Strandapósturinn - 01.06.1972, Blaðsíða 32

Brynjólfur Sœmundsson:
Strandaannáll 1971
Tíðarfar:
í janúar og febrúar var stöðug vetrarveðrátta. Bætti þá á
töluverðum snjó. Frost voru allmikil. Eftir að kom fram í marz
tók tíðarfar heldur að mildast. Norðanátt var þó ríkjandi mik-
inn hluta mánaðarins. I aprílmánuði tók snjó mikið upp og
síðustu dagar mánaðarins voru mjög hlýir. Þessi hlýindi héldust
síðan út maímánuð að undanteknu einu hreti sem gerði seint
í mánuðinum, en gerði lítinn skaða. Gróðri fór því nokkuð fram
og tíðarfar var hagstæðara um sauðburð en verið hafði um mörg
undanfarin ár, þar sem heita mátti að ám væri hægt að sleppa
af húsi jafnóðum og lömbin voru komin vel á legg.
Jarðklaki var nú lítill, gagnstastt því sem verið hafði síðustu
árin og þornaði því jörð snemma. Júnímánuður var sæmilega hlýr
og fór gróðri þá töluvert fram. Þó gerði norðangarð í nokkra
daga síðaii hluta mánaðarins.
I júlímánuði voru veður góð og nokkrir dagar mjög hlýir.
Sláttur gat þó ekki hafist fyrr en síðustu viku mánaðarins. Hey-
skapartíð var allgóð í ágústmánuði. Ekki náðist þó verulega góð-
ur heyskapur þar sem tún voru ennþá stórskemmd eftir mörg
undanfarin kalár. í september var sumarveðrátta fram yfir miðj-
an mánuð, en þá fóru að koma næturfrost. Kartöfluuppskera
varð allgóð. Haustveðrátta var hagstæð fram til 10. október,
en þá gerði hríðarveður. Tók þann snjó ekki upp fyrr en í októ-
berlok. Eftir það gerði umhleypingatíð sem hélzt árið út. Veður
voru vætusöm, oft snjóaði en tók upp aftur. Nokkrir mjög hlýir
dagar komu í nóvember. Eftir því sem leið á desember þyngdx
á með snjóa og var víða orðið haglaust fyrir allar skepnur um
30