Fréttablaðið - 24.04.2021, Side 16

BLAK Jóna Guðlaug Vigfúsdóttir
varð í vikunni sænskur meistari
í blaki en þar með varð hún þre­
faldur meistari með liði sínu Hylte/
Halmstad á nýafstöðnu keppnis­
tímabili. Jóna Guðlaug hefur leikið á
sænskri grundu síðastliðin sjö ár en
þar hefur henni ekki tekist að verða
sænskur meistari fyrr en nú.
Jóna Guðlaug, sem er uppal­
in í Neskaupstað, var fyrr á þessu
tímabili valin í lið ársins í sænsku
úrvalsdeildinni, en það lið er valið
af leikmönnum og þjálfurum deild­
arinnar.
„Ég var búin að vera í öðru og
þriðja sæti og var farin að halda að
ég myndi aldrei ná að landa þeim
stóra. Það var því mikill tilfinninga­
rússíbani þegar titillinn var í höfn
og ég hágrét bara eins og barn þegar
sigurinn var í höfn.
Það er ákveðið spennufall í gangi
núna nokkrum dögum eftir að við
höfðum betur í úrslitaleiknum. Ég
verð eiginlega bara að viðurkenna
að ég er enn í skýjunum og verð þar
eitthvað áfram,“ segir Jóna Guð­
laug, um tilfinninguna að hafa orðið
sænskur meistari.
„Fyrir sjö árum síðan var ég búin
að spila sem atvinnumaður í Frakk­
landi, Sviss og Þýskalandi og var
jafnvel á því að hætta bara í blak­
inu. Ég var orðin þreytt á að vera að
f lakka á milli landa og var að leita
að einhverjum stöðugleika.
Þá fékk ég tölvupóst frá Svíþjóð
þar sem ég var spurð hvort ég vildi
koma þangað að spila og ég ákvað
bara að slá til. Ég sé alls ekki eftir
því, þrátt fyrir að sænska deildin
sé ekki sú besta í Evrópu þá get ég
spilað sem atvinnumaður hérna og
mér líður of boðslega vel.
Svo er maðurinn minn líka í blaki
en hann var kjörinn besti blak­
maður deildarinnar nýverið og varð
einnig sænskur meistari í vikunni.
Það er því bitist um athyglina á
heimilinu þessa stundina og mikil
gleði í gangi.
Það er talað um lítið annað en
blak á heimilinu og í rauninni er það
mjög gott að ég búi með manni sem
skilur það hversu mikinn tíma og
orku blakið tekur á hverjum degi,“
segir þessi metnaðarfulla blakkona.
„Það skemmdi ekki fyrir að við
vorum að velta af stalli erkifjanda
okkar, Engelholms, sem hefur orðið
meistari síðustu sex árin. Þetta var
því langþráður sigur fyrir mig per­
sónulega og félagið sjálft. Þessu
hefur verið vel fagnað síðustu dag­
ana og mjög gaman að taka þátt í
því,“ segir hún.
„Þegar ég kemst niður úr skýj­
unum bleiku ætla ég að einbeita
mér að strandblakinu. Mig langar
að færa mig úr inniblakinu yfir í
strandblakið næstu mánuðina og ég
sé svo til hvað ég geri næsta haust.
Nú er ég á leiðinni með liðsfélaga
mínum í strandblakinu, Thelmu
Dögg Grétarsdóttur, á mótaröðina
á ítalska meistaramótinu.
Það er mjög mikill áfangi að kom­
ast inn á þá mótaröð og við erum
mjög spenntar fyrir því að spila
þar. Við ætlum að reyna að komast
inn á eins mörg alþjóðleg mót og við
getum næstu mánuðina.
Markmiðið er að freista þess
að komast inn á Ólympíuleikana
sem fram fara í Tókýó í ágúst. Það
er algerlega raunhæft að komast
þangað en fer bara eftir því hversu
mörgum mótum við náum að taka
þátt í og hvernig okkur gengur þar,“
segir Jóna um framhaldið.
hjorvaro@frettabladid.is
Grét eins og lítið barn þegar
titillinn var loksins í höfn
Jóna Guðlaug Vigfúsdóttir náði í vikunni þeim afar langþráða áfanga að verða sænskur meistari í blaki.
Fyrr á tímabilinu var Jóna Guðlaug valin í lið ársins en það úrvalslið er valið af leikmönnum og þjálf-
urum deildarinnar. Fyrir sjö árum var hún nærri því að hætta blakiðkun þegar kallið kom frá Svíþjóð.
Stephanie Frappart verður við störf
á EM í sumar. FRÉTTABLAÐIÐ/GETTY
Blakkonan Jóna Guðlaug Vigfúsdóttir með sigurverðlaunin. MYND/AÐSEND
Þegar ég kem niður
úr skýjunum bleiku
ætla ég að einbeita mér að
strandblakinu. Mig langar
að færa mig úr inniblakinu í
strandblakið næstu mánuð-
ina og ég sé svo til hvað ég
geri næsta haust.
FÓTBOLTI Pep Guardiola og Jürgen
Klopp, knattspyrnustjórar Man­
chester City og Liverpool, voru
báðir inntir álits á fyrirhuguðum
breytingum á Meistaradeild Evr­
ópu sem munu koma til fram­
kvæmda á næsta keppnistímabili.
