Heilsuvernd - 01.05.1982, Blaðsíða 22

Austurlenskar
alþýðulækningar
Þorgerður Hermannsdóttir
Fyrir um það bil 11 árum,
heyrði ég um eitthvert fæði, sem
byggðist aðallega á kornmat og
grænmeti. Þetta þótti mér eins
og hver önnur fjarstæða að ætla
sér að lifa á svo einhæfum mat
og hugsaði sem svo „Aumingja
fólkið sem lætur glepjast og fer
að lifa eftir þessu, það á allt eftir
að þjást af næringarskorti, því-
lík fáfræði”.
En maður á aldrei að dæma
svona, því í dag lifi ég á þessu
sama fæði og hef gert í rúmt ár
og aldrei liðið betur, losnaði við
alla smákvilla að ég tali nú ekki
um öll aukakílóin sem ég hafði
safnað á mig.
Það að breyta um mataræði
hvarflaði fyrst að mér fyrir u.þ.
b. 2 árum síðan. Ég þjáðist alltaf
af blóðleysi og ýmsum smákvill-
um, ég hugsaði um þetta fram og
aftur og gat ekki fundið út
hvernig ég ætti að byrja og
ákvað því að leita mér upplýs-
inga um þetta efni og sótti um
skólavist við The Michio Kushsi
Institute of London og hef verið
þar við nám síðastliðin 2 sumur.
Þarna fer fram kennsla í breytt-
um lifnaðarháttum og er kennt
við skólann allt árið um kring. Á
sumrin er hægt að sækja þarna 5
vikna námskeið þar sem náms-
efninu er þjappað saman og
kennt frá morgni til kvölds og er
þetta gert til þess að nemendur
geti nýtt sumarfríin til þess að
sækja skólann.
Á veturnar aftur á móti er
hægt að stunda skólann með
annarri vinnu, því þá er kennt á
kvöldin og um helgar.
Námið er í 3 hlutum og tók ég
1. hlutann í fyrrasumar og annan
hlutann núna í sumar. Þriðja
hlutann er svo hægt að taka á
hverju ári frá 15. sept. - 15. des.
og vonast ég til að geta tekið
þann hluta næsta ár.
í hugtakinu Austurlenskar al-
þýðulækningar felst svo ótal
margt, ekki eingöngu mataræði
heldur og heilsusamlegra líferni í
alla staði og tengsl við náttúr-
una, sem hefur rofnað hjá svo
mörgum, sem þurfa að strita alla
daga til að framfleyta sér og fjöl-
skyldum sínum.
Sá sem útbreyddi þessa kenn-
ingu um Evrópu var japaninn
Nysiti Sakurazawa (Georges Oh-
sawa), en hann var sem ungur
maður með berkla og magasár
og það mikið veikur að ekki var
hægt að hjálpa honum. Hann
sætti sig ekki við orðinn hlut og
fór að grafa upp gamlar lækn-
ingaaðferðir og tókst á þann hátt
að lækna sjálfan sig.
Hann uppgötvaði þarna gamla
heimspeki þar sem öllu er skipt
upp í tvö andstæð öfl, en sem þó
vinna alltaf saman, þessi öfl
voru kölluð Yin og Yang. Eins
mætti kalla þau + og - póla. Við
skynjum þessi öfl alls staðar eins
og muninn á hita og kulda, mun-
inn á að vera svangur eða sadd-
ur, muninn á birtu og dimmu,
sumt líkar okkur betur eins og að
vera södd og hafa heitt hjá okk-
ur. Yang aflið er það afl sem
þéttir eða herpir saman en Yin
aflið er það afl sem útvíkkar og
streymir upp.
Til að útskýra þetta betur get-
um við tekið sem dæmi gulrót,
en gulrótin er bæði rótar og lauf-
grænmeti, rótin vex niður í jörð-
ina fyrir áhrif himinhvolfsins em
ýtir niður og er því Yang, en
blöðin vaxa upp úr jörðinni fyrir
verkan jarðarinnar sem ýtir upp
og er því Yin aflið.
Allt í kringum okkur og við
sjálf erum mynduð fyrir áhrif
þessara tveggja afla og séu þau í
réttum hlutföllum í matnum er
allt i lagi með líkamann. í Aust-
urlenskum alþýðulækningum er
líkamanum skipt upp í Yang líf-
færi og Yin liffæri, Yin líffærin
eru holari og fyrirferðarmeiri,
Yang líffærin eru þéttari. Eins er
þar haldið fram að ekkert líffæri
standi eitt það er alltaf tengt
andstæðu liffæri, þannig að það
er talað um líffærin sem pör.
Þessa flokkun á líffærum er
fyrst að finna i bókinni Yellow
Emperors classic and Internal
medicin eða Nei-Ching, ein af
elstu lækningabókum og er
nokkur þúsund ára gömul.
Líffærin eru flokkuð þannig
niður:
Yang líffœri (þétt)
Lungu
Hjarta
Nýru
Milta og bris
Lifur
Yin líffæri (hol og þenjanleg)
Ristill
Smáþarmar
Blaðra
Magi
Gallblaðra.
20 HEILSUVERND