Fjarðarfréttir - 01.12.1982, Síða 50

50
Fjarðarfréttir

Y\»

tsV-
Morgundagurinn yyWW'’
t\ð
oð
lítið stef um dag-
inn í dag .
V\WÓ
,rt\9
,\a'a
Svavar Þorsteinsson og Hjörtur Sverrisson.
í sumar hafa tveir ungir hafnfirskir
kvikmyndagerðarmenn, þeir Svavar
Þorsteinsson og Hjörtur Sverrisson
unnið að gerð 8 mm kvikmyndar
sem ber nafnið „Morgundagur-
inn“. Mynd þessi er með veigameiri
8 mm kvikmyndum sem gerðar hafa
verið. Með henni kom út hljómskífa
með lögum úr kvikmyndinni sem
eru öll frumsamin. Blaðamaður frá
Fjarðarfréttum fóru á stúfana og
tók þessa tvo pilta tali.
Blm.: Hver voru tildrögin að gerð
þessarar myndar?
H: Okkur hefur lengi langað til að
gera leikna mynd en ekki getað það
vegna fjárskorts og tímaleysis. Svo
var það einn dag í maí í vor, þegar
Svavar kom til mín, að við ræddum
í fyrsta skipti alvarlega um þetta
mál. Nú, ég var búinn að stúdera
þetta dálítið áður og var kominn
með uppkast að handriti. Svavari
leist strax vel á hugmyndina, og
mánuði síðar var handritið tilbúið.
Blm.: Um hvað fjallar myndin?
S: Myndin fjallar um hvað það
getur verið erfitt að vera til, inn í
hana blandast erfiðleikar milli föður
og sonar, áfengisvandamál o.fl.
o.fl. einnig spilar hljómsveit, sem
Gunni, aðalpersónan í myndinni, er
meðlimur í, stórt hlutverk. Þetta er
eins konar þverskurður af vanda-
málum dagsins í dag.
Blm.: Af hverju þetta nafn,
,,Morgundagurinn "?
H: Eins og Svavar sagði er þetta
nokkurs konar erfiðleikamynd, en
þó með von um að morgundagurinn
leysi úr þessum erfiðleikum með
betri tíð og blóm í haga.
Blm.: Er þetta ekki dyrt fyrirtæki?
S: í beinum peningum kostaði kvik-
myndin rúmar 20.000 kr. plús alla
símreikningana sem foreldrarnir
bera að mestu leyti skaðann af og
áhyggjurnar, en við berum að öllu
leyti skaðann af þeim. En þegar
áhuginn er fyrir hendi , þá er allt
hægt.
Blm.: Nú gáfuð þið út plötu með
myndinni. Segðu mér svolítið nánar
frá því.
H: Við fengum til liðs við okkur
mjög efnilegan lagasmið, sem einnig
leikur aðalhlutverkið, til að semja
lög við kvikmyndina. Þegar þau
komu úr stúdíói sem við kjósum nú
að kalla hljóðritunarver, þá sáum
við að þarna var gott efni í plötu á
ferðinni, en þá töldum við kostnað-
inn of mikinn. Seinna talaði tón-
smiðurinn við félaga sinn um útgáf-
una og í samráði við okkur var plat-
an gefin út.
Blm.: Hverjir eru aðalleikendurnir?
S: Það eru: Stefán Hjörleifsson sem
leikur Gunna, Delia Howser sem
leikur vinkonu hans, Mæju og
Arnar Jónsson sem við töldum að
væri sá eini sem gæti meðhöndlað
með góðum árangri það sterka hlut-
verk sem Steingrímur faðir Gunna
er í myndinni, enda sannaðist það.
Blm.: Hvað tók kvikmyndunin
langan tíma?
H: í upphafi var reiknað með þrem
vikum en vegna veikinda, veðurs og
annarra vandræða liðu þrír mánuðir
frá fyrstu til síðustu töku.
Blm.: Haldið þið að þetta borgi sig?
S: Ja, þetta er dýrt fyrirtæki og það
þarf að fá mikið inn til að þetta geti
gengið, en það verður bara tíminn
og undirtektir að skera úr um.
H: Jafnvel þó að það borgi sig ekki
peningalega, þá er mjög þroskandi
að vinna svona með öðru fólki,
maður lærir mikið af þessu. Mér
finnst að þeir peningar sem við
