Fréttablaðið - 10.03.2021, Blaðsíða 18

Umtalsvert fé mun að líkindum streyma á hlutabréfabréfa-markað í ljósi þess að fyrirtæki í Kaup-höll munu greiða
hluthöfum samanlagt um 48,9
milljarða, samkvæmt samantekt
Markaðarins. Sérfræðingar slá á
að arðgreiðslur og endurkaup verði
svipuð að umfangi og selt verður í
hlutafjárútboðum við skráningu
Íslandsbanka og Síldarvinnslunnar
í Kauphöllina.
Fyrirtæki í Kauphöllinni munu
greiða hluthöfum 19,5 milljarða
króna í arð á næstunni, 9,7 millj-
arðar munu renna í hendur hlut-
hafa með lækkun hlutaf jár og
fyrirtækin stefna á að kaupa eigin
bréf fyrir um 19,7 milljarða króna
á árinu.
Mogens Gunnar Mogensen, for-
stöðumaður hlutabréfastýringar
hjá Íslandssjóðum, segir að um
sé að ræða mun hærri fjárhæðir
en áður. „Undanfarin ár hafa arð-
greiðslur og endurkaup numið í
kringum 30 milljörðum á ári, ef frá
er talið árið 2019 þegar fjárhæðin
var ríf lega 40 milljarðar,“ segir
hann.
„Helsta ástæðan fyrir hærri
útgreiðslum á árinu 2021 er að
eigið fé safnaðist upp hjá fjármála-
fyrirtækjum og tryggingafélögum
á árinu 2020 vegna tilmæla frá Fjár-
málaeftirliti Seðlabankans um að
greiða ekki út arð eða kaupa eigin
bréf. Þetta var gert til að tryggja
sterka eiginfjárstöðu vegna efna-
hagslegrar óvissu tengda COVID. Í
ársbyrjun 2021 var svo létt á þess-
um hömlum sem gerði félögunum
mögulegt að hefja aftur útgreiðsl-
ur til hluthafa innan ákveðinna
marka. Arion banki var snöggur
til að tilkynna um 15 milljarða
endurkaupaáætlun og ætlar auk
þess að greiða þrjá milljarða í arð,
svo hann hreyfir nálina duglega.
Þá má einnig nefna að Síminn er
að greiða óvenjumikið út til hlut-
hafa nú, eða um 9 milljarða, til að
bæta hjá sér fjármagnsskipanina.
Arðgreiðslur og endurkaup eru á
heildina litið að vaxa um hátt í 50
prósent á milli ára.“
Óðinn Ár nason, sjóðsstjór i
hlutabréfasjóða hjá Stefni, segir að
á undanförnum árum hafi skráð
fyrirtæki í Kauphöll aukið greiðsl-
ur og endurkaup eigin bréfa. „Oft
hefur arðgreiðslum verið fjárfest að
stórum hluta til aftur á hlutabréfa-
markaðinn. Hlutabréfaverð hefur
þannig stundum átt tilhneigingu
til að hækka í lok mars og byrjun
apríl þegar arðgreiðslur berast
hluthöfum og þeim hefur verið
endurfjárfest aftur á markaðinn.
Fyrirtækin sem skráð eru í Kaup-
höllina komu f lest nægjanlega vel
út úr COVID-19 til að geta greitt út
arð,“ segir hann.
Nýverið var gengið frá sölu á
íbúðaleigufélaginu Ölmu fyrir
ellefu milljarða til fjölskyldunnar
sem meðal annars á heildverslun-
ina Mata. Reikna má með að tals-
verður hluti af þeirri fjárhæð renni
á hlutabréfamarkaðinn, að því er
sérfræðingar á markaði telja, en
helstu hluthafar voru félög tengd
Guðbjörgu Matthíasdóttur, aðal-
eiganda Ísfélagsins í Vestmanna-
eyjum, tryggingafélögin TM, Sjóvá
og VÍS.
Mogens Gunnar segir öruggt að
hluti af þeim fjármunum sem skráð
fyrirtæki greiða út til hluthafa leiti
aftur inn á hlutabréfamarkaðinn.
