Morgunblaðið - 08.07.2021, Side 48

Ásgeir Ingvarsson
ai@mbl.is
Hjólreiðakeppnin Kia Gullhringurinn
flytur sig um set þetta árið. Í stað
þess að hjóla umhverfis Laugarvatn
verður hjóluð sérlega falleg leið frá
Selfossi að Þjórsá.
Stysti hringurinn
er 12 km og hugs-
aður fyrir fjöl-
skyldur og kepp-
endur á
táningsaldri en
þeir sem vilja
reyna meira á sig
geta valið 43 km
eða 59 km leið ell-
egar tekið 90 km
hring.
Einar Bárðarson er stofnandi
keppninnar og segir hann breytta
staðsetningu m.a. koma til af því að
umferðarþunginn á vegunum í ná-
grenni Laugarvatns hefur farið vax-
andi. „Upphaflega lá leiðin um slóðir
þessa fornfræga hrings ferðaþjónust-
unnar en eftir því sem keppnin hefur
farið stækkandi og ferðamönnum far-
ið fjölgandi varð nauðsynlegt að flytja
keppnina um set, og upplagt að færa
keppnina niður í Flóa þar sem er
miklu rólegri umferð á laugardags-
kvöldum að sumri til.“
Hjólreiðakeppnin fer fram næst-
komandi laugardag en mikið verður
um dýrðir á Selfossi þann daginn
enda er þá haldin grill- og tónlist-
arhátíðin Kótelettan. Hópurinn sem
hjólar stystu vegalengdina verður
ræstur kl. 18 en þeir sem fara lengstu
leiðina leggja af stað kl. 19.05 og und-
irstrikar Einar að allir eigi að geta
tekið þátt og haft gaman af keppn-
inni, hvort sem um er að ræða áhuga-
fólk eða afreksfólk í greininni. „Hjóla-
leiðirnar eru mjög skemmtilegar og
mikil náttúrufegurð á svæðinu, og
hefur verið gaman að sjá jákvæð við-
brögð keppenda við breytingunum.“
Þeir yngstu greiða
ekkert gjald
Keppnin hefst í nýja miðbænum á
Selfossi, um það leyti sem viðburðum
dagsins á Kótelettunni er að ljúka.
Áhugasamir geta fylgst með á risa-
skjá en keppnin verður einnig send út
beint á mbl.is. Verðlaunaafhending
fer fram síðar um kvöldið og tónlist-
ardagskrá Kótelettunnar hefst kl. 22
fyrir þá sem vilja dansa og skemmta
sér fram á rauða nótt.
Kia Gullhringurinn er hluti af Vík-
ingamótaröðinni svokölluðu sem
hófst í júníbyrjun með utanvega-
hlaupi við Hengil og lýkur í sept-
ember með hlaupi frá Vífilsstöðum
upp að Helgafelli. Hjólreiðakeppnin
er ekki hluti af keppnisdagskrá Hjól-
reiðasambands Íslands en Einar seg-
ir að engu að síður taki margt öfl-
ugasta hjólreiðafólk landsins þátt í
viðburðinum, bæði til að hafa gaman
af líflegri keppni og fallegri hjólaleið
en líka til að vera unga fólkinu hvatn-
ing og góð fyrirmynd. „Við leggjum
okkar af mörkum til að efla íþróttina
með því t.d. að leyfa yngstu krökk-
unum, þ.e. þeim sem eru á aldrinum
12 til 16 ára, að fara stystu hjólaleið-
ina án keppnisgjalds,“ útskýrir Ein-
ar, en þegar þetta er skrifað hafa hátt
í 500 manns skráð sig til keppni.
Skráningargjaldið er frá 3.900 til
12.900 kr. og fá allir þátttakendur
eigulega medalíu sem má líka nota
sem upptakara. „Við erum lítið hrifin
af einnota dóti og viljum endilega að
þessi litli verðlaunagripur geti orðið
fólki að gagni um langt skeið,“ út-
skýrir Einar.
