Strandapósturinn - 01.06.1998, Blaðsíða 58

Á bakaleiðinni gisti hann aftur á Skjaldfönn og fór yfir að
Hraundal til að skoða jörðina. Mikil snjór var yfir öllu en þekj-
an stóð þó upp úr. Bærinn var ekki stór eða reisulegur, þó
kannski ekki mikið verri en gengur og gerist á þeim tíma. Þarna
er afráðið að Pétur taki jörðina á leigu frá næstu fardögum. Eig-
andi Hraundals var Jón Jónsson, bóndi í Tröllatungu í Stranda-
sýslu, en svo virðist að hann hafi haft umboðsmann, Sigurð
Þórðarson kaupfélagsstjóra á Laugabóli. Pétur hélt sömu leið til
haka, og nú varð ekki aftur snúið, teningunum var kastað.
Heim kominn hefur Pétur farið að undirbúa búferlaflutning-
anna í Hraundal um næstu fardaga, þótt ekki væru mikil efni. Ef
til vill hefur hann farið með síðustu viðarflutningalestinni frá
Dröngum, en hún mun hafa verið farinn 1915 og var þá farið
upp Meyjardalinn og yfir jökulinn.
Hraundalur liggur suðaustur úr Skjaldfannadal og skerst inn
í Vestfjarðahálendið þannig að leiðin til Ofeigsfjarðar um
Ofeigsfjarðarheiði er allt að því hálfnuð þegar dalnum sleppir.
Heiðin var ein aðalleiðin milli Stranda og Djúps og oft mjög fjöl-
farin, þar sem Strandamenn sóttu verslun og aðra þjónustu ekki
síður vestur að Djúpi en í aðra verslunarstaði.
Að norðanverðu er Laugalandsfjall sem skilur að Hraundal-
inn og Skjaldfannadal, til suðurs er Hamarsfjall og suðvesturs
Hraundalsháls. Eftir dalnum fellur Hraundalsá, bergvatnsá sem
á upptök sín austur á Ofeigsfjarðarheiði. Næsti bær til vesturs er
Laugaland, um 5 km yfir holt og mýrarfláka að fara, en til norð-
urs er svo Skjaldfönn, sem löngum var stórbýli. Skjaldfönn
stendur í Skjaldfannadal en eftir honum rennur Selá, eitt mesta
vatnsfall á Vestfjörðum. Selá er jökulfljót, sem nærist af breiðum
jökulbungum Drangajökuls, og veltur skamma leið til sjávar kol-
mórauð og ill yfirferðar. Niður við sjóinn er Ármúli norðanverð-
ur við Selá. Þar sat Sigvaldi Kaldalóns, læknir og tónskáld, sem
frægt er orðið. Innar og norður af Ármúla er Kaldalón, sem Sig-
valdi kenndi sig við.
Kaldalón er um 4 km langur fjörður, með sléttum engjum og
óshólmum fram að jökulgarði sem sker dalinn þvert yfir og eft-
ir honum fellur Mórilla sem ber nafn með rentu. Hlíðarnar
beggja vegna eru grasi og kjarri grónar þótt snjóar liggi þar í
56