Fréttablaðið - 09.10.2021, Page 82

Ég er mjög þakklátur
þeim fyrir norðan fyrir
að draga mig út í þetta
enda er þetta mjög
skemmtilegt.
Guðni
Þetta var svo fallegt
ferðalag og það gleður
mig mjög að áhorf-
endur fái nú að njóta
þess á sama hátt.
Hildur
Guðnadóttir
Er í fríi.
Víðir Reynisson,
yfirlögreglu­
þjónn almanna­
varna, hefur lítíð
sést undanfarið
eftir mánaða­
langa, nánast
stöðuga viðveru.
stod2.is
Tryggðu þér áskrift
Í KVÖLD
n Hvar ertu?
Arnaldi tryggður pappír
thorarinn@frettabladid.is
Pappírsskortur og tregða í skipa­
flutningum milli landa gæti mögu­
lega truflað straum jólabóka­
flóðsins.
Bjarni Harðarson, hjá bókaút­
gáfunni Sæmundi, sagði þannig í
Fréttablaðinu að hann þyrfti að
fresta útgáfu tíu jólabóka vegna
pappírsskorts.
„Maður sér að jólabókaflóðið,
það verður seinna á ferðinni heldur
en venjulega.“
Aðdáendur Arnaldar Indriða­
sonar hafa þó ekkert að óttast og
nýjasta glæpasaga hans kemur,
venju samkvæmt, stundvíslega út
mánudaginn 1. nóvember. „Fag­
fólkið á Forlaginu var löngu búið að
sjá þetta fyrir og tryggja að ekkert
kæmi í veg fyrir glæstasta jóla­
bókaflóð útgáfunnar frá upphafi,“
segir Egill Örn Jóhannsson, for­
stjóri Forlagsins. „Og að sjálfsögðu
verður því Arnaldur með brakandi
ferska bók þann 1. nóvember!“ n
n Fréttir af fólki
Sinfónía Norðurlands flytur
margverðlaunaða tónlist
Hildar Guðnadóttur við Joker
á kvikmyndatónleikum undir
stjórn Guðna Franzsonar, sem
mun óhjákvæmilega finna
föðurhjartað slá aðeins örar
þegar hann beinir sprotanum
að snilldarverki dóttur sinnar
í Hörpu annað kvöld.
toti@frettabladid.is
Kvikmyndinni Joker verður varpað
á risastórt tjald í Eldborgarsal
Hörpu við undirleik sinfóníu­
hljómsveitarinnar SinfoniaNord
á kvikmyndatónleikum, þar sem
margverðlaunuð tónlist Hildar
Guðnadóttur fær að njóta sín til
hins ítrasta undir stjórn föður
hennar, Guðna Franzsonar, klarí­
nettuleikara með meiru.
„Já, já. Það gerir það,“ segir Guðni,
um að vissulega kitli það föður­
hjartað að fá slíkt tækifæri til þess
að koma að flutningi á Óskarsverð­
launatónlist dóttur sinnar. „Ég er
mjög þakklátur þeim fyrir norðan
fyrir að draga mig út í þetta, enda
er þetta mjög skemmtilegt,“ segir
Guðni og bætir við að ánægjan sé
ekki síst fólgin í því að með lifandi
flutningi geti tónlistin öðlast sjálf­
stætt líf utan bíótjaldsins.
„Það er eins og músíkin lifni svo­
lítið við og vonandi gerist eitthvað í
þá veru núna,“ segir Guðni og bendir
á að þótt það sé alls ekki algilt sé
stundum eins og tónlistin sé dálítið
falin bak við kvikmyndina sjálfa.
Renni eiginlega inn í hana, en með
lifandi f lutningi „kemur svolítið
skemmtilegur fókus og þetta fer að
virka svona eins og heildstætt tón­
verk.“
Tilfinningaþrungin vegferð
Tónlist Hildar er í raun hryggjar­
stykkið í aðalpersónunni Arthur
Fleck og tilfinningaþrunginni veg­
ferð hans, sem nær hámarki þegar
hann umturnast í Jókerinn.
Guðni bendir á að það sé ekki síst
gaman að kvikmyndatónleikunum
vegna þess að segja megi að Hildur
vinni með svolítið takmarkað efni
til þess að skapa þann sterka karakt­
er sem Jókerinn er í myndinni. „Allt
í einu stækkar þetta nauma efni og
verður að heilu tónverki.“
Lifandi tónlistin framkallar
þannig alveg nýja upplifun á
Jókernum, sem verður til við magn­
aðan samruna leikarans Joaquin
Phoenix og tónlistar Hildar en bæði
hlutu, eins og löngu frægt er orðið,
Óskarsverðlaun fyrir framlög sín til
myndarinnar.
