Fréttablaðið - 04.09.2021, Síða 62

Sjöfn
Þórðardóttir
sjofn
@frettabladid.is
Haustinu fylgir nýr ilmur og brögð
úr eldhúsinu, og ný uppskera
eykur sköpunargleði í matar-
gerðinni. María Gomez, matar- og
lífsstílsbloggari, er ein af þeim sem
hrífst af haustinu og öllu sem því
fylgir, sérstaklega þegar kemur að
nýjum afurðum tengdum upp-
skeru sumarsins. Þá kemst hún á
flug í eldhúsinu. Nýjasta uppáhald
Maríu er hjónabandssæla sem hún
tengir mikið við haustið því þá er
sultugerð í fullum blóma.
„Hjónabandssæla er eitt af því
sem minnir mig mikið á haustin,
ef laust vegna þess að þá eru marg-
ir búnir að gera rabarbarasultu úr
uppskeru sumarsins,“ segir María,
sem nýtur þess að töfra fram ljúf-
fengt bakkelsi og sætabrauð fyrir
fjölskylduna með kaffinu.
„Vinur sonar míns kom hingað
um daginn, færandi hendi með
dýrðlega rabarbarasultu sem þau
höfðu verið að sulta heima hjá
honum. Strax fékk ég þá hugmynd
að gera úr henni hjónabandssælu.
Mig langaði að gera mína eigin
útgáfu sem væri bæði ofur auðveld
og ofsalega góð.
Hjónabandssælan er með
rökum þéttum botni, nóg af sultu
á milli og stökkri mylsnu ofan á og
svo auðveld að gera, alveg eins og
ég vil hafa það. Ég held að mark-
miðið hafi náðst.“
Hjónabandssælan hennar
Maríu Gomez
4 dl tröllahafrar
3 dl fínt spelt eða hveiti
1 dl hrásykur
2 dl púðursykur
1 tsk. matarsódi
1 tsk. fínt borðsalt
190 g smjör
1 egg
400 g rabarbarasulta
2-3 tsk. hrásykur til að dreifa yfir
fyrir bakstur
Skerið kalt smjör í teninga og setjið
með öllum hráefnunum nema
egginu saman í matvinnsluvél eða
blandara og hrærið þar til er orðið
að grófri mylsnu.
Bætið þá egginu út í og ýtið
nokkrum sinnum á pulse-takk-
ann þar til allt er svona frekar gróf
mylsna.
Smyrjið eldfast mót að innan
með smjöri og þjappið helmingn-
um af deiginu á botninn með því
að nota puttana til þess. Smyrjið
svo sultunni jafnt yfir allan
botninn.
Takið að lokum restina af
deiginu og myljið jafnt yfir sultuna
og dreifið eins og 2-3 teskeiðum af
hrásykri jafnt í þunnu lagi yfir allt
(gefur toppnum stökkleika). Bakið
á 190 C° á blæstri eða 200 C° án
blásturs í 35-40 mínútur.
Hægt er að fylgjast með blogginu
hennar Maríu á síðunni hennar
www.paz.is og á Instagramsíð-
unni @paz.is n
Himnesk hjónabandssæla með rabarbarasultu
María Gomez er mikill nautnaseggur og fagurkeri sem sést á öllu því sem hún tekur sér fyrir hendur. MYNDIR/MARÍA GOMEZ
Hjónabandssælan hennar Maríu gleður bæði auga og munn, María ber ávallt
kræsingarnar svo fallega á borð, sem eykur enn á ljúfa bragðupplifun.
Vinur sonar míns
kom hingað um
daginn, færandi hendi
með dýrðlega rabarbara­
sultu sem þau höfðu
verið að sulta heima hjá
honum. Ég fékk strax
hugmynd um að gera
mína eigin útgáfu af
hjónabandssælu. Hún er
auðveld og ofsalega góð.

NÁMSKEIÐ
Veglegt sérblað Fréttablaðsins um námskeið
kemur út föstudaginn 10. september.
Tryggðu þér gott auglýsingapláss
í langmest lesna dagblaði landsins.
Nánari upplýsingar um blaðið veitir
Arnar Magnússon sölu- og markaðsfulltrúi Fréttablaðsins.
Sími 550 5652 / arnarm@frettabladid.is
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
ri upplýsingar um blaðið veitir
Jón Ívar Vilhelmsson markaðsfulltrúi Fréttablaðsins.
Sí i 550 5654 / jo ivar frettabladid.is
6 kynningarblað A L LT 4. september 2021 LAUGARDAGUR