Fréttablaðið - 09.12.2021, Qupperneq 2

benediktboas@frettabladid.is
COVID-19 Innanlandssmit af völd-
um Omíkron-afbrigðisins tengjast
enn sem komið er einungis smiti frá
Nígeríu. Í gær höfðu alls 20 manns
greinst hér á landi með Omíkron-
af brigði kórónaveirunnar. Þessi
smit tengjast ferðum frá útlöndum,
Nígeríu, Danmörku, Írlandi og
Þýskalandi.
Þórólfur Guðnason sóttvarna-
læknir segir að af þessum 20 séu
18 fullbólusettir með tveimur
skömmtum og tveir höfðu fengið
örvunarskammt. Enginn er alvar-
lega veikur enn sem komið er. Alls
greindust 120 einstaklingar með
Covid-19 innanlands í fyrradag.
Rúmlega helmingur þeirra var utan
sóttkvíar. Áfram voru fimm á gjör-
gæslu. n
Það hefur gengið illa
að manna leikskólana,
en gengið vel að
manna hlýju skrif-
stofustólana í yfirbygg-
ingunni.
Hildur Björnsdóttir, borgarfull-
trúi Sjálfstæðisflokksins
Ég veit ekkert hver ber
tjónið, eða hversu
miklar skemmdirnar
eru.
Ásthildur Edda Ágústsdóttir, íbúi
á Stokkseyri
Angela Merkel stígur af sviðinu eftir sextán ár í embætti Þýskalandskanslara
Vatn fraus í lögnum á nokkr-
um heimilum í Árborg eftir að
vatn var tekið af svæðinu. Ein-
stæð móðir á Stokkseyri ótt-
ast alvarlegar skemmdir. Hún
heldur hita á páfagaukunum
sínum með hitablásara.
ninarichter@frettabladid.is
SUÐURLAND Vatn fraus í lögnum á
nokkrum heimilum í Árborg, eftir
að vatn var tekið af öllu svæðinu á
mánudagsmorgun. Kuldi er í húsum
og börn voru send heim úr skólum á
mánudeginum vegna kulda í skóla-
húsnæði.
Einstæð móðir á Stokkseyri sem
greiddi tæpa hálfa milljón vegna
lagnatjóns fyrir tveimur árum, ótt-
ast að alvarlegar skemmdir komi í
ljós á næstu dögum.
Ásthildur Edda Ágústsdóttir
býr með tveimur dætrum sínum á
Stokkseyri. Hún segir allar lagnir
hafa frosið á heimili hennar á mánu-
dag, en starfsfólk frá Selfossveitum
tengdi fram hjá lögnunum seinna
um kvöldið, til þess að ná hita í
ofnana.
„Svo þarf ég að fá einhvern til
að tengja þetta aftur,“ segir hún.
„Ég veit ekkert hver ber tjónið, eða
hversu miklar skemmdirnar eru. Ég
átti ekki von á þessu,“ segir Ásthild-
ur Edda og bætir við að á tímabili
hafi 17 gráðu kuldi verið í húsinu.
Ásthildur Edda segist vita til þess
að f leiri nágrannar hennar séu í
sömu sporum og í biðstöðu eftir því
að frostinu sleppi til þess að hægt sé
að meta tjón.
„Það eru rosalega margir ósáttir
hérna, það er alltaf verið að fikta í
lögninni,“ segir hún.
Fyrir tveimur árum lenti Ást-
hildur Edda í lagnatjóni upp á hálfa
milljón, en endaði með að sitja uppi
með kostnað upp á 450 þúsund
krónur.
„Ég hef verið skíthrædd um að ef
eitthvað kemur upp á þá endurtaki
það sig.“
Á heimilinu eru gæludýr sem þola
kuldann illa. „Ég er með tvo Ama-
zon-fugla og ég hef haldið á þeim
hita með rafmagnshitablásara. Ég
veit ekki hver rafmagnskostnaður-
inn verður eftir þetta,“ segir hún.
Ásthildur segist vera í biðstöðu
eftir betra veðri, en ekkert hafi
heyrst frá Árborg varðandi úrræði
eða lausnir.
