Íslenskt mál og almenn málfræði - 2020, Qupperneq 206

15 ára. Samspil notkunar á stafrænum miðlum á borð við áhorf og tölvu-
leiki, viðhorfa til ensku og enskunotkunar og þess hversu oft þátttakendur
á aldrinum 13–15 ára nota ensku var því athugað með aðhvarfsgreiningu
(sjá 5. kafla). Niðurstöðurnar benda til þess að af þeim þáttum sem skoðaðir
voru hafi viðhorf til ensku best forspárgildi um enskunotkun íslenskra ung-
linga, sérstaklega um virka notkun þeirra á ensku. Næstbesta forspárgildið
um enskunotkun unglinganna hefur virk notkun þeirra á stafrænum
miðlum, þ.e. spilun tölvuleikja með samskiptum við aðra spilara. Þessar
niðurstöður benda til þess að það hvernig unglingar nota stafræna miðla og
viðhorf þeirra til ensku og enskunotkunar geti skýrt það hversu mikið þeir
nota ensku. Samkvæmt umfjöllun í 2. kafla eru það einmitt þessi atriði sem
eru líkleg til að auka enskufærni unglinga í stafrænu málsambýli.
Í inngangi greinarinnar kom fram að fáar rannsóknir hafa verið gerðar
á stafrænu sambýli íslensku og ensku á Íslandi (sjá þó yfirlit Birnu Arn -
björnsdóttur og Hafdísar Ingvarsdóttur 2018 á rannsóknum sem gerðar
voru á árunum 2005–2011) og þessi grein hefur því almennt fræðilegt
gildi. Ætlunin er að skoða þá þætti sem rannsakaðir voru í greininni nánar
innan rannsóknarverkefnisins í því skyni að fá gleggri mynd af áhrifum
þeirra á færni Íslendinga í ensku um þessar mundir og á íslenskt málsam-
félag til framtíðar.
heimildir
Amalía Björnsdóttir. 2004. Aðhvarfsgreining. Tölfræðivefur Amalíu Björnsdóttur. ⟨http://
mennta.hi.is/vefir/tolfraedi/textar/adhvarfsgreining.htm⟩. [Sótt 03.02.2019.]
Anna Jeeves. 2010. English at secondary school: Perceptions of relevance. Ráðstefnurit
Netlu – Menntakvika 2010. ⟨http://netla.hi.is/menntakvika2010/002.pdf⟩. [Sótt
25.05.2020.]
Anna Björk Nikulásdóttir, Jón Guðnason og Steinþór Steingrímsson. 2013. Máltækni fyrir
íslensku 2018−2022 — Verkáætlun. Mennta- og menningarmálaráðuneytið, Reykjavík.
⟨https://www.stjornarradid.is/lisalib/getfile.aspx?itemid=56f6368e-54f0-11e7-941a-
005056bc530c⟩. [Sótt 10.12.2020.]
Ásrún Jóhannsdóttir. 2010. English in the 4th grade in Iceland: Exploring exposure and
measuring vocabulary size of 4th grade students. Ráðstefnurit Netlu – Menntakvika
2010. ⟨https://netla.hi.is/menntakvika2010/007.pdf⟩. [Sótt 9.11.2020.]
Ásrún Jóhannsdóttir. 2018. English Exposure and Vocabulary Proficiency at the Onset of
English Instruction. Birna Arnbjörnsdóttir og Hafdís Ingvarsdóttir (ritstj.): Language
Development across the Life Span: The Impact of English on Education and Work in
Iceland, bls. 57–78. Springer, Cham.
Berglind Hrönn Einarsdóttir. 2019. Viðhorf unglinga til íslensku og ensku: Niðurstöður
viðtalskönnunar við 48 unglinga á aldrinum 13–16 ára. MA-ritgerð í íslenskri mál -
fræði, Háskóla Íslands, Reykjavík. ⟨http://hdl.handle.net/1946/32654⟩.
Dagbjört Guðmundsdóttir o.fl.206