Fréttablaðið - 15.09.2021, Blaðsíða 12

helgivifill@frettabladid.is
Sylvía Kristín Ólafsdóttir, fram­
kvæmdastjóri viðskiptaþróunar og
markaðsmála hjá Origo, prófar allt­
af eitthvað nýtt á hverju ári. Þannig
lendir hún í óvæntum ævintýrum.
Hver eru þín helstu áhugamál?
Ég byrjaði fyrir nokkrum árum
að stunda vatnabretti (e. stand
up paddle) og finnst það mjög
skemmtilegt. Það er eitthvað við
það að standa úti á sjó – þar næ ég
að hreinsa hugann algjörlega. Við
fjölskyldan ferðumst mikið saman
og höfum farið til Tókýó, Amazon­
frumskógarins, Tíbet og Jórdaníu
svo eitthvað sé nefnt. En aðaláhuga­
málið er að prófa alltaf einn nýjan
hlut á ári – þannig hef ég lent í alls
konar óvæntum ævintýrum. Þannig
kynntist ég til dæmis spuna (e. imp­
rov for business) sem hefur nýst mér
með fjölbreyttum hætti.
Hvaða bók hefur haft mest áhrif
á þig?
Þær eru margar en þær bækur sem
grípa mig oftast eru dramatískar
þroskasögur þar sem höfundar deila
opinskátt reynslu sinni fyrir okkur
hin til að læra af. Mér finnst fólk sem
gerir það alltaf jafnt hugrakkt. Þar
standa upp úr Geðveikt með köflum
eftir Sigurstein Másson og Á manna­
máli eftir Þórdísi Elvu Þorvalds­
dóttur. Síðan getur nú breytt hvers­
deginum og þungum vinnudegi að
f letta í gegnum myndasögur. Dæs
eftir Lóu Lóaboratoríum kemur mér
oft í gott skap síðan eru New Yorker
myndasögurnar oft hnyttnar.
Hver er helstu verkefnin fram
undan?
Ég kom til Origo fyrir nokkrum
mánuðum og hef verið að kynnast
félaginu og vinna að stefnumótun
með Jóni Björnssyni forstjóra og
því góða fólki sem er hér. Tækni­ og
hugbúnaðargeirinn breytist hratt
og framtíðarsýn Origo þarf að taka
mið af því. Það kom mér skemmti­
lega á óvart hversu fjölbreytt vöru­
framboð og mikil nýsköpun er hjá
Origo, þessi mikla áhersla á að þróa
vörur sem bæta samfélagið. Við
erum með augun á lausnum sem
gera samfélagið betra fyrir þá sem
nota vörurnar okkar og núna erum
við til dæmis að vinna í lausnum
sem urðu til innanhúss hjá okkur
og hjálpa fyrirtækjum að komast
í gegnum jafnlaunavottun ásamt
spennandi lausn sem hjálpar heil­
brigðisgeiranum að þjónusta sjúkl­
inga sem þurfa heimahjúkrun.
Síðan erum við með sterk vöru­
merki í búnaði og við vinnum líka
að því að gefa tölvum og búnaði
framhaldslíf með því að gefa þær
áfram í fínu standi.
Við erum síðan að móta áfram
viðskiptaþróunar­ og markaðssvið
okkar. Við viljum skerpa enn frekar
á nálgun okkar í sölu­ og markaðs­
málum. Við erum að styðja fyrir­
tæki og einstaklinga til að nýta öll
þau tækifæri sem felast í stafrænni
þróun og aukinni tæknivæðingu.
Ég tel mig ótrúlega heppna að fá að
taka þátt í því og að fá að miðla því
út á við sem við erum að gera. Fram
undan hjá mér eru líka spennandi
verkefni með Íslandssjóðum en ég
tók við stjórnarformennsku þar
nýlega. Mikill og góður gangur er
hjá félaginu sem hefur vaxið ört
síðustu árin og áhersla á samfélags­
ábyrgð og ábyrgar fjárfestingar
er sífellt að aukast. Aðferðafræði
ábyrgra fjárfestinga er beitt við
stýringu allra sjóða og safna og vel
hefur gengið að skapa góða ávöxtun
fyrir viðskiptavini félagsins. n
Sylvía prófar eitthvað nýtt á hverju ári
n Svipmynd
Sylvía Kristín Ólafsdóttir
Nám: M.S. í Operational
Research frá London School of
Economics og B.S. iðnaðarverk-
fræði frá HÍ.
Störf: Framkvæmdastjóri
viðskiptaþróunar-og markaðs-
sviðs Origo. Þar á undan
leiðakerfistjóri hjá Icelandair,
forstöðumaður rekstrar á
jarðvarma- og vindorku hjá
Landsvirkjun og vörustjóri
í viðskiptagreind hjá Kindle
Amazon.