Röntgenmynd af Phoenix
„Mér finnst svolítið gaman að þessu
vegna þess að þetta er svo nálægt
Joaquin Phoenix og hans Jóker í
þessu, þannig að það er eins og það
komi einhvers konar nærmynd af
honum. Það er svolítið spes.
Músíkin tengist honum og per­
sónu Jókersins svo sterkt, sko. Þann­
ig að það er eins og maður horfi inn
í hann og dálítið gaman að þetta
er eins og röntgenlýsing á Joaquin
Phoenix. Svolítið eins og maður sjái
bara alveg beinagrindina í honum.“
Hildur segist sjálf hæstánægð
með að fá að sjá og heyra Joker á
kvikmyndasýningu með lifandi
sinfóníuhljómsveit. „Hljómsveitin
kom með svo mikla dýpt og næmni
í f lutningi sínum þegar við hljóð­
rituðum tónlistina. Við bókstaf­
lega héldum niðri í okkur andanum
meðan á upptökum stóð. Þetta var
svo fallegt ferðalag og það gleður
mig mjög að áhorfendur fái nú að
njóta þess á sama hátt.“
Sjokkerandi mynd
Þegar talið berst að myndinni
sjálfri segir Guðni að „skemmtileg“
sé kannski ekki rétta orðið. „En
mér finnst þetta rosalega áhrifarík
mynd. Ég tek hana bara sem svona
ákveðna sögn í nútímanum og um
ástandið í samfélaginu.“
Guðni vísar til grimmra örlaga
Arthurs sem er ótryggður og hefur
ekki efni á heilbrigðisþjónustu. „Ég
sé þetta náttúrlega svolítið með
þeim gleraugum og eitt morð til
eða frá hættir að skipta máli í sam­
henginu. Þannig að ég sé þetta svo­
lítið sem Bandaríki nútímans, eða
bara veröldina í dag.
Mér finnst þetta snúast miklu
meira í kringum það. Þetta er
ofsalega sterkt og maður varð svo­
lítið sjokkeraður að sjá hana fyrst,
en síðan er ég búinn að sjá hana
nokkrum sinnum og þá eru það
taugarnar og tilfinningarnar sem
tengjast þessu sem fara alltaf að
koma sterkar og sterkar inn. Þetta
er ein af þeim myndum sem verða
alltaf magnaðri og magnaðri eftir
því sem maður horfir á þær oftar.“
Grænt ofan á grátt
Guðni var fenginn til þess að bregða
sér í gervi Jókersins til þess að vekja
athygli á tónleikunum. „Þeim datt
þetta snjallræði í hug. Að dressa
mig svona upp og ég er náttúrlega
algjörlega ókomplexaður og ger­
samlega laus við einhverja mótaða
sýn á hvernig ég eigi að líta út og svo­
leiðis,“ segir Guðni og hlær dátt, áður
en hann bætir við að hann hafi sagst
vera til í þetta ef talið væri að uppá­
tækið yrði til þess að draga fólk að.
Hann segist þó alls ekki ætla að
stjórna sinfóníuhljómsveitinni
sem Jókerinn. „Nei! Ég ætla ekkert
að stela senunni frá Joaquin Pho­
enix. Hann á sjóið þarna. Ég verð
bara svartur og sykurlaus og fer í
skuggann.
Þeim fannst góð kynning að
dressa kallinn upp í þetta en ég ætla
ekkert að vera að trana mér. Ég held
að það hafi verið vitleysa en það er
kannski smá svipur með okkur,“
heldur Guðni áfram og bendir á
einn augljósan kost.
„Þegar maður er orðinn svona
grár og litlaus þá getur maður tekið
hvaða lit sem er. Grænt eða blátt eða
fjólublátt eða hvernig sem er. Það
er alveg sama hvernig lit þú setur í
svona grátt hár. Það er góður grunn­
ur og verður allt í lagi,“ segir Guðni
Franzson, sem mun stjórna Sinfóníu
Norðurlands með grátt hár í Hörpu
á sunnudagskvöld á tónleikunum
sem hefjast klukkan 19.30. n
Guðni stjórnar Jóker dóttur sinnar
Guðni sveiflar sprotanum yfir snilld Hildar annað kvöld. FRÉTTABLAÐIÐ/EYÞÓR
Guðni lét sig ekki muna um að lita
grátt hárið grænt. MYND/AÐSEND
Joaquin
Phoenix.
MYND/
WARNER
BROS.
46 Lífið 9. október 2021 LAUGARDAGURFRÉTTABLAÐIÐLÍFIÐ FRÉTTABLAÐIÐ 9. október 2021 LAUGARDAGUR