Morgunblaðið - 08.07.2021, Qupperneq 22

22 FRÉTTIR
Innlent
MORGUNBLAÐIÐ FIMMTUDAGUR 8. JÚLÍ 2021
Trönuhrauni 8, Hafnarfirði, stod.is
Invacare Colibri
Létt og nett rafskutla
sem auðvelt er að taka
sundur og setja í bíl
RAFSKUTLUR
Upplifðu frelsi
og aukin tækifæri
Hámarkshraði 8 km/klst
Hámarksdægni 16 km
Verð 269.000 kr.
Rebekka Líf Ingadóttir
rebekka@mbl.is
Heildarmynd fyrir miðbæ Hafn-
arfjarðar var kynnt á fundi bæjar-
ráðs Hafnarfjarðar í lok síðustu
viku.
„Það hefur staðið yfir vinna und-
anfarin ár við bæjarskipulagið og
núna var ákveðið að gera tillögu að
uppbyggingu og breytingum á svæð-
inu sem afmarkast frá Linnetsstíg
að Reykjavíkurvegi, þar sem eru
gamlir byggingarréttir fyrir hendi.
Okkur fannst mikilvægt að ná heild-
armynd á svæðinu áður en að ein-
stakir aðilar færu af stað,“ segir
Rósa Guðbjartsdóttir, bæjarstjóri í
Hafnarfirði.
„Að mínu mati talar þetta mjög
vel við gamla miðbæinn og gömlu
húsin og er mjög falleg hugmynd.
Við erum að reyna að blanda saman
gömlum byggingarstíl og nýjum og
gera það á smekklegan hátt með því
meðal annars að hafa ekki húsin há-
reist heldur að hafa þau í þessum
gamla stíl sem miðbærinn okkar í
Hafnarfirði er þekktur fyrir.“
Samkvæmt nýjum tillögum er
Thorsplan áfram hugsað sem aðal-
torgið í hjarta Hafnarfjarðar og er
Ráðhústorg, sem nú er lagt undir
bílastæði m.a. fyrir Bókasafn Hafn-
arfjarðar, kynnt sem grænt torg
með áherslu á gróður, vatn og minni
samkomur og viðburði. Litið er á
Ráðhústorg og svæðið í kring sem
eitt heildstætt og aðlaðandi svæði
sem flæðir saman og tengist litlum
og stórum stígum og götum í allar
áttir til annarra hverfa.
„Þetta hefur verið skemmtilegt
ferli og ég er mjög ánægð með þessa
tillögu eins og hún lítur út núna og
það verður gaman að kynna hana
fyrir íbúum. Þetta styrkir mjög
miðbæinn og þarna er verið að gera
tillögu um að taka bílastæðið sem er
fyrir utan ráðhúsið og gera fallegt
torg þar, þannig að húsin í kring
njóti sín og þar geti dafnað einhver
skemmtileg starfsemi og þjónusta,“
segir Rósa.
Aðstaða sem hvetur til samveru
Áhersla er lögð á götulist og teng-
ingar við starfsemi á jarðhæðum
húsa. Á torginu verður góð aðstaða
fyrir minni samkomur og vatns-
skúlptúr á miðju torgsins sem er
ætlað að hvetja til leikja og samveru
hvort sem er á hlýjum sumardegi
eða þegar vatnið er þakið klaka-
böndum um hávetur.
Kaffihúsið Súfistinn, ásamt fyrir-
hugaðri viðbyggingu, mun verða
þungamiðjan á Ráðhústorginu og
mun viðbygging Súfistans, sam-
kvæmt hugmyndum, verða í anda
gamla Hafnarfjarðar en með nú-
tímalegum brag. Gert er ráð fyrir að
viðbyggingin muni hýsa stækkun á
veitingarými á jarðhæð með þak-
svalir sem snúa að Strandgötu.