Hlutabréfasjóðir muni f lestir fjár-
festa aftur þeim fjármunum sem
þeir fá í hendurnar en meiri óvissa
ríki um hvernig lífeyrissjóðir ráð-
stafi sínum greiðslum. Þó megi
vænta að töluverðum hluta þess
verði endurfjárfest á hlutabréfa-
markaði. „Þá er töluvert erlent
eignarhald í Marel og að einhverju
marki Arion banka og því mun
hluti þeirra arðgreiðslna renna í
vasa erlendra fjárfesta. Engu að
síður ættu arðgreiðslur og endur-
kaup að glæða markaðinn lífi á
komandi vikum og mánuðum og
koma sér vel ef verður af tveimur
f y r irhug uðu m nýsk ráning u m
næsta sumar, Íslandsbanka og
Síldarvinnslunni,“ segir hann.
Óðinn segist telja lífeyrissjóðir
muni endurfjárfesta hluta af þeim
arðgreiðslum sem þeir fá á íslenska
hlutabréfamarkaðnum á nýjan
leik. „Hlutfall innlendra hlutabréfa
af eignasafni lífeyrissjóða hefur
hækkað að undanförnu. Það er því
spurning hvaða augum þeir líta
hlutföllin í eignasöfnum sínum,“
segir hann.
Óðinn segir að almennt séu arð-
greiðslur stöðugar hjá skráðum
fyrirtækjum en umfang kaupa á
eigin bréfum óreglulegra og nýtt
til dæmis til að gera breytingar á
fjármagnsskipan félaganna.
Hlutabréfavísitalan OMXI10
hefur hækkað um 11 prósent það
sem af er ári og um 57 prósent á
einu ári. Stýrivextir eru lágir eða
0,75 prósent en verðbólga mælist
4,1 prósent. Af þeim sökum hefur
f jármagn færst úr innistæðum
og skuldabréfum. „Þrátt fyrir
að hlutabréfamarkaðurinn hafi
hækkað hratt á skömmum tíma er
gert ráð fyrir því að hlutabréfaverð
geti hækkað áfram í ljósi þess hve
vaxtastigið er lágt. Umtalsverður
hluti sparnaðar almennings er enn
fjárfestur í lágvaxtaeignum og má
áfram gera ráð fyrir eignatilfærslu
að einhverju marki yfir í áhættu-
meiri eignir eins og hlutabréf,“
segir Mogens Gunnar.
Óðinn segist telja að innlend
hlutabréf muni halda áfram að
vera nokkuð sterk. Í ljósi lágra
vaxta megi vænta þess að fjár-
magn haldi áfram að leita að
betri ávöxtun í hlutabréfum auk
þess sem arðgreiðslur hafi sögu-
lega stutt við hlutabréfaverð. Þá
styttist í að íslenski hlutabréfa-
markaðurinn fari í vísitölumengi
MSCI, eins stærsta vísitölufyrir-
tækis í heimi. „Við væntum þess
að f leiri erlendir fjárfestar muni
við það fjárfesta í auknum mæli
í íslenskum hlutabréfum. Jafnvel
þótt einhverjir erlendir fjárfestar
hafi selt á undanförnum misserum
hlutabréf sín, enda um mjög ólíka
fjárfesta að ræða,“ segir hann.
Sögulega hefur
þeim greiðslum
verið fjárfest að stórum
hluta til aftur í hlutabréfa-
markaðnum.
Óðinn Árnason,
sjóðstjóri hjá
Stefni
Helsta ástæðan
fyrir hærri út-
greiðslum á árinu 2021 er að
eigið fé safnaðist upp hjá
fjármálafyrirtækjum og
tryggingafélögum á árinu
2020 vegna tilmæla frá
Fjármálaeftirliti Seðlabank-
ans um að greiða ekki út arð
eða kaupa eigin bréf.
