Morgunblaðið - 28.05.2021, Blaðsíða 24

24 FRÉTTIRInnlent
MORGUNBLAÐIÐ FÖSTUDAGUR 28. MAÍ 2021
FRÉTTASKÝRING
Sigtryggur Sigtryggsson
sisi@mbl.is
Allt skipulag í kringum flugdeild
Landhelgisgæslunnar miðast við að
starfsemin sé á Reykjavíkur-
flugvelli. Ef flugvöllurinn hverfur á
braut og öll starfsemi flugdeildar
Landhelgisgæslunnar flyst annað,
t.d. til Keflavíkur, yrði að endur-
skipuleggja margt í starfsemi deild-
arinnar með til-
heyrandi
kostnaði. Þetta
segir Ásgeir Er-
lendsson, upplýs-
ingafulltrúi stofn-
unarinnar.
„Í dag ganga
áhafnir loftfar-
anna bakvaktir
og bregðast því
eðlilega oft við út-
köllum heiman að frá sér og að auki
þurfa þau sem eru í áhöfn að búa í að
hámarki 15 mínútna fjarlægð frá
flugvelli. Ef starfsemin færi annað
yrði að setja á fót staðarvaktir með
ærnum kostnaði,“ segir Ásgeir.
Flugskýlið gamalt og úrelt
Morgunblaðið hefur að undan-
förnu fjallað um bágborna aðstöðu
Landhelgisgæslunnar á Reykjavík-
urflugvelli. Eftir að þriðja leigu-
þyrla Landhelgisgæslunnar kom til
landsins á dögunum er ekki lengur
pláss fyrir öll loftför Gæslunnar í
flugskýli hennar á Reykjavíkur-
flugvelli. Þarf því að geyma eina
þyrluna eða flugvél Gæslunnar ut-
andyra. Flugskýlið er að auki orðið
gamalt og úrelt, byggt 1943, og
stenst ekki kröfur um öryggi og að-
búnað starfsfólks.
Dómsmálaráðuneytið sendi skipu-
lagsfulltrúa Reykjavíkur bréf í júlí
2018 þar sem athygli var vakin á
stöðunni. Jafnframt fór ráðuneytið
þess formlega á leit að skipulags-
yfirvöld í Reykjavík móti tillögur um
staðsetningu þyrlusveitar Land-
helgisgæslunnar á flugvallarsvæð-
inu til framtíðar. Nú, tæpum þremur
árum seinna, hefur ráðuneytið enga
úrlausn fengið hjá borginni.
Og Pawel Bartoszek, formaður
skipulagsráðs Reykjavíkur, tók af
öll tvímæli um hug borgaryfirvalda í
viðtali við Morgunblaðið 21. maí sl.
„Það er afstaða Reykjavíkur að flug-
völlurinn eigi að víkja úr Vatns-
mýri,“ sagði Pawel þar m.a. Hann
bætti við að gert hefði verið sam-
komulag við ríkið um að tryggja
starfshæfni vallarins á meðan aðrir
flugvallarkostir væru skoðaðir. Nú
hafi verið sett í ferli vinnsla á aðal-
skipulagsbreytingu sem heimili veru
hans í Vatnsmýri til ársins 2032.
Sagði Pawel rétt að beina framtíð-
aruppbyggingu Gæslunnar annað,
t.d. í Hvassahraun. Hins vegar væri
mögulegt að útbúa þyrlupall sem
gæti þjónað sjúkraflugi.
En þótt Reykjavíkurflugvöllur
verði starfræktur næstu 10 árin er
aðstöðuleysi Gæslunnar þar enn
óleyst vandamál. Væntanlega er
enginn hljómgrunnur fyrir því að
byggja flugskýli í Hvassahrauni eins
og staðan er á Reykjanesi í dag.
Takmarkanir án flugbrautar
Ásgeir var að lokum spurður að
því hvort það gæti gengið að vera
með flugskýli t.d. á Keflavíkur-
flugvelli og lendingarpall á
Reykjavíkurflugvelli.
„Ef starfsemin yrði færð annað
með brotthvarfi Reykjavíkur-
flugvallar væri hægt að lenda á
þyrlupalli í Reykjavík í sjónflugi en
hanna þyrfti sérstakt aðflug fyrir
blindflug ef ekki ætti að verða þjón-
ustuskerðing frá því sem nú er.
Hugsanlegt er að viðhald færi fram í
flugskýli á Keflavíkurflugvelli en
einhverjar vélar yrðu til taks á
höfuðborgarsvæðinu en hafa verður
í huga að án flugbrautar er flugtaks-
þyngd þyrlanna takmörkuð og um
leið flugþol þeirra,“ segir Ásgeir.
Saga flugreksturs Landhelgis-
gæslunnar spannar rúm 65 ár. Hinn
10. desember 1955 eignaðist Land-
helgisgæslan sína fyrstu flugvél og
er almennt miðað við þá dagsetn-
ingu sem upphaf flugrekstrar stofn-
unarinnar. Þetta var flugbátur af
gerðinni PBY-6A Catalina með ein-
kennisstafina TF-RAN.
