Syrpa - 01.02.1947, Blaðsíða 26

vevma

Meiri hluti íslendinga eru konur. Nú hefir kom-
ið upp mikil hreyfing meðal þeirra um það, að
sætta sig ekki lengur við áfengisbölið. Þær vilja
ekki, að ríkið reki áfengisverzlun og ætla sér að
binda endi á hana. Samtök þeirra eru þegar orðin
mjög öflug, og eiga áreiðanlega eftir að styrkjast
enn betur. Ef þau taka höndum saman við hin
miklu bindindisöfl, sem fyrir eru í landinu, hlýtur
að vera hægt að ná takmarkinu á fáum árum.
„Syrpa“ óskar samtökunum sigurs. Hún mun
ætíð hafa rúm fyrir það, sem þau vilja gera heyr-
um kunnugt.
Hér birtist nú orðsending frá hinni nýstofnuðu
Áfengisvarnarnefnd kvenfélaga í Reykjavík og
Hafnarfirði.
f aprílmánuði síðastliðnum gengust flest kvenfélög í
Reykjavík fyrir fundahöldum til þess að mótmæla hinni
hóflausu áfengisneyzlu landsmanna. Var samþykkt að vinna
að því að koma á samtökum kvenna um allt land til að
hrinda þessu böli. Undirbúningurinn var falinn fram-
kvæmdarnefnd, sem starfaði fram á síðastliðið haust. Sendi
hún öllum kvenfélögum utan Reykjavíkur og Hafnarfjarðar
fyrirspurn um vilja kvenna til þátttöku, og hafa þegar bor-
izt undirskriftir meira en sjö þúsund kvenna hvarvetna af
landinu, sem tjá sig fúsar til að leggja málinu allt það lið,
sem þeim sé unnt Miklu fleiri nöfn eru væntanleg, því í
strjálbýli er undirskriftasöfnun erfið að sumri til, þegar
fundahöld eru engin.
Nefndin skrifaði jafnframt öllum kvenfélögum í Reykja-
vík og Hafnarfirði og óskaði eftir að þau skipuðu fulltrúa
til starfsins. í byrjun desembermánaðar boðaði hún fulltrú-
ana til fundar, og var þá einróma samþykkt að mynda form-
leg samtök um málið. Lög voru samþykkt og samtökunum
gefið nafnið „Áfengisvarnarnefnd kvenfélaga í Reykjavik og
Hafnarfirði". Þessi félög stóðu að stofnuninni:
f REYKJAVÍK: Kvenfélag Alþýðuflokksins. Sjálfstæðis-
kvennafélagið „Hvöt“. Kvenfélag Sósialistaflokksins. Kven-
félag Framsóknarflokksins. Kveméttindafélag íslands. Hús-
mæðrafélag Reykjavíkur. Félag islenzkra hjúkrunarkvenna.
fþróttafélag kvenna. Ljósmæðrafélag íslands. Verkakvenna-
félagið „Framsókn". Þvottakvennafélagið „Freyja". Mæðra-
félagið. Hvitabandið. Félag afgreiðslustúlkna í brauðbúðum.
Thorvaldsensfélagið. Kvenfélagið „Keðjan“. Systrafélagið
„Alfa“. Trúboðsfélag kvenna. Kvenfélag Hallgrímskirkju.
Kvenfélag Laugarnessóknar. Kvenfélag Fríkirkjusafnaðarins.
Kristilegt félag ungra kvenna.
í HAFNARFIRÐI: Kvenfélag Fríkirkjusafnaðarins. Kven-
félagið „Hringurinn". Húsmæðraskólafélag Hafnarfjarðar.
Sjálfstæðiskvennafélagið „Vorboðinn". Kvenfélag Alþýðu-
flokksins. Verkakvennafélagið „Framsókn".
Fundurinn kaus nefndinni sjö kvenna stjórn og fól henni
allar framkvæmdir. Hefir stjórnin ritað öllum kvenfélög-
um landsins og hvatt þau til að taka höndum saman á
svipaðan hátt og hér hefir verið gert. Jafnframt reyndi hún
að fá allar tillögur og áskoranir stofnfundarins birtar í heild
í útvarpi og dagblöðum, en það hefir því miður gengið
mjög treglega. Þótt nokkuð sé um liðið, verða þær því látn-
ar koma hér fyrir sjónar almennings:
Til Alþingis.
Áfengisnarnarnefnd kvenfélaga í Reykjavik og Hafnar-
firði leyfir sér hér með að bera fram þá kröfu íslenzkra
kvenna, að Alþingi geri allt, sem í valdi þess stendur, til að
stemma stigu fyrir áfengisböli þjóðarinnar.
Nefndin telur það grundvallarskilyrði fyrir úrbótum
þessa vandamáls, að rikið hætti að afla sér fjár með áfengis-
sölu. Leyfir hún sér því að skora á Alþing það, er nú situr,
að leita annarra leiða til fjáröflunar, og að gera ráðstafan-
ir til að leggja áfengisverzlun ríkisins niður eins fljótt og
unnt verður.
Jafnframt vill nefndin leggja eindregið til
að Alþingi samþykki þingsályktunartillögu Skúla Guðmunds-
sonar, þess efnis, að rikið hætti að veita áfengi í veizl-
um sinum, og
að settar verði strangar hömlur við því, að starfsmenn rik-
isins, og þá fyrst og fremst kennarar, vinni störf sin und-
ir áhrifum áfengis.
Til ríkisstjórnar íslands.
Áfengisvarnarnefnd kvenfélaga í Reykjavik og Hafnar-
firði leyfir sér hér með að skora á háttvirta ríkisstjórn Is-
lands:
að fella niður vínveitingarlefi Hótel Rorgar um næstu
áramót, að hætta með öllu að láta einstaklingum eða fé-
lögum í té svokallaðar undanþáguheimildir til vínveit-
inga og að veita ekki áfenga drykki í opinberum
veizlum.
Til menntamálaráðherra Islands.
Áfengisvarnarnefnd kvenfélaga i Reykjavik og Hafnar-
firði skorar hér með á yður, herra menntamálaráðherra, að
gera gangskör að því að útrýma áfengi úr framhaldsskól-
um landsins. Islenzkar mæður sætta sig ekki lengur við að
þurfa að eiga á hættu, þegar þær senda börn sín í skóla, að
þau læri þar drykkjuskap.
Nefndin gerir því þá kröfu
1. að hverjum kennara, sem er undir áhrifum áfengis i ná-
vist nemenda sinna, eða vanrækir kennslu vegna of-
drykkju, sé tafarlaust vikið úr stöðu, og
2. að nemendum allra skóla sé gert að skyldu algert áfengis-
bindandi, enda varði ítrekað brot brottrekstri.
Til bæjarstjórnar Reykjavíkur.
Áfengisvamarnefnd kvenfélaga í Reykjavík og Hafnar-
firði skorar hér með á háttvirta bæjarstjóm Reykjavíkur
að láta áfengisvandamál bæjarbúa ekki lengur reka á reið-
anum.
16
S Y R P A