Morgunblaðið - 01.06.2021, Blaðsíða 27

ég átti þess vegna mjög erfitt með
að höndla það þegar mér gekk ekki
vel,“ sagði Ásdís.
„Ég var með álagsbrot í fæti á
EMU23-ára í Erfurt í Þýskalandi
árið 2005. Ég hafði ekki kastað
spjóti í mánuð í aðdraganda móts-
ins en næ samt að kasta 53,78 metra
á mótinu sem er bara fínn árangur.
Ég ætlaði að ná mér í verðlaun á
þessu móti en enda í fjórða sæti. Ég
eyddi klukkustundum saman grenj-
andi inni á hótelherbergi eftir mót-
ið og það eyðilagði lífsreynsluna,“
sagði Ásdís.
„Ég gerði mér mjög erfitt fyrir oft
og tíðum,“ sagði Ásdís Hjálms-
dóttir, margfaldur Íslandsmeistari í
spjótkasti og ólympíufari, í Dag-
málum, frétta- og menningarlífs-
þætti Morgunblaðsins.
Ásdís, sem er 35 ára gömul, lagði
spjótið og frjálsíþróttaskóna á hill-
una á síðasta ári eftir tuttugu ára
feril.
Hún varð ellefu sinnum Íslands-
meistari í spjótkasti, tíu sinnum Ís-
landsmeistari í kúluvarpi og átta
sinnum Íslandsmeistari í kringlu-
kasti.
Þá fór Ásdís á þrenna Ólympíu-
leika, í Peking í Kína árið 2008, í
London á Englandi árið 2012 og Ríó
í Brasilíu árið 2016, en hún var á
meðal fremstu spjótkastara heims á
hátindi ferilsins.
„Metnaðurinn var svo mikill og
Grét klukkustundum saman
Skapti Hallgrímsson
Best Ásdís var fremsta frjáls-
íþróttakona landsins í áraraðir.
ÍÞRÓTTIR 27
MORGUNBLAÐIÐ ÞRIÐJUDAGUR 1. JÚNÍ 2021
Síðasta úrslitakeppnin í vetr-
aríþróttunum fór af stað í gær
þegar tveir leikir fóru fram í úr-
slitakeppni Íslandsmóts karla í
handknattleik.
Eftir sóttvarnahléin í vetur
munu mótin í handboltanum og
körfunni fara langt inn í júní-
mánuð. Sú tilhugsun er ein-
kennileg og vonandi verður eft-
irspurn eftir því að fylgjast með
innanhússgreinunum þótt komið
sé sumar. Veðurguðirnir gætu
reyndar allt eins tekið upp á því
að reka fólk inn í húsin.
Í mörg ár hafa úrslitakeppn-
irnar verið mikil skemmtun.
Fyrirkomulagið býður upp á það
auk þess sem nokkuð mörg lið
hafa í mörgum tilfellum haft
burði til að vinna í báðum grein-
um.
Úrslitakeppnirnar féllu
niður í fyrra vegna sótt-
varnaaðgerða. Undanfarið hefur
maður fundið að maður hafði
saknað þess að sjá dýnamíska
spennuleiki þar sem mikið er
undir.
Úrslitarimma Vals og KR var
nánast epísk og bauð upp á all-
an tilfinningaskalann fyrir þá
sem styðja þau félög. Um
helgina var framlengdur leikur
hjá KA/Þór og ÍBV á Akureyri
og í gær varð jafntefli í spennu-
leik í Eyjum hjá ÍBV og FH.
Í fótboltanum hafa efstu deildir
verið keyrðar áfram af hörku í
maí. Útlit er fyrir að deildin hjá
konunum gæti orðið jafnari en
búist var við.
Hjá körlunum reyta liðin stig
hvert af öðru fyrir utan að Valur
hefur aðeins tapað tveimur stig-
um. Ekki þyrfti að koma á óvart
ef Valsmenn yrðu langstöð-
ugastir undir stjórn Heimis Guð-
jónssonar og myndu ná í öruggt
forskot.
BAKVÖRÐUR
Kristján Jónsson
kris@mbl.is
HANDBOLTINN
Bjarni Helgason
bjarnih@mbl.is
FH er í lykilstöðu í einvígi sínu gegn
ÍBV í átta liða úrslitum Íslandsmóts
karla í handknattleik eftir 31:31-
jafntefli liðanna í fyrri leik liðanna í
Vestmannaeyjum í gær.
