Fréttablaðið - 09.10.2021, Síða 30

þurri pönnu. Þeytið rjómann með
sykri og vanilludropum. Ausið
súpunni á diska, stráið múskati
yfir, leggið kúfaða súpuskeið af
rjóma á hvern disk, loks stráið þið
hnetum yfir. Bon appétit.
Peru- eða eplaterta
Fyrir 8
Bökudeig
200 g hveiti
100 g smjör við stofuhita
80 cl ískalt vatn
Hnoðið smjörinu saman við
hveitið án þess að snerta það
mikið. Hellið vatninu saman við.
Dreifið hveiti á borð, myndið kúlu
úr deiginu. Fletjið deigið með lófa,
brjótið saman í þrennt. Endurtekið
tvisvar. Setjið í kæli í eina klst.
Fylling
800 g epli eða velþroskaðar perur
1 dl rjómi
1 egg
80 g sykur
50 g möndluflögur
Örlítið salt
2 msk. Calvadosbrennivín, ef vill
Hitið bökunarofninn í 200°C.
Stráið hveiti á borðið. Fletjið deigið
út, leggið í stórt bökuform, vel
upp á barma. Afhýðið ávextina,
kjarnhreinsið, skerið þunnt, leggið
þétt saman á tertubotninn. Þeytið
saman egg, sykur, salt og rjóma,
hellið yfir. Dreifið loks möndlum
yfir. Bakið í rúman hálftíma. Bon
appétit. n
Sigríður Gunnarsdóttir hefur
búið í París í 50 ár. Haustið er
uppskerutími og þá fer Sig-
ríður á markaðinn þar sem
borð grænmetisbóndans
svigna undan þunga upp-
skerunnar.
starri@frettabladid.is
Haustið hefur minnt á sig undan­
farna daga í París með tilheyrandi
rigningu, kaldara loftslagi og
fyrstu haustlitunum. Um leið
breyta Parísarbúar um lífsstíl
og hluti þess er að elda úr öðru
hráefni, eða því ferskasta sem er í
boði þessa dagana, segir Sigríður
Gunnarsdóttir sem hefur búið í
heimsborginni í 50 ár. Sigríður
vakti mikla athygli fyrir bækurnar
Sælkeraferð um Frakkland, Sæl­
keragöngur um París og Sælkera­
flakk um Provence, sem hún vann
með dóttur sinni Silju Sallé og
komu út á árunum 2007­2013. „Öll
þessi ferðalög voru algert ævintýri,
á allan hátt. Við kynntumst góðu
fólki enda hafa allir Frakkar áhuga
á góðum mat og eru auk þess reiðu­
búnir að útskýra leyndardóma
sinna heimahaga. Við mæðgur
reyndum að koma þessari gleði
áfram til Íslendinga í bókum
okkar.“
Á þessum tíma þóttu bækurnar
nokkuð frumlegar enda samein­
uðu þær ferðalög um Frakkland,
fróðleik um mat og hráefni, í bland
við girnilegar uppskriftir. „Bæk­
urnar voru einstaklega fallegar
og tók Silja dóttir mín myndirnar
sem birtust í þeim. Ég hef enn mjög
gaman af að elda góðan mat og
reyni að fylgja þeim sið Frakka að
breyta mataræði eftir árstíðum
með því að notast við það sem úti
grær, eins og hægt er.“
Mikilvæg stund
Það eru ekki allir sem vita að
frönsk matargerðarlist er á heims­
minjaskrá UNESCO. „Hvergi í
heiminum er eytt eins löngum
tíma við undirbúning máltíðar­
innar, né við matborðið. Máltíðin
er heilög stund, skiptir höfuðmáli
á dagskrá fjölskyldunnar. Ekki
er aðeins verið að njóta góðrar
matreiðslu, heldur er þetta sá tími
dagsins sem fjölskylda og vinir
nota til að tala saman og ræða
atburði dagsins,“ segir Sigríður.
