Heilsuvernd - 01.05.1982, Blaðsíða 5
bólgu, bólgnum eitlum, botnlangabólgu,
bronkítis, með innfallið brjóst o.s.frv.,
og svo auðvitað lystarleysi og matvendni
fram úr hófi. Merkilegt að nokkur skuli
vera hraustur nálægt öllum þessum ó-
sköpum. Svo koma auðvitað nýjar sjúk-
dómatilgátur á hverjum degi. Þær taka
lýsi og járnmeðul og svo sjálfsagt 3-4 teg-
undir af dropum og pillum, og það oft á
dag“.
Ég segi eins og faðir sfulkunn-
ar, ,,bragð er að þá barnið finn-
ur“.
Ég þakka stúlkunni fyrir þetta
ágæta bréf og óska henni góðrar
heilsu um langa og bjarta fram-
tíð.
Ég las með óhug það, sem einn
ágætur læknir skrifar. Hann er í
meðalstóru læknishéraði og segir
svo:
„Teknir 33 botnlangar, þar af 4 úr ut-
anhéraðsfólki. Nær helmingur eða 15
voru teknir i kasti, og voru þar af 3
sprungnir, en 2 með drepi, (annar sjúkl-
ingurinn barn 5 ára). Tveir sjúklingar frá
öðru héraði með sprunginn botnlanga,
og var annar 8 ára drengur; fengu báðir
streptomycin. Langversta tilfellið var þó
4 ára gamall drengur, sem var fluttur um
40 km veg með sprunginn botnlanga inni
á milli smáþarma og mjög mikla líf-
himnubólgu“.
Segir síðan frá því hvernig
tókst að bjarga lífi drengsins
eftir langa og erfiða viðureign.
Gott er að eiga ágæta skurð-
lækna. Þeir væru þó ennþá
snjallari, ef þeir gætu kennt
sveitungum sínum að búa svo að
börnum sínum, að þau fengju
ekki botnlangabólgu.
Ég verð að segja, að illa horfir
fyrir þjóð með slíka innvortis
kvilla tíða. Því að þar sem mikið
er um botnlangabólgu, þar er
jafnframt mikið um magasár,
sem aldrei gróa. Það eru of sein
vinnubrögð að lækna, þegar
sjúklingurinn er kominn í dauð-
ann. Þettá sýnir, hve mikil þörf
er á því, að fólki sé kennt að lifa
þannig, að það þurfi ekki að fá
þessa kvilla. Því allir koma þeir
af vaneldi, röngu fæðuvali,
dauðri og efnasnauðri og lífi
sviptri fæðu, eins og mikið af
aðfluttri fæðu er. Það er hróp-
andi lífsnauðsyn að loka þessum
feigðarbrunni, jafnvel þótt
takast megi að draga börn upp
úr honum með lífsmarki, því að
ekki verða þau öll jafngóð aftur,
og betra er heilt en vel gróið. Og
meðan ekki er tekið fyrir rætur
sjúkdómanna, halda þeir áfram
að koma fram í einhverri mynd.
Heilsuhrunið vex og varir svo
lengi, sem ekki er tekið fyrir or-
sakir þess.
Vísindamenn hafa fundið það
út, að mannslíkaminn endur-
skapast á hverjum 7 árum. Lík-
aminn verður allur nýr. Það
varðar þvi miklu, að efniviður-
inn í hinn nýja likama sé vel og
rétt valinn, ekki siður en vel er
vandað til efnis í hús, sem á að
standa um aldir. Það er sorglegt,
hve erfitt er að fá fólk til þess að
skilja og trúa því, að rétt valin
fæða er sú heilsulind, sem ausa
má úr heilbrigði og hvers konar
lífsorku.
Margföld reynsla er fyrir því,
að dýr, sem farið er vel með, er
gefin rétt fæða og látin hafa
góða aðbúð, verða, jafnvel þótt
villidýr séu, að meinlausum dýr-
um og friðsömum. Þannig verða
rottur, sem eru fremur óeirin
dýr, friðsamar og lifa saman í
eindrægni, ef þær fá rétta fæðu
og að öðru leyti góða aðbúð. En
ef þær búa við vaneldi, verða
þær að árásardýrum og drepa
jafnvel hver aðra.
Ég er á þeirri skoðun, að nátt-
úrleg fæða og rangt til höfð eigi
höfuðsök þess ófriðar, sem
ræður svo miklu í mannlífinu.
Hinn frægi manneldisfræðingur
Sir Robert McCarrison telur
enga lífsnauðsyn svo aðkallandi
sem þá að sjá þjóðunum fyrir
réttri og náttúrlegri fæðu. En til
þess að jörðin framleiði betri,
meiri og hollari fæðu, þarf hún
sjálf rétta næringu. Eins og vitrir
menn breyta hver við annan,
þannig þurfa þeir að breyta við
jörðina, sem gefur oss brauð á
borðið. En menn ræna jörðina í
stað þess að skipta við hana eins
og góðan viðskiptavin. Með
þessu svíkjum vér sjálfa oss.
Niðurstaða vors lærðasta sál-
arfræðings, sem nú er nýlátinn,
var sú, að menn fæðast óvitar og
deyja eivitar. Ég efast ekki um,
að þetta er rétt. Vottur þess er
hin mikla útbreiðsla hrörnunar-
sjúkdómanna.
Án réttrar næringar geta
frumur líkamans ekki innt af
höndum fullt starf, andlegt né
líkamlegt. En sé fæðan rétt val-
in, verður starfið gott og vænlegt
til vaxandi heilbrigði og þroska.
ÁSKRIFT
Vill gerast áskrif-
andi Heilsuverndar.
Nafn
Heimilisf.
HEILSUVERND 3