48
MORGUNBLAÐIÐ FIMMTUDAGUR 8. JÚLÍ 2021
ÁRBORG
Ásgeir Ingvarsson
ai@mbl.is
Sumarið hefur farið vel af stað í Ár-
borg og fjöldi viðburða og hátíða
fram undan. Bragi Bjarnason er
deildarstjóri frístunda- og menning-
ardeildar sveitarfélagsins og segir
hann margt um
að vera á svæð-
inu. „Framan af
sumri ríkti ákveð-
in óvissa varðandi
allt skipulag
vegna ástandsins
en við héldum
áætlun í júní og
þjóðhátíðardag-
urinn gekk von-
um framar. Í kjöl-
farið fór fram
Jónsmessuhátíð á Eyrarbakka sem
heppnaðist líka vel en um er að ræða
skemmtilega íbúahátíð þar sem vel
er tekið á móti gestum. Samsvarandi
hátíð, Bryggjuhátíðin, er haldin á
Stokkseyri í júlí og tækifæri fyrir
heimamenn að skreyta bæinn og
sýna sínar bestu hliðar.“
Af öðrum viðburðum á dagatalinu
nefnir Bragi hjólreiðakeppnina Kia
Gullhringinn sem ræst verður á Sel-
fossi um komandi helgi. Þá verður
grill- og tónlistarhátíðin Kótelettan
haldin um helgina og ljóst að Selfoss
mun iða af lífi. Sumarhátíð tímarits-
ins Sumarhúsið og garðurinn verður
haldin 17. júlí undir yfirskriftinni
„Stefnumót við Múlatorg“ en síðasta
sumar var hátíðin mjög vel sótt og
markaður með handverk, gróð-
urvörur og sælkeravarning vakti
töluverða lukku. „Unglingalandsmót
UMFÍ verður svo haldið á Selfossi
um verslunarmannahelgina en eins
og landsmenn vita er þar um að ræða
einn stærsta íþróttaviðburð ársins.“
Bragi segir viðburðadagatal Ár-
borgar aðeins sýna hluta af blómlegu
menningar- og viðburðastarfi Suður-
lands. Allt frá Hveragerði til Hafnar í
Hornafirði eru alls konar uppákomur
og listviðburðir á dagskrá; tónleikar,
sýningar, vinnustofur og margt
fleira. „Allar byggðirnar á svæðinu
njóta góðs af þessu og skemmtilegur
viðburður á einum stað þýðir að fólk
á leið um hin bæjarfélögin og sveit-
arfélögin líka og hefur þar vonandi
viðdvöl og nýtir sér þá verslun og
þjónustu sem boðið er upp á,“ út-
skýrir Bragi og minnir lesendur á að
missa t.d. ekki af Byggðasafni Árnes-
inga og Sjóminjasafninu á Eyr-
arbakka, Fishersetrinu á Selfossi,
Veiðisafninu á Stokkseyri og Skyr-
safninu sem opnar á Selfossi síðar í
sumar. „Fólk ætti líka að reyna að
heimsækja vinnustofur listamanna
og handverksfólks eins og t.d. lista-
mannasetrið BrimRót í Gimli og Elf-
ar Guðna í Svartakletti á Stokks-
eyri.“
Bregðast við fjölgun íbúa
Greina má mikla tilhlökkun í Ár-
borg þessa dagana því verið er að
leggja lokahönd á nýjan miðbæ á Sel-
fossi. Má reikna með að nýja miðbæj-
arsvæðið muni breyta ásýnd mann-
lífsins í bænum og mynda öflugan
kjarna fyrir veitingastaði og versl-
anir. „Ég vona líka að nýi miðbærinn
verði til þess að fleiri ákveði að
staldra við á Selfossi á leið sinni um
Suðurland, frekar en að láta nægja
að bæta bensíni á tankinn og halda
svo leið sinni rakleiðis áfram,“ segir
Bragi.
Bendir flest til að nýr miðbær muni
gera gott bæjarfélag enn betra og
styðja við þá íbúafjölgun sem orðið
hefur á svæðinu á undanförnum árum.
„Íbúum hefur fjölgað töluvert og
reiknað með 5-7% fjölgun á komandi
árum en fólk sækir mjög í þau lífsgæði
sem finna má á Selfossi, Eyrarbakka,
Stokkseyri og nágrenni,“ segir Bragi
og bætir við að oft sé talað um stærsta
byggðarkjarnann Selfoss sem borg í
sveit. „Hér er að finna alla þá þjón-
ustu sem fólk gæti hugsað sér en á
sama tíma er samfélagið mjög öruggt
og fjölskylduvænt og geta t.d. börnin
farið allra sinna ferða sjálf á reiðhjóli.
Vissulega hafa aukinni ásókn fylgt
ákveðnir vaxtaverkir en sveitarfélagið
hefur brugðist við því með því að reisa
nýjan leikskóla og grunnskóla, og
treysta aðra félagslega þjónstu. Frí-
stundastarfið er eins og best verður á
kosið en nýtt fjölnota íþróttahús verð-
ur tekið í notkun í haust og stækkun
golfvallarins stendur yfir. Síðast en
ekki síst er fasteignaverðið í sveitarfé-
laginu lægra en á höfuðborgarsvæð-
inu en stutt er að aka í bæinn og á
sama tíma hægt að njóta nándarinnar
við náttúruna.“
Fólk sækir í lífsgæðin
- Fram undan er viðburðaríkt sumar í Árborg og margt fyrir gesti að sjá og gera - Íbúum hefur
fjölgað hratt og miklar vonir bundnar við nýjan miðbæ á Selfossi - Gaman að heimsækja vinnustofur
Náttúra Á kajak innan um spaka hesta. Svæðið hentar vel til útivistar. Þol Brúarhlaupið er einn af föstum liðum íþróttadagatalsins.
Bragi
Bjarnason
Árborg góður staður fyrir atvinnurekstur
Bragi segir þeim fyrirtækjum fara fjölgandi sem koma auga á kosti
þess að hafa starfsemi sína í Árborg og nágrannasveitarfélögum.
Svæðið búi að góðum innviðum og mannauði. „Og svo má ekki gleyma
þeim tækifærum sem felast í þeim endurbótum sem gerðar hafa verið
og eru fyrirhugaðar í Þorlákshöfn og heppilegt fyrir ýmiss konar
rekstur að vera mjög nálægt þessari góðu inn- og útflutningshöfn, og
líka í góðu færi við alþjóðaflugvöllinn.“
Landsins stærsti
hjólreiðaviðburður
kominn á nýjan stað
- Keppnin hefst á Selfossi og hægt að fylgjast með beinni
útsendingu á mbl.is - Allir aldurshópar geta tekið þátt
Hraust Frá fyrra móti. Kia Gullhringurinn er hluti af Víkingamótaröðinni.
Afrek Von er á mörgum fremstu
hjólreiðamönnum landsins.
Áfangi Allir þátttakendur fá medalíu. Lengsta keppnisleiðin er 90 km.
Einar
Bárðarson