Gamla hús Súfistans mun áfram
njóta sín í götumyndinni. Á 2. og 3.
hæð viðbyggingar auk rishæðar nú-
verandi húss verða allt að níu smá-
íbúðir. Nýjar hugmyndir gera jafn-
framt ráð fyrir að Beggubúð, sem
byggð var 1906 og hýsir í dag versl-
unarminjasafn Byggðasafns
Hafnarfjarðar, verði aftur flutt á
upprunalegan stað sinn á Strandgöt-
unni gegnt Bæjarbíói til að ná enn
frekari skírskotun til gamla Hafnar-
fjarðar. Lagt er til að byggt verði við
Austurgötu 4a í sama stíl. Inn-
gangur á Ráðhústorgið með breiðum
tröppum sem snúa vel við sólu mun
tengjast Austurgötu 8, sem hugsuð
er undir þjónustustarfsemi með sól-
ríkri verönd. Sú verönd er jafnframt
hugsuð sem aðstaða fyrir minni við-
burði og mannfagnaði.
„Við erum að birta þessar hug-
myndir, bærinn er að hluta til lóðar-
hafi en einkaaðilar eiga líka ein-
hvern hluta og ég veit að það er
áhugi hjá þeim á að fara af stað og
endurgera sín hús og bæta við þau.
Þá yrði það gert samkvæmt þessum
nýju hugmyndum ef þetta skipulag
verður að veruleika,“ segir Rósa.
Á miðsvæðum er fyrst og fremst
gert ráð fyrir verslunar- og þjón-
ustustarfsemi s.s. verslunum, skrif-
stofum, þjónustustofnunum, veit-
inga- og gistihúsum og menn-
ingarstofnunum. Þar sem aðstæður
leyfa má gera ráð fyrir íbúðar-
húsnæði, sérstaklega á efri hæðum
bygginga. Þá segir Rósa að tillagan
verði vel kynnt íbúum.
Ráðhústorg Lagt er til að Ráðhústorgið verði grænt torg með gosbrunni. Yfirlitsmynd Gert er ráð fyrir nýjum húsum við Austurgötu og inngangi með breiðum tröppum að Ráðhústorgi.
Vilja halda í sérkenni bæjarins
- Ný heildarmynd miðbæjar Hafnarfjarðar - Ráðhústorgið verði „grænt“ torg - Áhersla á götulist
Teikningar/ASK arkitektar
Nýtt framtíðarhúsnæði Tækniskól-
ans mun rísa við Suðurhöfnina í
Hafnarfirði. Fulltrúar stjórnvalda,
bæjaryfirvalda í Hafnarfirði og
Tækniskólans undirrituðu vilja-
yfirlýsingu þess efnis í dag.
Tækniskólinn er nú starfræktur í
níu byggingum á höfuðborgarsvæð-
inu. Með nýrri byggingu verður
starfsemin sameinuð undir einu þaki.
Í Tækniskólanum starfa rúmlega 270
starfsmenn og yfir þrjú þúsund nem-
endur eru skráðir þar í nám.
Í viljayfirlýsingunni er sammælst
um að skipa verkefnastjórn og rýna
tillögur um eignarhald og fjár-
mögnun. Þá staðfestir Hafn-
arfjarðabær vilja bæjaryfirvalda til
að leggja til stofnfjárframlag í formi
lóðar án kvaða og gjalda, ásamt
beinu fjárframlagi samkvæmt nán-
ara samkomulagi.
„Bygging nýs Tækniskóla er
löngu tímabær, enda er núverandi
húsnæði óheppilegt og löngu
sprungið. Aðsókn í skólann hefur
aukist mikið, eins og aðsókn í starfs-
og tækninám hefur gert almennt. Á
undanförnum árum hefur mikil við-
horfs- og kerfisbreyting orðið og
okkur hefur á kjörtímabilinu tekist
að raungera áratugagamlan draum
um að auka vægi starfs- og verk-
menntunar í landinu. Þeim árangri
fagna ég mjög, en við þurfum að
halda áfram og tryggja að verk-
menntaskólarnir búi við góðar að-
stæður,“ segir Lilja Alfreðsdóttir,
mennta- og menningarmálaráð-
herra, í tilkynningu. esther@mbl.is
Undirskrift Frá undirskrift viljayfirlýsingarinnar um nýtt húsnæði í dag.
Húsnæði Tækniskól-
ans rís í Hafnarfirði