Strandapósturinn - 01.06.1991, Blaðsíða 124

bátsferðir fyrirsjáanlegar fyrir páska. Lagnaðarís var á ísafirði,
var nú ekki um annað að gera en ganga út með Isafjarðardjúpi að
vestanverðu. Er það löng leið og firðir margir. Vorum við allir á
Arngerðareyri um nóttina. Um morguninn var komið dimmvirði
með snjóéljum. Fórum við tímanlega af stað og gengum ís yfir að
Svansvík. Þetta kvöld komumst við út í Ögur, skiptum við okkur á
bæi þar í kring. Við Andrés gistum á kotbæ stutta bæjarleið frá
Ögri. Húsbóndinn var ekki heima, en þar réðu húsum tvær
mæðgur. Var okkur þar vel tekið og gistum þar í góðu yfirlæti um
nóttina. Þessar mæðgur gáfu mér úlnliðaskjól úr tóuskinni, voru
þeir bæði mjúkir og hlýir. Man ég hvað mér þótti vænt um þessa
gjöf því kuldi sótti á kalið þegar kalt var veður.
Næsta dag komumst við að Hvítanesi og var ætlun okkar að
skipta okkur á næstu bæi fyrir vestan. f Hvítanesi bjó þá prestur er
Vernharður hét. Bauð hann okkur öllurn gistingu hjá sér um
nóttina. Þótti okkur slíkt stórmannlega boðið og þáðum við það
fegins hugar. Vorum við svo þar um nóttina í besta yfirlæti. A
páskadagsmorgun er við höfðum drukkið kaffi með nógu brauði,
bauð prestur okkur að vera við húslestur hjá sér. Þáðum við það
fúslega. Að afloknum lestri bað prestur okkur að staldra við. Var
þá borin á borð fyrir okkur ágæt máltíð. Ekki vildi prestur selja
okkur gistinguna. Á páskadaginn komumst við út í Álftaijörð og
skiptum okkur þar á bæina. Morguninn eftir fengum við flutning
yfir þörðinn, yfir að Súðavík. Héldurn svo áfram út hlíðina og
komum í Arnardal að aflíðandi nóni annan dag páska. Þar var
mín ferð á enda. Hinir héldu áfram inn hlíðina og fengu flutning
af naustunum yfir á Isaijörð.
Þá er þessi ferðasaga á enda. Af henni er auðvelt að gera sér í
hugarlund erfiðleika þá er menn áttu við að stríða. Þá var á ekkert
að treysta nema á eigin fætur og eigið þrek til ferðalaga á veturna.
Nú mundu fáir leggja á sig það erfiði að fara fótgangandi vestur
yfir Steingrímsfjarðarheiði og ganga fyrir vestan ísaíjarðardjúp
og krækja fyrir flesta firði er á leiðinni væru. Við vorum á fimmta
dag þessa leið fyrir rúmum 50 árum, en nú fara flugvélar þessa
sömu leið á nokkrum mínútum.
122