu að stofnuð verði lands-
samtök fiskvinnslufólks.
- Það yrðu mikil tíðindi ef það gerð-
ist. Einhver sagði í umræðum að rétt-
indi og kjör fiskvinnslufólks hefðu lítið
breyst í mörg ár.
— Þetta er bæði rétt og rangt. Fisk-
vinnslufólkið hefur búið við bónus-
kerfið, sem hefur m.a. valdið því að
grundvallartaxtinn hefur sáralítið
breyst. Atvinnuöryggi þessa fólks er
einna minnst innan hreyfingarinnar.
Samkvæmt íslenskum lögum er heimilt
að setja fólk í launalaust frí, og þessu er
hægt að beita gegn fiskvinnslufólki, ef
hráefni er ekki fyrir hendi. Við höfum
reynt að mæta þessu með kauptrygg-
ingarsamningi, þannig að fólk sem
gerir persónulegan ráðningarsamning,
eftir að hafa unnið einn mánuð, getur
haldið launum í allt að einni viku þó að
atvinnuleysi sé. Þetta þýðir að atvinnu-
rekendur geta sett fólk í launalaust frí
með viku fyrirvara. Það er þetta örygg-
isleysi sem er ákaflega áberandi í um-
ræðum um kjör fiskvinnslufólks.
— Og þær umræður skerpast með
kvótakerfinu?
— Að Sjálfsögðu. Þegar við blasir at-
vinnuleysi í greininni er hætt við að
atvinnurekendur noti þennan rétt sinn
æði mikið. Það er auðvitað fráleitt, að
fólk sem starfar í undirstöðuatvinnu-
grein þjóðarinnar, búi við minnst
öryggi varðandi atvinnumissi.
— Hvað áleit fólkið að yrði næsta
skref?
— Það kom ekki beint fram þarna,
enda kjaramálin minna rædd en skipu-
lagsmálin. Það er eðlilegt að fisk-
vinnslufólkið vilji meiri samvinnu sín á
milli og það verður forgangsverkefni á
næstu mánuðum að finna leiðir til þess.
- Varstu fyrir vonbrigðum með
„íhaldssemi“ fólksins?
- Nei, það kom mér ekkert á óvart.
En bæði umræður og niðurstöður ráð-
stefnunnar voru mjög góðar, og betri
en ég hafði þorað að vona. Niðurstöður
þeirra fimm hópa innan fiskvinnslunn-
ar, samtals um 70 manns, voru nær
samhljóða hvaða aðalatriði varðar og
það lofar mjög góðu.
S.J.
Kostur D
Fyrir fundinum lá ítarleg samantekt
um þá valkosti, sem mögulegir væru
í átt til skipulagsbrcytinga. Kostur
D, sem fundarmenn töldu þann eina
færa nú, var skilgreindur á eftirfar-
andi hátt í þeim plöggum er fyrir
fundunum lágu:
D. Deildaskipt félög, breytt aðild að
landssamböndum.
Alþýðusambandið yrði samband at-
vinnugreinasambanda þar sem nú-
verandi landssambönd yrðu uppi-
staðan en hugsanlega yrðu stofnuð
eitt eða fleiri sambönd einkum í
þeim félögum sem hafa beina aðild
að Alþýðusambandinu. í þeim
verkalýðsfélögum sem hafa innan
sinna vébanda starfsfólk í mörgum
atvinnugreinum yrðu stofnaðar
deildir sem gerðust síðan aðilar að
viðkomandi landssamböndum.
Höfuðverkefni landssamband-
anna yrði að gera heildarkjarasamn-
ing fyrir allt starfsfólk í greininni.
Verkfallsrétturinn yrði áfram hjá fé-
lögunum.
14 VINNAN