Aukastörf: Stjórnarformaður
Íslandssjóða. Var í stjórn Öl-
gerðarinnar og Símans.
Fjölskylduhagir: Gift Kjartani
Bjarna Björgvinssyni dómara
við Héraðsdóm Reykjavíkur og
saman eigum við tvo fótbolta-
og skákstráka þá Matthías og
Kormák.
Sylvía Kristín stundar meðal annars vatnabretti. FRÉTTABLAÐIÐ/ERNIR
Þorsteinn
Friðrik
Halldórsson
n Skoðun
Á kjörtímabilinu sem er
að renna sitt skeið ákváðu
stjórnvöld, með mennta­ og
menningarmálaráðherra í
fararbroddi, að veita einka­
reknum fjölmiðlum svo­
nefndan rekstrarstuðning. Í
byrjun september var tæplega
389 milljónum króna úthlutað
og þar af fóru 244 milljónir til
þriggja stærstu fjölmiðlafyrir­
tækjanna. Til lengri tíma litið
er þetta stórskaðleg aðgerð sem
grefur undan sjálfstæði fjöl­
miðla, og heldur aftur af þeirri
framþróun sem þarf að eiga sér
stað á fjölmiðlamarkaði.
Rekstrarvandi fjölmiðla er
margþættur og hann má að
miklu leyti rekja til ríkisins.
Eins og kunnugt er hefur
Ríkisútvarpið víðtæk ruðn­
ingsáhrif á markaðinn, einkum
hvað varðar auglýsingatekjur,
og ríkisstofnanir soga til sín
mannauð með því að bjóða
hærri laun fyrir færri vinnu­
stundir. Tilfærsla auglýsinga
yfir til samfélagsmiðla er annar
stór þáttur.
Í stað þess að ráðast að rót
vandans, til dæmis með því að
taka á umsvifum Ríkisútvarps­
ins eða ganga til viðræðna við
samfélagsmiðla eins og gert
var í Ástralíu, kaus ráðherra að
setja plástur á sár sem stækkar
og stækkar. Hann valdi auð­
veldu leiðina: að kasta pening­
um á vandann og vona að hann
leysist, og komst þannig hjá því
að styggja báknið.
En íslenskir fjölmiðlar þurfa
einnig að líta í eigin barm.
Almennt hafa þeir verið of
hikandi við að læsa efni á bak
við greiðsluvegg og í mörgum
tilfellum þar sem lesendur
greiða fyrir efni er stafræn
þróun skammt á veg komin
í samanburði við fjölmiðla í
nágrannalöndum.
Hvers vegna er það svo? Ég
hygg að ein ástæðan sé sú að
of fáir fjölmiðlar á Íslandi eru
reknir með alvöru arðsemis­
kröfu að leiðarljósi. Það skiptir
máli að eigendur hafi rekstrar­
legan metnað en stefni ekki
bara að því að reka fjölmiðil
á núllinu. Hagnaður þarf að
vera höfuðmarkmið frekar en
bónus.
Styrkjakerfið viðheldur
þessu ástandi. Það veikir
markaðslögmálin og kemur
þannig í veg fyrir nauðsynlega
uppstokkun og framþróun fjöl­
miðla. Á meðan halda Ríkis­
útvarpið og samfélagsmiðlar
uppteknum hætti.
Óbreytt ástand
Vatnagörðum 14 104 Reykjavík
litrof@litrof.is 563 6000
Sterkari saman
í sátt við umhverfið
Andri Guðmundsson segist
hafa fengið mikla útrás fyrir
sköpunargleðina í fjármála­
geiranum, ekki síst við útgáfu
grænna skuldabréfa. Hann
færði sig nýverið yfir til
hátæknigróðurhússins Vaxa.
thorsteinn@frettabladid.is
„Ég hef verið allan minn starfsferil
í fjármálageiranum sem er mjög
skemmtilegur geiri. Í fyrsta lagi er
þetta skalanlegur rekstur sem þýðir
að ef þú ert með stórar hugmyndir
þá ertu ekki bundinn við fýsískar
takmarkanir eins og framleiðslu­
getu. Og síðan geturðu fengið mikla
útrás fyrir sköpunargleðina. Þá á ég
ekki við skapandi bókhald heldur að
tengja saman fólk, fjármagn og hug­
myndir,“ segir Andri Guðmundsson,
fyrrverandi framkvæmdastjóri
fyrirtækjaráðgjafar hjá Fossum
mörkuðum, sem réð sig nýlega til
hátæknigróðurhússins Vaxa þar
sem hann mun meðal annars sinna
viðskiptaþróun.
