Bændablaðið - 28.01.2021, Síða 12

Bændablaðið | Fimmtudagur 28. janúar 202112
FRÉTTIR
Frumkvöðlafyrirtækið Marea er með Þaraplast í þróun:
Samtal við garðyrkjubændur
um umbúðalausnir
Á næstu árum mun þörfin fyrir
umhverfisvænar umbúðir utan
um matvæli aukast jafnt og þétt,
með harðari takmörkunum á
notkun á plasti. Nú þegar er
þess farið að gæta að verulegu
leyti hér á Íslandi og í öðrum
svokölluðum þróuðum löndum.
Ein af vænlegum lausnum gæti
falist í þróun umbúða úr þara
og sprotaverkefni hafa skotið
upp kollinum sem veðja á hann.
Eitt af þeim heitir Marea og tók
frumkvöðullinn Julie Encausse
þátt í viðskiptahraðlinum Til
sjávar og sveita í haust, í þeim
tilgangi að þoka verk efninu lengra
í þróunarferlinu.
Hugmyndin hjá Marea er að þróa
fyrst vöru sem heitir „Þaraplast“ og
stefnt er á að hafi sömu virkni og
plast og sé að auki umhverfisvænt.
Til þess þarf það að vera með tiltekna
eiginleika sem umbúðir utan um
matvæli þurfa meðal annars að hafa;
koma í veg fyrir matarskemmdir,
vera fullkomlega niðurbrjótanlegar,
gegnsæjar, mótanlegar, varnar
gegn örverumyndun, þola raka,
innihalda engin skaðleg efni og
drepa bakteríur.
Að sögn Julie spratt hugmyndin
að „þaraplasti“ fram árið 2019
í frumkvöðla- og nýsköpunar-
áfanga í Háskólanum í Reykjavík.
„Við vorum þar saman að klára
meistaranám okkar, við Edda Björk
Bolladóttir,“ segir Julie.
Von á vörunni á næsta ári
Julie segir að vonir standi til að
varan komi á markað árið 2022, þá
í heildsölu til fyrirtækja. „Við erum
einnig að vinna í útgáfu þaraplasts
fyrir notkunina á heimilinu í formi
þaraplastsfilmu til að vefja inn til
dæmis matarafgöngum,“ segir hún.
Fyrst verður sjónum beint að
grænmetismarkaðnum og hafa þær
verið í samskiptum við Sölufélag
garðyrkjubænda (SG), sem státar
reyndar af því að vera með allt
umbúðaplast endurvinnanlegt á
grænmetinu sem er merkt félaginu.
„SG hefur sýnt verkefninu
mikinn áhuga og vita af okkar
starfsemi og við hlökkum til að
varan verði tilbúin svo þau geti
prufukeyrt hana. Það skiptir okkur
miklu máli að fá endurgjöf frá
neytendum og viðskiptavinum þegar
varan er nýkomin á markaðinn svo
við getum unnið að því að gera hana
sem notendavænsta og tryggt sem
bestu gæðin á sem hagkvæmasta
máta. Við vitum að SG hefur verið
að vinna hörðum höndum að því
að minnka þeirra plastnotkun og
taka stór skref til að stuðla að
minni mengun. Eina leiðin til að
leysa vandamálið þegar kemur að
einnota plasti á Íslandi er einmitt að
bæði einstaklingar og fyrirtæki taki
á vandanum,“ segir Julie.
Mikil þörf á vistvænum umbúðum
í sjávarútveginum
Að sögn Julie hafa þær einnig
augastað á sjávarútveginum, því þar
sé mikil þörf á vöru sem getur komið
í stað einnota plasts. „Við höfum rætt
við nokkra aðila í sjávarútveginum en
það er einmitt næsta skref hjá okkur
að tengjast formlega við fyrirtæki
í sjávarútvegi sem er til í að vera
samstarfsaðili með okkur í þessari
þróun fyrir fiskiðnaðinn frá upphafi.
Gott er að nefna að það er langur
vegur fram undan í þessari þróun en
það hefst allt með drifkrafti og að
hafa rétta fólkið kringum sig sem
er einmitt það sem við höfum verið
að sjá.“ /smh
Frumkvöðullinn Julie Encausse vinnur að þróun á matvælaumbúðum fyrir
garðyrkjuna og sjávarútveginn.
40% samdráttur á umferð
um Víkurskarð
Umferð um Víkurskarð árið
2020 var alls 106.880 bílar sem
gera 293 bíla á dag í svonefndri
árdagsumferð. Þetta er um það
bil 40% samdráttur á milli ára en
árdagsumferð í fyrra var 593 bílar.
Mesta umferð um Víkurskarð í
fyrra var í júlímánuði, alls 908 bílar
að meðaltali á dag. Minnsta umferð
var í mars, 33 bílar að meðaltali á
dag. Þetta kemur fram á Facebook-
síðu Vaðlaheiðarganga.