Mikið jafnræði var með liðunum
allan leikinn en ÍBV var þó með yfir-
höndina í fyrri hálfleik.
Eyjamenn náðu mest þriggja
marka forskoti í fyrri hálfleik en allt-
af tókst FH-ingum að minnka mun-
inn og var staðan 16:14, ÍBV í vil, í
hálfleik.
ÍBV var með yfirhöndina í síðari
hálfleik og leiddi með þremur mörk-
um þegar tuttugu mínútur voru til
leiksloka, 21:18.
FH-ingum tókst að jafna metin í
28:28 þegar fjórar mínútur voru til
leiksloka og þeir fengu tækifæri til
þess að vinna leikinn á lokasekúnd-
unum en Petar Jokanovic varði vel
frá Agli Magnússyni sem komst
einn í gegn.
„Gestirnir tóku forystuna ein-
ungis einu sinni í leiknum, það var í
stöðunni 0:1 en þrátt fyrir það eru
þeir sáttari með úrslit leiksins.
Eyjamenn létu henda sér oft út af og
þurftu að sitja af sér 10 refsimínútur
á móti 4 hjá gestunum,“ skrifaði
Guðmundur Tómas Sigfússon með-
al annars í umfjöllun sinni um leik-
inn á mbl.is.
Hákon Daði Styrmisson var
markahæstur Eyjamanna með níu
mörk, þar af fimm af vítalínunni, og
Einar Rafn Eiðsson skoraði einnig
níu mörk fyrir FH-inga, þar af fimm
af vítalínunni.
Liðin mætast á nýjan leik hinn 3.
júní í Kaplakrika en samanlögð úr-
slit leikjanna tveggja ráða úrslitum
um það hvort liðið kemst áfram í
undanúrslit Íslandsmótsins.
Öruggt hjá Haukum
Þá eru deildarmeistarar Hauka
komnir með annan fótinn í undan-
úrslit Íslandsmótsins eftir tíu marka
sigur gegn Aftureldingu í íþrótta-
húsinu að Varmá í Mosfellsbæ.
Leiknum lauk með 35:25-sigri
Hauka sem tóku öll völd á vellinum
strax í fyrri hálfleik og leiddu með
sex mörkum í hálfleik, 17:11.
Mosfellingum tókst aldrei að ógna
forskoti Hafnfirðinga í síðari hálfleik
og Haukar juku forskot sitt jafnt og
þétt eftir því sem leið á hálfleikinn.
„Leikurinn var afar grófur og
mikið um stimpingar. Bæði lið voru
með menn utan vallar í samtals 16
mínútur hvort. Þar á meðal fékk
Stefán Rafn Sigurmannsson þrjár
brottvísanir og þar með rautt spjald.
Liðin mætast í síðari leiknum í
átta liða úrslitunum á Ásvöllum í
Hafnarfirði næstkomandi fimmtu-
dag. Það lið sem hefur betur sam-
anlagt í tveimur leikjum kemst svo í
undanúrslitin og Haukar eru því í
vænlegri stöðu,“ skrifaði Gunnar
Egill Daníelsson meðal annars í um-
fjöllun sinni um leikinn á mbl.is.
Orri Freyr Þorkelsson var
markahæstur í liði Hauka með 10
mörk, þar af sjö af vítalínunni, og þá
varði Björgvin Páll Gústafsson níu
skot í marki Hauka.
Blær Hinriksson var atkvæða-
mestur í liði Aftureldingar með sjö
mörk og Brynjar Vignir Sigur-
jónsson varði níu skot í markinu, þar
af eitt vítakast.
FH-ingar í vænlegri stöðu
- Haukar með annan fótinn í undan-
úrslitum eftir stórsigur í Mosfellsbæ
Ljósmynd/Sigfús Gunnar
Átök Eyjamaðurinn Fannar Þór Friðgeirsson í baráttunni við Hafnfirð-
ingana Jón Bjarna Ólafsson og Birgi Má Birgisson í Vestmannaeyjum.
Breiðablik, Fylkir og ÍBV tryggðu
sér sæti í átta liða úrslitum bikar-
keppni kvenna í knattspyrnu, Mjólk-
urbikarnum, í gær.
