Íslenskt mál og almenn málfræði - 2020, Page 197

hópum var minnstur í viðbrögðum þátttakenda við fullyrðingunni „Mér
finnst gaman að vera í aðstæðum þar sem ég þarf að tala ensku“ (sjá mynd
13) en þar voru allir aldurshópar fremur sammála, þótt meðaltalið væri
lægra hjá þeim sem voru 46 ára og eldri. Það er forvitnilegt að bera þær
niðurstöður saman við viðbrögð við fullyrðingunni „Ég gæti hugsað mér
að nota ensku fyrir raddstýringu tækja“ (sjá mynd 12) því þar er mun meiri
munur á milli fólks undir þrítugu annars vegar og þeirra sem eru 46 ára
og eldri hins vegar. Fólk undir tvítugu er mun opnara fyrir virkri notkun
ensku í tengslum við tækni en þeir eldri og viðbrögð þessara aldurshópa
við enskunotkun til raddstýringar eru líka jákvæðari en viðbrögð þeirra
við því að tala ensku í aðstæðum sem kalla á það. Þessu er hins vegar öfugt
farið meðal eldra fólks. Þetta gæti bent til þess að ungt fólk sé viljugra til
að tileinka sér og nota tækninýjungar en þeir eldri og að svörin endur-
spegli það að einhverju leyti þótt fleira skipti örugglega máli.
Niðurstöður okkar benda til þess að viðhorf yngra fólks til þess að nota
ensku séu almennt jákvæðari en eldra fólks. Samkvæmt Pearson (2007)
getur jákvætt viðhorf til tungumáls leitt til meiri notkunar á því í tví-
tyngdum samfélögum og þó að Ísland sé ekki tvítyngt í eiginlegum skiln-
ingi hafa verið færð rök fyrir því að nú á dögum megi líta á ensku sem
annað mál á Íslandi fremur en erlent mál, í ljósi þess að notkun hennar
hefur aukist á öllum sviðum þjóðfélagsins og sérstaklega í stafrænu um -
hverfi (sjá Birnu Arnbjörnsdóttur og Hafdísi Ingvarsdóttur 2014:181, sbr.
líka umfjöllun í 2. kafla). Þau jákvæðu viðhorf sem endurspeglast í niður -
stöðunum frá yngra fólki geta því að einhverju leyti útskýrt þá miklu
ensku notkun ungs fólks á Íslandi sem niðurstöður í kafla 4.2 sýna.
Niðurstöður 4. kafla almennt sýna að stafrænt málsambýli íslensku og
ensku er mjög náið í málheimi ungs fólks á Íslandi. Þessir einstaklingar
nota bæði ensku og stafræna miðla mikið og viðhorf þeirra til ensku og
enskunotkunar eru jákvæðari en viðhorf eldra fólks.
5. Forspárgildi um enskunotkun 13–15 ára einstaklinga
Í þessum kafla verður athugað hversu gott forspárgildi stafræn notkun og
viðhorf 13–15 ára unglinga hafa um enskunotkun þeirra. Niðurstöður
fyrir þennan aldurshóp byggjast á svörum 237 einstaklinga. Til þess að
bera saman breytur innan aldurshópsins voru gerðar línulegar aðhvarfs-
greiningar í tölfræðiforritinu R. Ef tengsl eru milli tveggja breyta má nota
þær upplýsingar til að spá fyrir um gildi annarrar breytunnar út frá gildi
hinnar (sjá nánar um að hvarfsgreiningar hjá Amalíu Björnsdóttur 2004).
Stafrænt málsambýli íslensku og ensku 197