„Það að sjóða saman og selja
fyrstu grænu útgáfuna fyrir Orku­
veituna, eða fyrsta græna fasteigna­
skuldabréfið fyrir Regin … ég fæ
sama kikk út úr því og að standa á
sviði í Hörpu og spila á hljóðfæri,“
bætir hann við.
Andri, sem verður Fossum mörk­
uðum áfram innan handar sem ráð­
gjafi, hefur verið atkvæðamestur á
íslenskum fjármálamarkaði þegar
kemur að útgáfu grænna og sjálf­
bærra skuldabréfa.
„Síðan finnst mér gaman að vera
kominn með puttana í rekstur. Ég
hef það á tilfinningunni að marga
í fjármálageiranum dreymi um
að djöflast í rekstri, dálítið eins og
marga leikara langar að gerast popp­
stjörnur!“
Vaxa stundar svokallaðan lóð­
réttan landbúnað þar sem ræktað er
í hillum. Þannig er hægt að rækta á
mun fleiri fermetrum en gólfflötur­
inn segir til um.
Stærsti munurinn á lóðréttri og
hefðbundinni ræktun, hvort sem
um er að ræða gróðurhús eða úti á
akri, er að allt sem viðkemur rækt­
unarferlinu er undir stjórn. Vaxa
nýtir til að mynda ekki sólarljós og
rýminu er hita­ og rakastýrt sem
þýðir að framboð og gæði afurða eru
fyrirsjáanleg.
„Það liggur beint við að fara úr
grænum og sjálf bærum skulda­
bréfum yfir í rekstur sem snertir á
umhverfismálum og fæðuöryggi.
Þessi geiri hefur marga snertifleti við
sjálf bærnimálin sem ég hef sökkt
mér í í tengslum við skuldabréfa­
útgáfu undanfarin ár,“ segir Andri.
„Neytendur eru að verða með­
vitaðri um bæði hvaðan vörurnar
sem þeir kaupa koma og líka hvernig
þær eru búnar til. Við bjóðum upp
á ferskt hágæða salat sem er ræktað
í heimabyggð – án allra eiturefna.
Það er eitthvað sem hefur hitt beint
í mark og við erum ótrúlega stolt
og þakklát fyrir viðtökurnar,“ segir
Andri og bætir við að innanhúss­
ræktun bjóði upp á minni notkun
áburðar, enga notkun skordýra­
eiturs og minni flutning vörunnar
sem bæði getur dregið úr sótspori
og aukið gæði og hillulíf.
Eftir áralanga reynslu af því að
hafa umsjón með útgáfu sjálfbærra
skuldabréfa er sýn hans á sjálfbærni­
mál þó jarðbundin.
„Við erum ein og sér ekki að fara
að koma í veg fyrir hungursneyð í
heiminum en við getum lagt okkar
af mörkum til aukins fæðuöryggis og
sjálfbærrar matvælaframleiðslu til
framtíðar. Við þurfum að framleiða
miklu meiri mat og með allt öðrum
sjálfbærari hætti en hingað til.“
Andri á 15 prósenta hlut í Vaxa
en stærsti hluthafinn er félag á
vegum Björgólfs Thors Björgólfs­
sonar, Andra Sveinssonar og Birgis
Más Ragnarssonar, (oft kenndir við
Novator) sem fer með 40 prósenta
hlut. Eignarhaldið ber með sér að
metnaður Vaxa sé ekki bundinn við
Ísland.
„Innanhússræktunin sem við
stundum er tiltölulega stutt á veg
komin og mun þróast ótrúlega
mikið á komandi árum og ára­
tugum – bæði ræktunaraðferðir og
tækjabúnaður – en á sama tíma eru
neysluvenjur að taka stórstígum
breytingum. Vaxa er nú þegar í
fremstu röð í heiminum og við­
skiptaþróun okkar snýst um að nýta
tækifæri á þessum markaði, bæði
hér heima og í útlöndum.“
Lóðréttur landbúnaður sleit
barns skónum í Asíu fyrir 30 árum
en þróunin fór ekki á f lug fyrr en
fyrir tíu árum þegar Bandaríkja­
menn urðu áhugasamir og vísisjóðir
lögðu verulegt fjármagn í þróunina.
Vaxa byrjaði að rækta í lok árs 2018
og fyrsta uppskeran var í byrjun árs
2019. n
Úr grænum bréfum í grænt salat
Andri hafði
starfað hjá
Fossum mörk-
uðum í sjö ár.
FRÉTTABLAÐIÐ/
ANTON BRINK
12 Fréttir 15. september 2021 MIÐVIKUDAGURFRÉTTABLAÐIÐMARKAÐURINN FRÉTTABLAÐIÐ 15. september 2021 MIÐVIKUDAGUR