Breiðablik vann 2:1-sigur gegn
Tindastól á Kópavogsvelli þar sem
Heiðdís Lillýardóttir og Agla María
Albertsdóttir skoruðu mörk Blika
áður en Murielle Tiernan minnkaði
muninn fyrir Sauðkrækinga á 79.
mínútu.
Þá skoraði Þórdís Elva Ágústs-
dóttir tvívegis fyrir Fylki þegar liðið
vann 5:1-stórsigur gegn Keflavík á
Würth-vellinum í Árbænum. Hulda
Hrund Arnarsdóttir kom Fylki yfir
undir lok fyrri hálfleiks en Natasha
Anasi jafnaði metin fyrir Keflavík á
55. mínútu. Shannon Simon kom
Fylki yfir á nýjan leik á 60. mínútu
og Þórdís Elva skoraði þriðja mark
Fylkis þremur mínútum síðar. Þór-
dís Elva og Bryndís Arna Níels-
dóttir bættu svo við sínu markinu
hvor fyrir Fylki í uppbótartíma.
Þá skoruðu þær Delaney Pridham
og Viktorija Zaicikova sitt markið
hvor fyrir ÍBV þegar liðið vann 2:1-
sigur gegn Stjörnunni á Samsung-
vellinum í Garðabæ en Alma Mathie-
sen skoraði mark Garðbæinga í
stöðunni 0:2.
Átta liða úrslit bikarkeppninnar
fara fram dagana 25.-26. júní en
Þróttur í Reykjavík tryggði sér sæti
í átta liða úrslitum í fyrradag.
Breiðablik,
Fylkir og ÍBV í
átta liða úrslit
KÖRFUBOLTINN
Bjarni Helgason
bjarnih@mbl.is
Ægir Þór Steinarsson átti sannkall-
aðan stórleik fyrir Stjörnuna þegar
liðið vann níu stiga sigur gegn Þór
frá Þorlákshöfn í fyrsta leik liðanna í
undanúrslitum Íslandsmóts karla í
körfuknattleik í Icelandic Glacial-
höllinni í Þorlákshöfn í gær.
Leiknum lauk með 99:90-sigri
Stjörnunnar en Ægir Þór var með
tvöfalda þrennu, skoraði 26 stig, tók
ellefu fráköst og gaf tíu stoðsend-
ingar.
Þórsarar voru með yfirhöndina í
fyrri hálfleik þótt mikið jafnræði
hafi verið með liðunum en staðan var
48:47, Þórsurum í vil, í hálfleik.
Þórsarar leiddu með tveimur stig-
um fyrir fjórða leikhluta, 69:67, en
þá hrukku Garðbæingar í gang.
Stjarnan skoraði fyrstu tólf stigin
í fjórða leikhluta og Þórsarar kom-
ust ekki á blað fyrr en rúmlega þrjár
mínútur voru liðnar af leikhlutanum.
Þá var staðan orðin 79:79, Stjörn-
unni í vil, og eftir að Stjarnan náði
nokkuð afgerandi forystu í leiknum
virkuðu Þórsarar aldrei líklegir til
þess að koma til baka.
„Stjörnumenn byrjuðu fjórða leik-
hlutann með látum og með tólf stig-
um í röð breyttu þeir stöðunni í
79:69 sér í vil. Þrátt fyrir ágæta
spretti hjá Þórsurum tókst þeim
ekki að jafna metin eftir það,“ skrif-
aði Jóhann Ingi Hafþórsson meðal
annars í umfjöllun sinni um leikinn á
mbl.is.
Alexander Lindqvist skoraði 18
stig fyrir Stjörnuna og tók sex frá-
köst en hjá Þórsurum var Larry
Thomas stigahæstur með 25 stig,
sex fráköst og sex stoðsendingar.
Vinna þarf þrjá leiki til þess að
tryggja sér sæti í úrslitum en í hinu
undaúrslitaeinvíginu eigast Keflavík
og KR við.
Annar leikur Stjörnunnar og Þórs
fer fram í Mathús Garðarbæjar-
höllinni í Garðabæ hinn 3. júní.
Morgunblaðið/Arnþór Birkisson
Þrenna Ægir Þór Steinarsson átti fullkominn leik í Þorlákshöfn í gær.
Fór á kostum
í Þorlákshöfn
- Stjarnan sterkari í fjórða leikhluta