Strandapósturinn - 01.06.1998, Blaðsíða 20

að ferðast um Skotland án þess að skoða eins og eina Whisky
verksmiðju og því var ákveðið að hópurinn kynnti sér eina slíka.
Fyrir valinu varð verksmiðja sem stofnuð var 1825 og er minnsta
verksmiðjan í Skotlandi, en þar starfa aðeins þrír menn. Verk-
smiðjan heitir Edrador og framleiðir „single“ malt whisky, sem
ber sama nafn. Verksmiðjan er minnsta eining sem lögleg er án
þess að flokkast undir heimabrugg, sem er ólögleg starfsemi í
Skotlandi. Að kvöldi komum við í lítinn bæ sem nefnist Avimore
og gistum þar.
Að morgni áttunda dags héldum við ferð okkar áfram norður
og að þessu sinni var haldið til bæjarins Inverness þar sem hóp-
urinn dreifðist og fékk sér hádegisverð á ýmsum veidngastöð-
um. Afram var haldið og nú lá leiðin til hins fræga Loch Ness
vatns til að aðgæta hvort ekki bæri á skrímslinu fræga. Ekkert
skrímsli sást en sumir fengu þó sárabót við að skoða myndir af
skrímslinu og kaupa minjagripi, sem þarna eru til í ótrúlegu úr-
vali. Það kom reyndar ekki rnikið að sök að Loch Ness skrímslið
væri ekki viðlátið, því fegurð staðarins er slík að fátt annað
kemst að meðan dvalið er við vatnið og ekið þar um. Næsti við-
komustaður var Loch Lomond þar sem stoppað var til að liðka
lúin bein og litast smávegis um. Að því loknu lá leiðin um
skosku hálöndin tíl New Lanark, sem var næsti viðkomustaður.
A leiðinni var ekið eftir Glenchoe dalnum, sem er sögufrægur
dalur sem margir Skotar segja að geymi svartasta blettinn í sögu
þeirra. í dalnum áttu ættingjar Mc Donald og Campbell eitt sinn
í útistöðum, sem leiddu til þess að fólk Campbells réðst á fólk
Mc Donalds að nóttu til og drap alla sem þeir náðu til, en sum-
ir náðu að flýja til fjalla. í dalnum var sagan rifjuð upp og víst er
að hún hafði töluverð áhrif á mörg okkar. Landslag skosku há-
landanna er stórbrotið og fallegt, en það kom þó nokkuð á
óvart að fjöllin eru ekki eins há og hrikaleg og margir höfðu
áður gert sér í hugarlund. Til gamans má geta að hæstu fjöllin
eru ekki nema um 400 rnetrar yfir sjávarmáli. Um kvöldið var
komið til New Lanark þar sem hópurinn gisti á mjög góðu far-
fuglaheimili og var okkur tekið af einstakri gestrisni og velvild.
Þarna var gist í tvær nætur og starfsfólkið gerði allt til að gera
dvölina sem eftirminnilegasta - og tókst það með miklum sóma.
18