lögðum í þetta séu aðeins auka-
atriði, þó er sjálfsagt að reyna að fá
þá til baka.
S: Ég vil taka undir það sem
Hjörtur segir og finnst mér að
reynslan og ánægjan af góðum
árangri séu næg laun.
(... og í þeim svifum datt eitt af
hinum fjölmörgu kvikmynda-
plakötum Hjartar í gólfið eins og
það vildi mótmœla síðasta ræðu-
manni og Hjörtur límdi það upp
aftur.)
Blm.: Spilar kvikmyndagerð stórt
hlutverk í lífi ykkar?
H: í dag gerir hún það, það eru
áhyggjur frá morgni til kvölds, ei-
lífir bömmerar út af ýmsum vanda-
málum. En þrátt fyrir alla erfið-
leikana er þetta mjög skemmtilegt.
Aðalkosturinn fram yfir flest önnur
áhugamál er að kvikmyndagerðin
skilur eitthvað eftir sig.
S: Já, ég á allnokkur áhugamál og
ber kvikmyndagerðina þar hæst.
Meðan á vinnslu kvikmyndar
stendur verða öll önnur áhugamál
að þoka fyrir þessu eina, og í þessa
sex mánuði sem vinnsla myndar-
innar hefur tekið hef ég ekki getað
sinnt öðru og vi_ það þannig á tíma-
bili að maður hugsaði ekki um
annað en myndina og aftur mynd-
ina. Sem sagt eins og Hjörtur sagði
áðan, áhyggjur frá morgni til
kvölds. Samt er þetta mjög
skemmtilegt og ég sé ekki eftir að
hafa látið önnur mál víkja fyrir
þessu.
(Nú datt plakatið hans Hjartar aftur
niður)
S: Ó nei, ekki aftur.
(Og Hjörtur hengdi það upp á ný).
Blm.: Ráðleggið þið jafnöldrum
ykkar að fara út í svona fyrirtæki?
H: Það sem þarf til eru peningar,
áhugi og tími. Ef að jafnaldrar
okkar hafa nóg af þessu öllu, þá
mæli ég með því.
S: Já, ég vil bæta því við að það
verður að hafa allt skipulag á hreinu
áður en farið er út í svona og vanda
vel til vals á samstarfsfólki því að
áhugi og mórall innan hópsins geta
oft ráðið úrslitum um gæði myndar-
innar.
Blm: Eitthvað að lokum?
H: Við viljum bara þakka öllum
þeim sem að veittu okkur stuðning
við gerð þessarar myndar með von
um að þeir séu búnir að jafna sig
eftir álagið í sumar.
S: Já, án þeirra hefði þessi mynd
aldrei orðið til og ég vil bara enda
þetta með því að óska öllum Hafn-
firðingum gleðilegra jóla.
(Þegar undirritaður opnaði dyrnar
og gekk út heyrði hann hvar
plakatið féll í gólfið enn einu sinni)
Nú er rétti tíminn til
að tryggja sér
fallegt einbýlishús frá Siglufirði
til afgreiðslu næsta vor!
Einingahúsin frá Siglufirði hafa vakið verðskuldaða
athygli fyrir gæði. Enda sitja efnisgæði, vöruvöndun og
framleiðslutækni í fyrirrúmi hjá Húseiningum h/f.
Fleiri og fleiri gera sér grein fyrir kostum timbur-
húsa, og þá ekki síst einingahúsa úr völdum viðar-
tegundum. Sérstaklega hafa tvílyft hús frá Húseiningum
h/f vakið mikla athygli.
Það er staðreynd að einbýlishús frá Húseiningum
h/f þurfa ekki að kosta meira en 4-5 herbergja íbúð í
fjölbýlishúsi, en kaupendur ráða verðinu að nokkru leyti
sjálfir þar sem hægt er að kaupa húsin á mismunandi
byggingarstigum frá verksmiðju. Möguleikarnir á út-
færslu þeirra eru því sem næst óendanlegir.
Þeir sem hafa hug á því að fá Siglufjarðarhús til
uppsetningar á fyrri hlutanæstaárs eru beðnir að hafa
samband við Húseiningar h/f, sími (96) 71340 eða
söluskrifstofuna í Reykjavík,
hjá Guðmundi Óskarssyni,
verkfræðingi, Skipholti 19.
sími (91) 15945.
HUSEININGAR HF