Mogens Gunnar
Mogensen, for-
stöðumaður hjá
Íslandssjóðum
Helgi Vífill
Júlíusson
helgivifill@frettabladid.is
Nafn Arðgreiðsla Lækkun hlutafjár Kaup á eigin bréfum Samanlagt
Arion 2.990 18.188 21.178
Brim 2.305 2.305
Eik 650 650
Eimskip 447 1.676 2.123
Festi 969 969
Hagar 500 500
Iceland Seafood
Icelandair
Kaldalón
Kvika
Marel 6.289 6.289
Origo
Reginn
Reitir 778 788
Síminn 500 8.000 500 9.000
Sjóvá 2.650 2.650
Skeljungur 350 350
Sýn
TM
VÍS 1.610 500 2.110
Samtals 19.538 9.676 19.688 48.902
ALMA íbúðafélag selt 11.000
Samanlagt 59.902
✿ Greiðslur fyrirtækja í Kauphöll til hluthafa
Fjárhæðir eru í milljónum króna
0
5
10
15
20
25
30
2014 2015 2016 2017 2018 2019 2020 2021
n Arðgreiðslur fyrirtækja
í Kauphöllinni
n Endurkaup fyrirtækja í
Kauphöllinni
✿ Endurkaup fyrirtækja á eigin bréfum fara vaxandi
Í milljörðum króna
Mikið fé gæti streymt aftur á markað
Horfur eru á að fyrirtæki í Kauphöll muni greiða hluthöfum 49 milljarða króna. Skráð fyrirtæki komu flest nægjanlega vel út úr
COVID-19 til að geta greitt út arð. Eigið fé safnaðist upp hjá fjármálafyrirtækjum og tryggingafélögum á árinu 2020.
Arðgreiðslur gætu
aukist á árinu 2021
Mogens Gunnar Mogensen,
forstöðumaður hlutabréfastýr-
ingar hjá Íslandssjóðum, segir
að mögulega muni arðgreiðslur
fyrirtækja á árinu aukast. „Ar-
ion banki og tryggingafélögin,
einkum Sjóva, hafa umtalsvert
svigrúm til að greiða hluthöf-
um arð. Fjármálafyrirtæki eru
háð skilyrðum Fjármálaeftirlits
Seðlabankans um hve mikinn
arð má greiða. Þau skilyrði
verða endurskoðuð í haust.
Þrátt fyrir að Sjóvá muni
greiða 2,7 milljarða króna í arð
verður fjárhagslegur styrkur
félagsins áfram mikill. Trygg-
ingafélagið getur greitt um tvo
til þrjá milljarða til hluthafa en
samt sem áður verði gjaldþols-
hlutfallið innan þeirra marka
sem stjórn hefur ákveðið.
Gjaldþolshlutfallið verður 1,67
eftir fyrirhugaða arðgreiðslu en
samkvæmt lögum skal það ekki
vera lægra en einn.“ Gjaldþols-
hlutfall mælir getu fyrirtækja
til að greiða langtímaskuld-
bindingar og vexti.
Kvika og TM munu bíða með
að greiða arð á meðan unnið
er að sameiningu félaganna.
„Sameinað félag gæti því greitt
arð þegar líða tekur á árið,“
segir hann.
Stefnir með nýjan
arðgreiðslusjóð
Stefnir, sjóðastýringarfélag í
eigu Arion banka, hefur hleypt
af stokkunum arðgreiðslusjóði.
Óðinn Árnason, sem stýrir
sjóðnum, segir að einungis
verði fjárfest í félögum sem
sögulega greiða arð eða eru
líkleg til að greiða arð innan
12 mánaða. „Mörgum þykir
þægilegra að færa sparnað úr
innlánum og skuldabréfum í
ljósi lágs vaxtastigs í sjóð sem
fjárfestir einungis í fyrirtækjum
í Kauphöll sem greiða arð eða
eru líkleg til þess. Það gerir það
mögulegt að sjóðsfélagar fá
greiddan arð úr sjóðnum einu
sinni á ári. Það má gera ráð
fyrir að sjóðurinn geti greitt
arð um og yfir þrjú prósent af
markaðsvirði eins og síðustu ár
hafa verið og stundum meira, í
góðu árferði. Árið í ár líti t.d. vel
út í því sambandi. Það verður
þó að hafa í huga að eignir
sjóðsins geta sveiflast í virði
eins og í öðrum hlutabréfa-
sjóðum,“ bendir hann á. Óðinn
segir að mörg skráð fyrirtæki
í Kauphöllinni séu komin með
arðgreiðslustefnu og stefni
á að greiða hluthöfum reglu-
legan arð.
Talið er að stór hluti af kaupverði Ölmu íbúðaleigufélags renni á hlutabréfamarkað. FRÉTTABLAÐIÐ/SIGTRYGGUR ARI
1 0 . M A R S 2 0 2 1 M I Ð V I K U D A G U R4 MARKAÐURINN