Börn og menning - 01.04.2006, Blaðsíða 11

Gleðipilla fyrir svartsýna bókaunnendur
11
best að lesa í herberginu sínu þar sem er
friður. Hún á mikið af bókum enda fær hún
nánast alltaf bækur í jólagjöf. Áður en hún
varð læs var lesið fyrir hana heima á hverjum
degi en núna er bara lesið upphátt fyrir hana
í nestistímanum í skólanum. Hún les stundum
upphátt fyrir yngra systkini sitt.
Ingibjörg er með kort á Sólheimabókasafni
og þangað fer hún til að ná sér í bækur ef
þær eru í útláni á skólasafninu. Hún velur
bækur með því að lesa aftan á kápurnar.
Henni finnst ekki nauðsynlegt að það séu
myndir í bókum en ágætt að hafa nokkrar.
Ingibjörg klárar yfirleitt þær bækur sem
hún byrjar á en það kemur fyrir að hún gefst
upp ef of mikið er af þungum orðum eða
erfitt að lesa letrið. Hún gafst til dæmis upp
á Stelpur í stressi af þessum sökum.
Ingibjörgu finnst gaman að semja sjálf
sögur en það gerir hún stundum í skólanum.
Skemmtilegast finnst henni að skálda
bullsögur.
Margt annað í boði
Þessir krakkar myndu sóma sér vel í nýju
spurningakeppnínni hennar Kristínar Helgu.
Þau voru ófeimin og komust vel að orði
og ekki annað hægt en fyllast bjartsýni yfir
ungu kynslóðinni. Bókasafnið sjálft jók lika á
vellíðanina. Það er mjög rúmgott og ekki lágt
til lofts þótt það sé undir súð. Út um allt eru
skemmtilegir krókar og horn með borðum og
stólum sem lokka gesti til að láta fara vel um
sig með bók í hönd og það leynir sér ekki að
bókakosturinn í safninu er góður.
En hvað segir Þóra Sjöfn? Finnst henni
miklar breytingar hafa orðið á bóklestri barna
frá því að hún byrjaði að starfa á skólasafninu
1997. „Jú, því er ekki að neita. Það er
heilmikil vinna að hvetja börn til lestrar, því
það er svo margt annað á boðstólum en
bókin. En það þarf líka að skrifa meira fyrir
börnin, því þau eru í senn þakklátir og
kröfuharðir lesendur," segir Þóra Sjöfn um
leið og við kveðjumst.
Án þess að lítið sé
gert úr niðurstöðum
vísindalegra og óvísinda-
legra kannana á bóklestri
barna í dag þá má ekki
gleyma því að út um allt
land er fólk sem vinnur
gott starf við að laða
börnin að bókum. Og það
er vissulega upplífgandi
að öðlast dálitla innsýn í
störf þeirra.
Guðlaug Richter