Henni finnst mikilvægt að
benda á að Frakkar eru grennstir
evrópskra þjóða. „Þegar fólk
nennir að elda góðan, hollan mat
og allir sitja saman og borða hann,
í stað þess að vera í snakkáti yfir
daginn, þá fitnar fólk ekki. Bara
Máltíðin er heilög stund í Frakklandi
Þessi bragðgóða eplaterta slær í
gegn hjá öllum aldurshópum. Það
má nota perur í stað epla.
Ilmandi graskerssúpan er einföld í framkvæmd og dásamleg á bragðið.
Sigríður Gunnarsdóttir matgæðingur hefur verið búsett í París í 50 ár.
MYND/AÐSEND
sem dæmi get ég sagt þér að ég
nota enn kjól sem ég fékk þegar
ég var sextán ára, hann er enn svo
ægilega fallegur. Ég hef nú reyndar
þyngst um 5 kg síðan, en kemst í
hann samt. Geri aðrir betur.“
Matargerð í Frakklandi er ólík
eftir landshlutum
Franska sumarið er að sögn Sig­
ríðar venjulega sólríkt, hlýtt og fal­
legt. „Við höfum haft opið út í allt
sumar, verið eins mikið úti og inni.
Til dæmis hafa allar máltíðir verið
borðaðar úti við í sumarblíðunni.
Hér er mikill og fallegur gróður
enda má segja að við búum í forða­
búri Evrópu. Hvergi er ræktað eins
margt og mikið á ökrum úti, hér
vex allt hveiti og korn, og ávextir
og grænmeti sem hugsast getur.
Landið er stórt, mjög ólíkt eftir
héruðum, bæði hvað snertir lofts­
lag og landslag. Hvert hérað hefur
fyrir vikið þróað sína matgerðar­
list. Fólk í Norður­Frakklandi eldar
öðruvísi en í Suður­Frakklandi,
hið fjöllótta Austur­Frakkland er
gjörólíkt vesturströndinni, o.s.frv.
Síðan breytist mataræði fólks gjör­
samlega eftir árstíðum.“
Tími uppskerunnar
Haustið er uppskerutími og fer
Sigríður reglulega á markaðinn
þar sem borð grænmetisbóndans
svigna undan þunga uppskerunnar.
„Ég er sjálf með eplatré í garðinum
en við borðum epli í hverri máltíð
um þessar mundir. Ég ætla að gefa
lesendum Fréttablaðsins tvær hefð­
bundnar haustuppskriftir af gras­
kerssúpu og tertu úr annað hvort
eplum eða perum. Báðar sígildar
uppskriftir frá matarparadísinni
Frakklandi.“
Grasker eru nýlega farin að sjást
oftar á borðum Íslendinga en þau
eru mjög vinsæl á haustin í Frakk­
landi og raunar fram á vetur segir
Sigríður. „Graskerin koma í öllum
regnbogans litum, lítil og stór.
Margir skreyta með þeim á haustin
því þau geymast lengi. Þau eru mat­
reidd á marga vegu en oftast samt
notuð í súpur. En þau eru líka mikið
notuð í stöppur, og þá oft með kart­
öflum, og í gratín. Litlu graskerin
eru oft fyllt, gjarnan með hökkuðu
kjöti, líkt og pastaréttir, síðan er
settur rifinn ostur yfir og þau sett
undir grillið. Þau eru hreint sælgæti
hvernig sem þau eru elduð.“
Graskerssúpa
(Soupe au potiron)
Fyrir 4
1 kg grasker
5 dl mjólk
2 dl rjómi
2 msk. sykur
Vanilludropar
Nokkrar smátt skornar hesli-
hnetur
Salt
Múskat
Afhýðið graskerið, skerið það í litla
bita. Sjóðið í 20 mínútur í mjög litlu
vatni eða við gufu, því það kemur
mikill safi úr því. Hellið soðinu,
saltið graskersbitana og maukið þá
með mjólkinni. Ristið hneturnar á
4 kynningarblað A L LT 9. október 2021 LAUGARDAGUR