Aukning varð á umferð um
Vaðlaheiðargöng í desem ber mánuði
síðastliðnum um 2% milli ára. Þetta
er eini mánuðurinn á þessu ári sem
umferð er meiri en á fyrsta starfs-
ári Vaðlaheiðarganga. Umferð í
desem bermánuði samkvæmt
nokkrum mælum Vegagerðarinnar
fyrir Norðurland allt dróst saman
um 12% milli ára. Teljarar á Víkur-
skarði sýndu 16% samdrátt á milli
ára. /MÞÞ
Aukning varð á umferð um Vaðlaheiðargöng í desembermánuði síðastliðnum
um 2% milli ára. Mynd / Vaðlaheiðagöng
Landbúnaðarráð Húnaþings vestra:
Hefur áhyggjur af stöðu
dýralæknaþjónustu
Landbúnaðarráð Húnaþings
vestra hefur lýst áhyggjum yfir
fyrirkomulagi og stöðu dýra­
læknaþjónustu í sveitar félaginu.
Sveitarstjórn Húnaþings vestra
tekur undir þær áhyggjur.
Fram kemur í bókun landbúnaðar-
ráðs að á komandi vormánuðum
er óvíst hvort starfandi dýralækn-
ir verði með viðunandi aðstöðu í
sveitarfélaginu og það valdi bænd-
um áhyggjum. Landbúnaðarráð telur
mikilvægt að málið verði skoðað
með tilliti til þeirrar stöðu sem nú
er uppi í sveitarfélaginu.
Landbúnaðarráð hvetur Mat-
væla stofnun og atvinnu- og nýsköp-
unarráðuneytið að bregðast strax við
þeirri stöðu sem uppi er í Húnaþingi
vestra. Jafnframt er óskað eftir fundi
með fulltrúum MAST og atvinnu- og
nýsköpunarráðuneytinu. /MÞÞ
Framkvæmdasjóður ferðamannastaða starfandi frá 2011:
Úthlutað hefur verið um 5,5 milljörðum
– til uppbyggingar, náttúruverndar og öryggis
Alls hefur 3,6 milljörðum króna
verið varið til uppbygg ingar
ferða mannastaða hér á landi,
frá árinu 2011 þegar Fram­
kvæmdasjóður ferðamanna staða
var stofnaður. Þá hefur 1,6 millj­
örðum króna verið varið til ver­
kefna í þágu náttúruverndar og
öryggis á sama tímabili og rúmum
300 mill jónum til hönnunar og
skipu lags. Þannig hefur samtals
um 5,5 milljörðum króna verið
úthlut að til stórra og smárra
verkefna um land allt og snúast
þau um náttúruvernd og öryggi,
uppbygg ingu ferðamannastaða
og hönnun og skipulag.
Þetta kemur fam í nýrri skýrslu
sem Þórdís Kolbrún Reykfjörð
Gylfadóttir ferðamála-, iðnaðar- og
nýsköpunarráðherra lét taka saman.
Í skýrslunni er farið yfir reynslu
af starfi sjóðsins í takt við þróun í
regluverki og breyttar aðstæður í
starfsumhverfi íslenskrar ferðaþjón-
ustu. Þrátt fyrir auknar fjárveitingar
til uppbyggingar ferðamannastaða
á liðnum árum er, að því er fram
kemur í skýrslunni, enn brýn þörf
fyrir meiri uppbyggingu víða um
land. Uppbygging og viðhald á
fjölsóttum ferðamannastöðum er og
verður einnig viðvarandi verkefni.
Áhersla á uppbyggingu
á kaldari svæðum
Í skýrslunni er einnig horft til fram-
tíðar og hvernig hægt sé að bregð-
ast við áskorunum mikils vaxtar
m.a. í tengslum við áfangastaði
þar sem uppi eru ólíkar áherslur
meðal landeigenda og mögulegt
frumkvæði annarra að undirbún-
ingi framkvæmda. Styrkir eru nú
eingöngu veittir sveitarfélögum og
einkaaðilum og er áhersla sjóðsins
að byggja upp á svæðum sem eru
„kaldari“ og styðja við svæðis-
bundna þróun. Sveitarfélög sækja
nú um styrki fyrir stærri og dýrari
framkvæmdum en áður og eru þær
vel útfærðar, hugað að hönnun,
skipulagningu og innviðum. Fram
kemur í skýrslunni að slíkar fram-
kvæmdir geti laðað að fjölda
ferðamanna og þar með skapað
störf og önnur verðmæti fyrir nær-
samfélög.
Ferðamálaráðherra segir að
sann kölluð bylting hafi orðið í
aðstöðu og innviðum á fjöl mörg um
áfangastöðum fyrir til stilli fram-
kvæmdasjóðsins. Sjóð urinn hafi
tekið jákvæðum breyt ingum sem
endurspegla breytta nálgun hins
opinbera í stuðn ingi við innviða-
uppbyggingu á ferðamannastöðum.
„Ég tel ljóst að hann hafi enn miklu
hlutverki að gegna við að stuðla
að því að íslensk ferðaþjónusta sé
í fremstu röð hvað varðar upplif-
un gesta,“ segir Þórdís Kolbrún
í frétt um skýrsluna á vefsíðu
Stjórnarráðsins. /MÞÞ
Þórdís Kolbrún Reykfjörð Gylfadóttir.
Aðgengi að ferðamannastöðum hefur víða verið stórbætt eins og við Goða-
foss. Mynd / HKr.