Íslenskt mál og almenn málfræði - 2020, Page 203
Forspárgildið er marktækt og skýrir tæplega 26,5% af dreifingunni. Töl -
fræðilíkanið spáir því fyrir um talsverðan hluta af heildarenskunotkun
13–15 ára unglinga. Af niðurstöðunni má því draga þá ályktun að jákvæð
viðhorf unglinga til ensku geti leitt til aukinnar enskunotkunar þeirra.
Í töflum 4 og 5 er greint á milli óvirkrar og virkrar notkunar á ensku til
þess að athuga hvort viðhorf spá jafn vel fyrir um hvort tveggja.
Breyta Áhrif Marktækni
Viðhorf til enskunotkunar 0,0994 p < 0,001
R2=0,1194 (F(1, 235) = 31,85) p < 0,001
Tafla 4: Forspárgildi jákvæðra viðhorfa um óvirka enskunotkun 13–15 ára ung-
linga. N=237.
Breyta Áhrif Marktækni
Viðhorf til enskunotkunar 0,2294 p < 0,001
R2=0,2462 (F(1, 235) = 76,77) p < 0,001
Tafla 5: Forspárgildi jákvæðra viðhorfa um virka enskunotkun 13–15 ára ung-
linga. N=237.
Töflur 4 og 5 sýna að forspárgildi viðhorfa þátttakenda til enskunotkunar,
eins og það kemur fram í viðbrögðum þeirra við fullyrðingunum, er 24,6%
um virka enskunotkun en 11,9% um óvirka enskunotkun. Þau viðhorf
sem þátttakendur á aldrinum 13–15 ára hafa til ensku og enskunotkunar
voru almennt frekar jákvæð. Út frá þessum niðurstöðum virðast jákvæð
viðhorf því geta haft áhrif á enskunotkun þátttakenda á þessum aldri og
meiri líkur eru á því að þau hafi áhrif á virka enskunotkun (tal og skrif á
ensku) en óvirka (hlustun og lestur á ensku).
Tilraun var gerð til þess að athuga hvort gott spágildi töflu 5 skýrðist
af því að fullyrðingar (5c–d) mæla notkun ensku auk viðhorfa (sjá um -
fjöllun í kafla 4.3). Því var prófað að skipta fullyrðingunum í tvennt, ann-
ars vegar (5a–b) og hins vegar (5c–d). Sú tilraun leiddi í ljós að þær fyrr-
nefndu, þ.e. fullyrðingarnar sem mæla einungis viðhorf, höfðu töluvert
betra spágildi. Það undirstrikar enn frekar að viðhorf séu áhrifamikil
breyta.
Stafrænt málsambýli íslensku og ensku 203