Börn og menning - 01.05.1999, Blaðsíða 34

BÖRN oc MENN|N6
Ingibjörg MöIIer
Ingibjörg er fædd á Siglufirði 12. júlí 1944. Hún lauk
stúdentsprófi frá Menntaskólanum á Akureyri 1964,
kennaraprófi frá Kennaraháskóla Islands 1965 og sér-
kennaraprófi frá Kennaraháskóla íslands 1978. Hún
stundaði nám í finnsku og uppeldisfræði við Háskólann
í Helsingfors (Helsingin Uliopisto) 1970-1972 og lauk
þaðan prófi í finnsku fyrir
útlendinga.
Ingibjörg kenndi í Kópavogi
um nokkurra ára skeið en árið
1978 hóf hún störf við Hlíða-
skóla í Reykjavík og starfar þar
sem kennari og aðstoðarskóla-
stjóri.
Árið 1986 gaf Námsgagna-
stofnun út bók Ingibjargar Til
sjós og lands en sú bók er notuð
í lestrarkennslu víða í grunn-
skólum landsins.
Auk hennar hefur Ingibjörg samið margs konar
kennsluefni, ein eða í samvinnu við aðra. Má þar nefna
bækurnar Öskjuhlíð frá ýmsum hliðum, Friðlandið
Hornstrandir fyrr og nú, Fjaran heillar og Algebra
fyrir alla. (Allar gefnar út í ljósriti).
Kveikjan að því að ég hóf skriftir var að mér fannst
vanta námsefni fyrir börn og unglinga þar sem
fléttað væri saman náttúrufræði, sögu, landafræði
og umhverfísfræðslu. Því hóf ég að afla mér
fróðleiks um ýmsa staði á íslandi, þó aðallega svæði
sem komin voru í eyði en átt höfðu sér merka sögu í
gegnum tíðina. Eftir að hafa skrifað kennsluefni um
Hornstrandir fór forvitnin að iáta á sér kræla, mig
fór að langa til að vita hvort ég gæti skrifað
skáldsögu sem gerðist á svæðinu. Ég fékk dóttur
mína í lið með mér, við sköpuðum nokkrar lífsglaðar
sögupersónur og sendum þær vestur á fírði. Gerð
var spennuflétta í kringum nokkur atvik í lífí þeirra
- og bókin Grillaðir bananar leit dagsins ljós.
Upplýsingaöflun og skrif um eyjarnar á Kollafírði
urðu til þess að bókin Ráðgátu um rauðanótt varð til
en sagan gerist að hluta til úti í Engey. f þessum
bókum mínum leitast ég við að koma að gildi vináttu
og samstöðu, skapa spennu og láta léttleika og
glaðværð ríkja. Mér fínnst mikilvægt að laða fram
áhuga barna og unglinga á að lesa og skilja marg-
breytilega texta sér til fróðleiks og skemmtunar og
vona að mér hafí tekist að leggja lóð á voga-
skálarnar með því að skrifa jöfnum höndum
fræðslu- og skemmtiefni. Hafa ber í huga að læsi er
ekki lært í eitt skipti fyrir öll, heldur verða menn
læsari á fleira og meira eftir því sem þeir vaxa úr
grasi og öðlast aukna reynslu. Enginn er með öll
ólæs og enginn er læs á allt.
Útgefin verk:
Til sjós og lands , Námsgagnastofnun 1986
Grillaðir bananar, Vaka-Helgafell 1996 (Meðhöfundur
er Fríða Sigurðardóttir)
Ráðgáta um rauðanótt, Fróði h/f 1998
Viðurkenningar:
Ingibjörg og Fríða dóttir hennar hlutu Islensku
barnabókaverðlaunin 1996 fyrir Grillaða banana.
Ráðgáta um rauðanótt bar sigur úr býtum í
samkeppni sem Bandalag kvenna í Reykjavík efndi til á
árinu 1997.
A: