Fréttablaðið - 09.10.2021, Blaðsíða 28

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Þverfaglegt sérfræðiteymi starfar
hjá Greenfit. Lukka Pálsdóttir er
annar eigandi fyrirtækisins en
margir kannast við hana frá því
hún rak heilsuveitingastaðinn
Happ. Már Þórarinsson sem lengi
stundaði keppnisíþróttir rekur
Greenfit með Lukku, en ásamt
þeim starfar hópur sérfræðinga hjá
fyrirtækinu. Greenfit hefur starfað
í tæplega tvö ár og segir Lukka
ótrúlegt að sjá árangur fólks sem
hefur komið í mælingar. „Við erum
fyrst og fremst í heilsumælingum.
Starfsemin er nýjung hér á landi og
ég veit ekki til þess að þetta sé gert
eins annars staðar. Við erum ekki
líkamsræktarstöð en til okkar leita
mjög margir sem eru í einhvers
konar hreyfingu eða íþróttum.
Ætli við séum ekki brúin á milli
heilsuræktar og heilsugæslu-
stöðvar,“ segir hún.
Fyrirbyggja heilsubrest
„Fólk á öllum aldri leitar til okkar.
Allt frá þeim sem vilja stíga upp
úr sófanum og bæta heilsuna yfir í
þá sem eru á leið í heimsmeistara-
keppni. Margir halda að svona
mæling sé bara fyrir íþróttamenn
en það er alls ekki þannig. Allir
sem vilja bæta heilsuna geta komið
til okkar í ástandsskoðun. Fólk fer
með bílinn sinn í skoðun reglulega
en það er ekki síður mikilvægt að
ástandsskoða líkamann. Fólk fer til
heimilislæknisins þegar eitthvað
bjátar á, en það kemur til okkar ef
það vill fyrirbyggja heilsubrest,“
útskýrir Lukka. „Við leggjum
áherslu á að hámarka bætta heilsu
óháð því í hvaða formi fólk er.
Síðan eru fjölmargir sem koma til
okkar til að bæta árangur sinn í
íþróttum. Aðrir koma til að bæta
líðan og lífsgæði,“ segir hún.
Efnaskiptin mæld
Lukka segir að gerðar séu grunn-
mælingar, efnaskipti eru mæld sem
segja fólki hver brennsla líkamans
er á sólarhring og hvernig hlutföll
kolvetna og fitu skiptast í brennsl-
unni. Einnig er gert álagspróf en
það getur sagt til um hvernig best
sé að æfa til að ná hámarksárangri.
Loks eru skoðaðir helstu áhrifa-
valdar heilsunnar eins og blóð-
sykur, blóðfita og bólgur. Einnig
er hægt að mæla hvort fólk sé með
vítamínskort, eða vandamál tengd
lifur eða nýrum. Ef einhverjir
sjúkdómar koma í ljós er læknis-
heimsókn ráðlögð. Annars fær fólk
ráðleggingar frá sérfræðingum
Greenfit um hvað það getur gert til
að bæta mataræði og hreyfingu.
„Grunnmælingin gefur fólki
góða hugmynd um hvernig það
er statt heilsufarslega séð. Út frá
niðurstöðum gefum við fólki verk-
efni til að vinna að,“ segir Lukka.
„Sumir þurfa að auka fitubrennslu
eða róa öndun en aðrir þurfa
að þjálfa á öðruvísi álagi. Hvert
verkefni er einstaklingsmiðað. Það
getur verið mikill fróðleikur í því
að rýna í töluleg gildi í blóðsykri.
Mjög algengt er að fólk sé með
of há gildi og ég myndi segja að
það væri aðkallandi að skoða það
vandamál betur. Við tölum mikið
um orkuskipti í bílum, að fara úr
bensíni í rafmagn. Minna er talað
um orkuskipti líkamans sem eru
þó svo mikilvæg fyrir heilsu okkar.
Fólk hefur verið að skipta úr fitu-
bruna í kolvetnabruna sem veldur
bæði heilsubresti og vanlíðan,
finnur til dæmis fyrir aukinni
þreytu. Mörg okkar hafa tapað
hæfni til að nota orkugjafa okkar
rétt, en það er hægt að þjálfa það
upp aftur. Hluti af meðferðinni
hjá okkur er að skoða mataræði
fólks og gefa ráð til að bæta það.
Almennt eru Íslendingar mjög dug-
legir, vilja hreyfa sig og ná árangri.
Margir eru að æfa vitlaust á alltof
miklu álagi sem skilar því þreytu
í stað árangurs. Við erum þess
vegna oft að hægja á fólki og benda
því á að fara í rólegri hlaup eða
fjallgöngur. Með þessari breytingu
sér fólk fljótt árangur. Þegar fólk er
of kappsamt gefst það frekar upp á
þjálfuninni,“ segir Lukka og bendir
á að ofþyngd sé sömuleiðis algengt
vandamál.
Lífsstílssjúkdómar algengir
„Við einblínum ekki á þyngd
heldur efnaskipti. Þegar þau hafa
verið löguð léttist fólk, sem er
bara bónus. Við horfum alltaf á
manneskjuna út frá heilbrigði og
efnaskiptum. Það hefur komið
okkur á óvart að fá staðfestingu á
því sem við höfum oft heyrt marga
lækna hafa áhyggjur af, það er
hversu algengt er að sjá hækkandi
blóðsykur og hækkað insúlínvið-
nám. Þetta erum við líka að sjá í
okkar tölum. Hátt insúlínviðnám
er einn stærsti áhættuþátturinn
þegar kemur að ýmsum lang-
vinnum sjúkdómum. Áunnin
sykursýki er augljósasta tengingin
en einnig getur insúlínónæmi haft
áhrif á ófrjósemi, PCOS hjá ungum
konum, hjarta- og æðasjúkdóma
auk margra annarra þátta. Það má
í rauninni segja að kólesteróli hafi
verið kennt um þann skaða sem
sykurinn veldur. Áhugavert er líka
að skoða tengsl insúlínviðnáms
og Covid-19. Komið hefur í ljós að
þeir sem hafa veikst illa af Covid
eru margir með hækkað insúlín-
viðnám án þess að vita af því.
Nokkrir sem hafa verið að glíma
við eftirköst af sjúkdómnum hafa
leitað til okkar. Þeir hafa margir
átt það sameiginlegt að vera með
skerta getu til fitubruna og/eða of
hátt insúlín,“ upplýsir Lukka.
Áhyggjur af unga fólkinu
„Við höfum verulegar áhyggjur
af ungu kynslóðinni. Við höfum
verið að mæla unglinga sem koma
verr út en foreldrarnir varðandi
efnaskipti. Stundum eru þetta
krakkar sem stunda íþróttir og
í góðu formi. Þau eru samt með
forstig sykursýki. Þegar skoðaðar
eru neysluvenjur eru þau mikið í
orkudrykkjum, unnum matvælum
og koffíndrykkjum. Það eru röng
skilaboð að maður þurfi orku-
drykk ef stundaðar eru íþróttir.
Ef heldur fram sem horfir þá
erum við að fara að taka börnin
okkar með á elliheimilið. Heilsu
ungu kynslóðarinnar hrakar örar
en okkar eldri. Það var sorgleg
en þörf umfjöllun um ofþyngd
barna í þættinum Kveik. Við
verðum að taka þessa umræðu út
frá heilbrigði en ekki fara í vörn.
Hækkuð lifrar- og sykurgildi er
stórt framtíðarvandamál. Við
verðum að taka höndum saman
og fara í víðtækar aðgerðir til að
sporna við þessu vandamáli. Heil-
brigðiskerfið er að springa vegna
lífsstílssjúkdóma. Það má ekki
þagga niður þessa umræðu. En við
getum breytt þessu. Við getum svo
sannarlega breytt þessu með betri
upplýsingum, samstilltu átaki og
hvatningu.“
Lukka og Már stofnuðu Greenfit
þegar þau uppgötvuðu hversu
margir væru með röng efnaskipti
án þess að hafa hugmynd um það.
„Við vildum opna augu fólks fyrir
þessu vandamáli og gefa ráðlegg-
ingar til að bæta heilsu og ekki
síður til að bjarga heilbrigðiskerf-
inu. Það sem gerir starfið okkar
skemmtilegt og er hvetjandi, er að
sjá þann árangur sem fólk nær eftir
að hafa komið til okkar. Fólk er
duglegt að segja okkur frá árangri
sínum og bættum lífsgæðum.
Það er alltaf hægt að bæta heilsu
sína og hver og einn ber ábyrgð á
sjálfum sér. n
Greenfit er staðsett á Snorrabraut
54, sími 780 6226. Hægt er að
panta tíma í gegnum heimasíðuna
greenfit.is og kynna sér starf-
semina.
Við vildum opna augu fólks fyrir þessu vandamáli og gefa ráðleggingar til að bæta heilsu og ekki síður til að bjarga heilbrigðiskerfinu, segir Lukka.
Álagsprófið getur hjálpað þeim sem æfa á röngu álagi.
Ástandsskoðun
kemur í veg
fyrir að fólk fái
heilsubrest en
efnaskiptin eru
mæld ásamt
fleiru.
Við einblínum
ekki á þyngd
heldur efnaskipti.
Þegar þau hafa verið
löguð léttist fólk, sem
er bara bónus. Við
horfum alltaf á mann-
eskjuna út frá heilbrigði
og efnaskiptum.
2 kynningarblað A L LT 9. október 2021 LAUGARDAGUR