Þar verður leikjum í riðlakeppni
deildarinnar fjölgað úr sex í tíu en
kollegarnir eru ekki par sáttir við
þá breytingu.
„Ég veit ekki hvar í dagatalinu
það á að koma þessum leikjum
fyrir. Eins og staðan er núna fá
bestu leikmenn heims sex daga frí
eftir langt og strangt keppnistíma­
bil áður en þeir fara í landsliðsverk­
efni,“ segir Guardiola.
„Svo á að fjölga leikjum á næstu
leiktíð. Þetta skapar hættu á að
leikmenn meiðist og mér sýnist að
það þurfi að vera 400 dagar í næsta
ári til þess að koma leikjum ársins
fyrir á skikkanlegan máta,“ segir
Spánverjinn.
Klopp tók í sama streng og
keppinautur hans: „Það er allavega
jákvætt að þessar bollaleggingar
um Ofurdeildina hafi verið slegnar
út af borðinu. Það er sífellt verið
að bæta við keppnum, bæði hjá
félagsliðunum og landsliðunum,
án þess að pæla í því hvar eigi að
koma þeim fyrir,“ segir Klopp um
stöðu mála.
„Mér hugnast alls ekki þær
breytingar sem til stendur að gera á
Meistaradeildinni og það sem mér
finnst verst er að við knattspyrnu­
stjórarnir, leikmennirnir og stuðn­
ingsmennirnir erum aldrei spurðir
álits þegar svona breytingar á fyrir­
komulagi keppna eru ákveðnar,“
segir þýski knattspyrnustjórinn.
Liver pool mætir Newcastle
United í ensku úrvalsdeildinni í
hádeginu í dag en liðið er í keppni
við West Ham og Chelsea um sæti í
Meistaradeildinni á næstu leiktíð.
Þau lið eigast við síðdegis í dag. – hó
Telja breytinguna auka hættuna á meiðslum
Pep Guardiola
er ekki hrifinn
af því að til
standi að auka
leikjaálagið á
leikmönnum
hans á næsta
keppnistímabili
með boðuðum
breytingum á
Meistaradeild
Evrópu. FRÉTTA-
BLAÐIÐ/GETTY
FÓTBOLTI Franski dómarinn Steph­
anie Frappart verður í sumar fyrsta
konan til að dæma í lokakeppni á
Evrópumóti karla í fótbolta. Frapp­
art mun sinna störfum sem vara­
dómari og fjórði dómari í leikjum
á mótinu.
Síðastliðin tvö ár hefur Frappart
verið fyrsta konan til þess að dæma
í Meistaradeild Evrópu í karla­
flokki, í efstu deild í Frakklandi og
svo í undankeppni HM karlamegin.
UEFA tilkynnti svo í dag að
Dublin muni ekki hýsa leiki á mót­
inu. Leikirnir sem áttu að fara fram
þar verða spilaðir í Pétursborg ann­
ars vegar og á Wembley hins vegar.
Ástæðan er sú að Dublin getur
ekki ábyrgst að þeir geti tekið á
móti nógu mörgum áhorfendum.
Sama ástæða var fyrir því að þeir
leikir sem átti að spila í Bilbao voru
færðir til Sevilla. – hó
Frappart ryður
brautina áfram
FÓTBOLTI Hilmar Árni Halldórsson
framlengdi í vikunni samning sinn
við knattspyrnudeild Stjörnunnar.
Samningur Hilmars Árna við
Stjörnuna gildir til þriggja ára.
Hilmar Árni gekk til liðs við Stjörn­
una frá Leikni fyrir tímabilið 2016.
Á þeim fimm leiktíðum sem
Hilmar Örn hefur leikið með Stjörn­
unni hefur hann skorað 53 deildar­
mörk fyrir Garðabæjarliðið.
Stjarnan mætir einmitt Leikni
í fyrstu umferð Íslandsmótsins á
Samsung­vellinum 1. maí næst­
komandi. – hó
Hilmar Árni
ekki á förum
SUND Már Gunnarsson, sundmaður
frá Kef lavík sem syndir fyrir ÍRB,
setti Íslandsmet í 200 metra bak­
sundi, en hann syndir í f lokki S11.
Már synti á tímanum 2:33,76 sek­
úndum á fyrsta hluta Íslandsmóts­
ins í sundi sem hófst í Laugardas­
laug í gær og bætti þar af leiðandi
eigið met.
Mótið heldur síðan áfram í dag og
lýkur svo á morgun.
Sökum sóttvarna eru áhorfendur
ekki leyfðir á mótinu en hægt er að
horfa á beint streymi frá mótinu
á Youtube­rás Sundsambands
Íslands. – hó
Már bætti met á
fyrsta mótsdegi
Már Gunnarsson eftir sundið í gær.
Mér hugnast alls
ekki þær breytingar
sem til stendur að gera á
Meistaradeildinni.
Jürgen Klopp, knattspyrnustjóri
Liverpool
2 4 . A P R Í L 2 0 2 1 L A U G A R D A G U R16 S P O R T ∙ F R É T T A B L A Ð I Ð
SPORT