Fréttablaðið - 03.06.2021, Qupperneq 4

RAFMAGNAÐ ÆVINTÝRI MEÐ ALVÖRU 4X4
Einu rafknúnu Plug-In Hybrid jepparnir í sínum stærðarflokki með lágt drif.
Ótrúlegt verð á bílum hlöðnum lúxusbúnaði.
JEEP COMPASS PLUG-IN HYBRID VERÐ 5.999.000 KR.* JEEP RENEGADE PLUG-IN HYBRID VERÐ 5.499.000 KR.*
*G
ildir m
eðan birgðir endast, hvítur R
enegade, svartur Com
pass Lim
ited.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
GERIÐ VERÐSAMANBURÐ
 benediktboas@frettabladid.is
SAMGÖNGUR „Kannski má halda því
fram að það sé í lagi ef á að horfa á
f lug sem hluta almenningssam-
gangna, en þá er það spurning um
hvort ekki sé réttara samkvæmt
lögum að bjóða þjónustuna út.
Allavega, það eru margar spurn-
ingar í þessu,“ segir þingkonan
Anna Kolbrún Árnadóttir sem
lagði inn fyrirspurn til Sigurðar
Inga Jóhannssonar, samgöngu- og
sveitarstjórnaráðherra, um innan-
landsflug, í síðustu viku. Samkvæmt
lögum þingsins á Sigurður Ingi að
svara innan 15 daga en Anna Kol-
brún hefur litla trú á því. Segir að
svartíminn á Alþingi sé alls ekki
svo góður.
Í þeim fimm spurningum sem
Anna Kolbrún spyr er meðal annars
spurt hverjar séu forsendur þess að
áætlunarflug milli Reykjavíkur og
Húsavíkur sé ekki ríkisstyrkt eins
og f lestir aðrir áfangastaðir. Ice-
landair f lýgur til Reykjavíkur, Ísa-
fjarðar, Egilsstaða, Vestmannaeyja
og Akureyrar og nýtur ríkisábyrgð-
ar. „Það er nánast hægt að halda því
fram að Icelandair sé að skapa sér
yfirburðastöðu í samkeppni um
innanlandsflug, hafa fengið ríkis-
styrk og hafa ríkisábyrgð upp á 19
milljarða,“ segir hún.
Rannsóknarþjónusta Alþingis
tók saman nokkur svör fyrir hana
þar sem kom fram að rúmlega 60
þúsund landsmenn, sem búa fjarri
höfuðborginni, geta fengið innan-
landsflug til Reykjavíkur niðurgreitt
af ríkinu um 40 prósent, þrjár ferðir á
ári. En svörin voru almenns eðlis og
fjölluðu lítið um Húsavíkurflugvöll.
„Upplýsingarnar gáfu mér ekki
fullnægjandi svör vegna Húsavíkur.
Þvert á móti, svo ég hafði samband
við Framsýn stéttarfélag sem sagði
vissulega loftbrúna gagnast öllum,
en flug er samt sem áður ríkisstyrkt
með útboðum til f lestra flugvalla á
Íslandi nema Húsavíkur.
Þess vegna hef ég áhyggjur af flugi
þangað með Flugfélaginu Erni, þar
sem enginn stuðningur er við þetta
flug,“ segir Anna Kolbrún. ■
Spyr um ríkisstyrk til allra nema Húsvíkinga
Anna Kolbrún hefur áhyggjur að flug-
völlurinn á Húsavík drabbist niður og
verði ónýtur fyrir sjúkraflug ef íbúum
verði gert skylt að fara á Akureyri að
fljúga. FRÉTTABLAÐIÐ/VILHELM
 kristinnhaukur@frettabladid.is
ATVINNUMÁL Atvinnustig fólks utan
Evrópusambandssvæðisins er hátt
hér á Íslandi, rúmlega 72 prósent.
Þetta kemur fram hjá Eurostat, töl-
fræðistofnun Evrópusambandsins.
Svipar Íslandi til Austur-Evrópu-
ríkja á borð við Pólland, Tékkland
og Rúmeníu að því leyti en þar er
hlutfall innflytjenda utan ESB afar
lágt.
Af Vestur-Evrópuríkjum er aðeins
Malta fyrir ofan Ísland. Í Danmörku
er hlutfallið 62 prósent, 60 í Nor-
egi og rúmlega 50 í Svíþjóð. Þegar
kemur að atvinnuþátttöku fólks
frá öðrum ESB- eða EES-ríkjum er
hlutfallið á Íslandi 78 prósent, sem
er nokkuð undir hinum Norður-
löndunum og mjög á pari við með-
altal álfunnar. Eurostat reiknar út
atvinnuþátttöku út frá hlutfalli 20
til 64 ára á vinnumarkaði.