Allar götur síðan hafa loftför
Landhelgisgæslunnar borið nöfn
ásynja, rétt eins og skipin eru nefnd
eftir norrænu goðunum, að því er
fram kemur í samantekt á heimasíðu
Landhelgisgæslunnar.
Fyrsta þyrlan kom árið 1965
Hinn 30. apríl 1965 tók Landhelg-
isgæslan sína fyrstu þyrlu í notkun.
Hún var af gerðinni Bell 47j og var
keypt til landsins í samvinnu við
Slysavarnafélag Íslands. Þyrlan
fékk einkennisstafina TF-EIR.
Landhelgisgæslan hefur nú yfir að
ráða þremur þyrlum af tegundinni
Airbus Helicopters og einni flugvél
af gerðinni Dash 8 Q 300 sem er sér-
hönnuð til eftirlits-, leitar-, björg-
unar- og sjúkraflugs á Norður-
Atlantshafi.
Flutningur flugdeildar yrði dýr
- Allt skipulag í kringum flugdeild Landhelgisgæslunnar miðast við að starfsemin sé á Reykjavíkur-
flugvelli - Ef starfsemin færi til Keflavíkur þyrfti að setja á fót staðarvaktir með ærnum kostnaði
Morgunblaðið/Árni Sæberg
Reykjavíkurflugvöllur Flugvél Landhelgisgæslunnar, TF-SIF, á flugi yfir flugskýli Gæslunnar. Skýlið er komið til ára sinna og rúmar ekki öll loftförin.
Ásgeir Erlendsson
Stefán E. Stefánsson
ses@mbl.is
Tólf mánaða verðbólga mælist nú
4,4% og hjaðnar nokkuð frá síðasta
mánuði þegar hún mældist 4,6%.
Vísitala neysluverðs hækkar þó um
0,42% frá því í apríl. Þetta kemur
fram í nýrri mæl-
ingu Hagstofunn-
ar.
„Fasteigna-
verðið drífur
verðbólguna
áfram milli mán-
aða. Rúmlega
tveir þriðju hlut-
ar þessarar
hækkunar eru af
völdum íbúða-
verðsins. Á móti
vegur lítilsháttar lækkun á innflutn-
ingsverðinu. Það er gleðilegt þótt
lækkunin sé ekki mikil,“ segir Jón
Bjarki Bentsson, aðalhagfræðingur
Íslandsbanka, þegar hann er inntur
eftir viðbrögðum við nýjustu mæl-
ingu á verðbólgunni.
Eftirspurnarspenna
„Þetta rímar við það sem við höf-
um birt í þjóðhagsspá okkar. Fast-
eignamarkaðurinn einkennist af
eftirspurnarspennu og það kemur
fram í íbúðaverðinu.“ Segir hann
sérstaklega athyglisvert að mikill
munur sé orðinn á verðmyndun sér-
býlis og fjölbýlis á höfuðborgarsvæð-
inu. Sérbýlið hafi hækkað um 20%
síðasta árið en fjölbýlið um 12%.
Minni hækkun mælist á fasteigna-
markaði á landsbyggðinni.
„Það er ljóst að framboðið er ekki
nægt. Sér í lagi kemur það fram í
sérbýlinu og það þarf að skoða hvort
hægt sé að auka framboð á lóðum því
sérbýlið er í meira mæli byggt af
endanlegum eigendum en fjölbýlið.
Skoða þarf hvernig hægt sé að ná
betra jafnvægi á þessum markaði
þar sem hitinn virðist mestur.“
Spurður út í hvort mælingin kalli á
viðbrögð Seðlabankans, segir Jón
Bjarki að vaxtahækkun upp á 0,25
prósentur þann 19. maí hafi verið
viðbragð við aukinni verðbólgu. Það
sé helsta tækið sem bankinn hafi til
að bregðast við verðþrýstingi vegna
aukinnar eftirspurnar í hagkerfinu.
Yfirlýsingar að vænta
Hann segir að ef bankinn meti það
sem svo að hitinn sé að verða of mik-
ill á fasteignamarkaði, t.d. ef verð-
myndun á honum er ekki talin sjálf-
bær, að skuldsetning sé óhófleg eða
hætta á að talsverð lækkun eftir
óhóflega hækkun gæti leitt til mikils
ójafnvægis á markaðnum, þá séu
einnig önnur tól og tæki til staðar.
„Þá getur fjármálastöðugleika-
nefndin gripið til aðgerða með því að
þrengja að lánsfjárhlutföllum,
greiðslumati og slíku. Það er næst
von á yfirlýsingu frá nefndinni 30.
júní næstkomandi,“ segir Jón Bjarki.
Sérbýlið hefur hækkað
um 20% á síðastliðnu ári
Morgunblaðið/Ómar
Einbýli Miklar hækkanir mælast á
fasteignaverði á höfuðborgarsvæðinu.
Jón Bjarki
Bentsson
- Minni þrýstingur af innfluttri verðbólgu að sögn hagfræðings
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
Vantar þig
pípara?
FINNA.is