Sigurður Þór Haraldsson, veitu-
stjóri hjá Árborg, segir að skortur
á upplýsingagjöf af hálfu Selfos-
sveitna í þessu tilfelli mætti rekja til
bilunar í SMS-kerfi sem alla jafna er
notast við. „Við höfum sent út sms
á alla íbúa sem verða fyrir röskun,
en því miður kom upp bilun í SMS-
kerfinu í gær þegar við ætluðum að
senda það út, þannig að við urðum
að láta duga að auglýsa þetta.“
Hann segir málið vera afleiðingu af
þekktri bilun í stofnlögn.
Drífa Pálín Geirsdóttir, íbúi á
Eyrarbakka, segir ástandið í hita-
veitumálum á svæðinu óboðlegt.
„Krakkarnir eru sendir heim af því
að það er of kalt og við vorum ekki
látin vita af þessu til að geta slökkt
á neinu hjá okkur,“ segir hún. „Mér
skildist á píparanum að leiðslurnar
hingað niður eftir væru eins og gata-
sigti.“ n
Einstæð móðir í Árborg
óttast alvarlegar skemmdir
Ásthildur Edda með Amazon-fuglana tvo, sem þola kuldann á heimilinu illa.
FRÉTTABLAÐIÐ/ARNAR
arib@frettabladid.is
REYKJAVÍK Hildur Björnsdóttir,
borgarfulltrúi Sjálfstæðisf lokks-
ins, býður sig fram í oddvitasæti
flokksins fyrir borgarstjórnarkosn-
ingarnar næsta vor. Búist er við því
að Sjálfstæðisflokkurinn haldi próf-
kjör í febrúar.
„Ég trúi því að með réttum
áherslum og sigurstranglegum og
samheldnum lista getum við komið
Sjálfstæðisf lokknum í meirihluta
næsta vor,“ segir hún.
„Það eru mörg verkefni sem bíða
hjá Reykjavíkurborg. Fjárhagurinn
stendur afar illa, samgönguvandinn
fer vaxandi og biðlistar á leikskóla
eru ekki að styttast.“
Hildur segir að búast megi við
nokkrum áherslubreytingum taki
hún við. „Sjálfstæðisflokkurinn færi
meira í átt að framtíðinni, ég legg
áherslu á að við horfum til þróunar
í borgum allt í kringum okkur, auð-
vitað þarf Reykjavík að taka þátt í
þeirri þróun ef hún ætlar að stan-
dast samkeppni við erlendar borgir
um ungt hæfileikafólkið okkar,“
segir hún.
Þá vill hún draga saman seglin í
stjórnkerfinu. „Á fjórum árumhefur
starfsmönnum borgarinnar fjölgað
um 20 prósent á meðan íbúum
hefur fjölgað um átta prósent. Þetta
er ósjálfbær þróun og þessu þarf að
vinda ofan af. Við þurfum að ein-
beita okkur að þjónustu við fólkið.
Það hefur gengið illa að manna leik-
skólana, en gengið vel að manna
hlýju skrifstofustólana í yfirbygg-
ingunni.“ n
Hildur býður sig
fram gegn Eyþóri
Eyþór Arnalds og Hildur Björnsdóttir.
Sextán ára valdatíð Angelu Merkel sem Þýskalandskanslara lauk í gær og tók Olaf Scholz við embættinu við hátíðlega athöfn. Merkel var fyrsta konan til
að gegna embættinu og er þriðji þaulsetnasti kanslari í sögu landsins á eftir Helmut Kohl og Otto von Bismarck. Hún varð á 31 árs ferli sínum í stjórnmálum
helsti leiðtogi Evrópu og fór fyrir fjölmennasta landi Evrópusambandsins og umfangsmesta efnahag þess. Merkel átti miklum vinsældum að fagna bæði
innan lands og utan og þótti takast á við áskoranir og erfiðleika af mikilli yfirvegun á löngum ferli. FRÉTTABLAÐIÐ/EPA
Enginn alvarlega
veikur af Covid
2 Fréttir 9. desember 2021 FIMMTUDAGURFRÉTTABLAÐIÐ