Að lokum er mæld atvinnuþátt-
taka eigin þegna og þar er Ísland
með tæplega 83 prósenta hlutfall og
í þriðja sæti í álfunni, á eftir Sviss og
Svíþjóð. ■
Hátt atvinnustig
hjá fólki utan EES
Atvinnuþátttaka er mikil á Íslandi.
FRÉTTABLAÐIÐ/DANÍEL
Ísland er í þriðja sæti í
atvinnuþátttöku eigin
þegna.
Samkvæmt nýrri hvítbók um
byggðamál á að dreifa ríkis-
störfum með jafnari hætti en
fyrr út fyrir suðvesturhorn
landsins. Framkvæmdastjóri
Samtaka sveitarfélaganna á
höfuðborgarsvæðinu segir að
slíkur flutningur eigi ekki að
vera markmið í sjálfu sér og
að hugsa verði byggðamálin
heildrænt fyrir landið.
 kristinnhaukur@frettabladid.is
STJÓRNSÝSLA Samtök sveitarfélag-
anna á höfuðborgarsvæðinu, SSH,
telja að flutningur opinberra starfa
út á landsbyggðina eigi ekki að
vera markmið í sjálfu sér. Einnig að
hætta verði að líta á höfuðborgar-
svæðið og landsbyggðina sem and-
stæðar fylkingar.
„Það á ekki að vera markmið í
sjálfu sér að dreifa störfum ef í því
felst ekki hagkvæmni fyrir sam-
félagið,“ segir Páll Björgvin Guð-
mundsson, framkvæmdastjóri SSH.
„Hvert tilfelli þarf því að meta hlut-
lægt og faglega.“
Sigurður Ingi Jóhannsson, sam-
göngu- og sveitarstjórnaráðherra,
birti í maí stefnumótandi byggða-
áætlun til 15 ára og aðgerðaáætlun
til fimm ára, svokallaða hvítbók
um byggðamál til samráðs. Þar er
meðal annars fjallað um staðarval
ríkisstarfa, störf án staðsetningar
og fjarvinnslustöðvar. Verði stuðl-
að að því að dreifa ríkisstörfum
með jafnari hætti, út fyrir hið svo-
kallaða Hvítár-Hvítár-svæði. Það
er frá Borgarnesi að Selfossi, sem
sé vinnusóknarsvæði borgarinnar.
Muni stofnanir fá framlag fyrir allt
að 80 prósentum af kostnaði við
hvert slíkt stöðugildi.
Bent hefur verið á að halli á lands-
byggðina þegar kemur að ríkis-
störfum. Á höfuðborgarsvæðinu búi
64 prósent landsmanna, en þau hafi
71 prósent opinberra starfa. Ýmsar
stofnanir hafa hins vegar verið
færðar á landsbyggðina, svo sem
Fæðingarorlofssjóður til Hvamms-
tanga, Fiskistofa til Akureyrar og
Greiðslustofa atvinnuleysistrygg-
inga til Skagastrandar. Aðspurður
um einstaka flutninga segir Páll að
SSH hafi ekki skoðanir á þeim.
„Það er skoðun SSH að andinn í
byggðaáætlunum sé yfirleitt á þá
leið að í megindráttum er ekki verið
að horfa á þessa stefnumótun fyrir
landið í heild,“ segir Páll. „Eðlilega,
miðað við núverandi löggjöf, er
áherslan á almennar og sértækar
byggðaaðgerðir á landsbyggðinni, en
það verður að horfa á verkefni
byggðamála út frá öllu landinu, þar
á meðal höfuðborgarsvæðinu.“
Bendir hann á að á höfuðborgar-
svæðinu starfi öflug fyrirtæki sem
geti stutt við landsbyggðina, svo sem
í samgöngum og úrgangsmálum.
Saknar hann þess að enn hafi ekki
verið gerð höfuðborgaráætlun, eins
og stefnt hafi verið að í fyrri byggða-
áætlunum. Rétt eins og landsbyggðin
verði höfuðborgarsvæðið að vera
samkeppnishæft.
„Eins og bent er á í hvítbók um
byggðaáætlun þarf að bregðast við
harðnandi, alþjóðlegri samkeppni
um fólk og fyrirtæki,“ segir Páll. „Því
þarf í byggðaáætlun að leggja áherslu
á samkeppnishæfni landsins alls og
þar verður höfuðborgarsvæðið ekki
undanskilið.“ ■
Flutningur opinberra starfa út á land
eigi ekki að vera markmið í sjálfu sér
Magnús Stefáns-
son félagsmála-
ráðherra og Leó
Örn Þorleifsson,
forstöðumaður
Fæðingarorlofs-
sjóðs, við opnun
stofnunarinnar
á Hvammstanga
árið 2007.
MYND/
STJÓRNARRÁÐIÐ
Hvert tilfelli þarf því að
meta hlutlægt og
faglega.
Páll Björgvin
Guðmundsson,
framkvæmda-
stjóri SSH.
4 Fréttir 3. júní 2021 FIMMTUDAGUR