Morgunblaðið - 02.09.2021, Blaðsíða 55

MEISTARADEILDIN
Gunnar Egill Daníelsson
gunnaregill@mbl.is
Króatíumeistarar Osijek og Breiða-
blik skildu jöfn, 1:1, í Osijek í Króatíu
í fyrri leik liðanna í annarri umferð
Meistaradeildar Evrópu í knatt-
spyrnu kvenna í gær. Blikar léku vel
stærstan hluta leiksins og hefðu hæg-
lega getað skorað fleiri mörk.
Í fyrri hálfleik réðu Blikar lögum
og lofum og komust verðskuldað yfir
á 24. mínútu með marki Selmu Sólar
Magnúsdóttur. Aðeins sjö mínútum
síðar, þvert gegn gangi leiksins, jöfn-
uðu þær króatísku hins vegar metin
með sínu eina skoti í hálfleiknum.
Mörkin voru keimlík; stungusend-
ingar í gegnum varnirnar sem end-
uðu með snyrtilegum innanfót-
arafgreiðslum í fjærhornið.
Í síðari hálfleiknum komu heima-
konur í Osijek sér betur inn í leikinn
um skeið og fengu nokkur prýðisfæri.
Þau fengu Blikar þó sömuleiðis og
voru með undirtökin í hálfleiknum ef
undan er skilinn stundarfjórðungs
kafli þar sem Osijek sýndi að það er
ýmislegt spunnið í liðið.
Af leik gærdagsins að dæma er
Breiðablik sterkara liðið af þessum
tveimur en það er þó aldrei á vísan að
róa í knattspyrnu og þar sem staðan
er jöfn fyrir síðari leikinn á Kópa-
vogsvelli eftir slétta viku getur ein-
vígið farið á hvorn veginn sem er.
Þrátt fyrir að gæðin séu meiri Blika-
megin eru nokkrir færir sókn-
arþenkjandi leikmenn í röðum Osij-
ek, auk þess sem liðið er vel skipulagt
varnarlega.
Stíga upp í fjarveru Áslaugar
Því þurfa Blikar að gæta þess að
sofna ekki á verðinum en sýni Blikar
sitt rétta andlit, sem þær gerðu á
löngum stundum í gær, ættu þær þó
að hafa sigur í næstu viku. Liðið
saknar vitanlega vængmannsins Ás-
laugar Mundu Gunnlaugsdóttur, sem
er haldin til náms við Harvard-
háskóla í Bandaríkjunum og verður
því ekki meira með liðinu á tímabilinu.
Þá var miðjumaðurinn Chloé Vande
Velde einnig fjarverandi í gær. Miðju-
maðurinn Selma Sól lék því á hægri
vængnum og Hildur Antonsdóttir,
sem lagði upp markið, byrjaði á miðj-
unni og stóðu þær sig báðar afar vel.
Mikið hefur mætt á Öglu Maríu Al-
bertsdóttur á tímabilinu og færist
aukin ábyrgð á herðar hennar með
fjarveru Áslaugar Mundu, en þær
hafa borið sóknarleik Blika á herðum
sér á löngum stundum í sumar. Ekki
er þó annað að sjá en að Agla María
taki aukinni ábyrgð fegins hendi enda
var hún afar skæð í gær er hún olli
varnarmönnum Osijek vandræðum í
sífellu.
Þrátt fyrir að liðið hafi ekki náð að
krækja í dýrmætan útisigur er vega-
nestið gott fyrir síðari leikinn. Með
sigri þar kæmist Breiðablik í nýja
riðlakeppni Meistaradeildarinnar
sem myndi þýða að leikir við mörg af
sterkustu liðum Evrópu biðu liðsins
undir lok þessa árs, auk þess sem gíf-
urlegir fjármunir yrðu um leið
tryggðir.
Morgunblaðið/Árni Sæberg
Mark Selma Sól Magnúsdóttir og Hildur Antonsdóttir fagna í sumar en þær
voru báðar í byrjunarliði Blika í Króatíu og Selma skoraði mark Blika.
Einum sigri frá riðlakeppninni
- Blikar gerðu jafntefli í Króatíu - Allt undir á Kópavogsvelli í næstu viku
HM 2022
Bjarni Heglason
bjarnih@mbl.is
Íslenska karlalandsliðið í knatt-
spyrnu verður án margra lykilmanna
þegar liðið mætir Rúmeníu í J-riðli
undankeppni HM 2022 á Laugardals-
velli í kvöld.
Ísland er í fimmta og næstneðsta
sæti J-riðils undankeppninnar með 3
stig, líkt og Rúmenar sem eru í fjórða
sætinu, en liðin mættust í undan-
úrslitum umspils um laust sæti á EM
2021 á Laugardalsvelli í október á síð-
asta ári þar sem íslenska liðið vann
2:1-sigur.
Gylfi Þór Sigurðsson skoraði bæði
mörk íslenska liðsins í leiknum en
hann er ekki í leikmannahóp Íslands
að þessu sinni eftir að hann var hand-
tekinn á Bretlandseyjum í júlí, grun-
aður um brot gegn ólögráða ein-
staklingi.
„Þeir hafa breytt aðeins um leikstíl
frá því við mættum þeim síðast,“
sagði Arnar Þór Viðarsson, þjálfari
íslenska liðsins, á blaðamannafundi í
höfuðstöðvum KSÍ í Laugardalnum í
gær.
„Þeir voru með aðra leikáætlun þá
en eins og allar knattspyrnuþjóðir
eru þeir með sín sérkenni. Við vitum í
hverju þeir eru góðir og hvernig við
viljum sækja á þá. Þeir eru teknískir
og góðir með boltann. Þeirra lið er
ekki ósvipað og þegar við mættum
þeim í síðustu keppni en margir
þeirra leikmanna eru að komast á
besta aldur knattspyrnumanna.
Rúmenar hafa staðið sig vel í að
byggja upp sitt lið,“ sagði Arnar.
Rúmenar sitja sem stendur í 45.
sæti styrkleikalista FIFA en íslenska
liðið er í 53. sæti. Rúmenar voru í 34.
sæti listans þegar liðin mættust í
október á síðasta ári og hafa því fallið
um níu sæti síðan. Á sama tíma hefur
Ísland fallið um tólf sæti, úr því 41. í
það 53.
Fjórir tapleikir í röð
Þá hefur gengi Rúmena í síðustu
leikjum verið dapurt en liðið hefur
tapað fjórum leikjum í röð. Eftir 3:2-
sigurinn gegn Norður-Makedóníu í
undankeppni HM í Búkarest í mars
tapaði liðið 0:1 fyrir Þýskalandi í
undankeppninni í Búkarest. Í sama
landsleikjaglugga töpuðu Rúmenar
svo 2:3 gegn Armeníu í Jerevan.
Þá lék liðið tvo vináttulandsleiki í
lok maí og byrjun júní. Rúmenar biðu
ósigur í þeim báðum, 1:2 urðu úrslitin
gegn Georgíu í Ploiesti og þá tapaði
liðið 0:1 gegn Englandi í London.
Nokkrir lykilmenn Rúmena eru
fjarverandi í verkefninu gegn Íslandi
en sóknarmaðurinn George Puscas
tekur út leikbann. Hann á að baki 23
A-landsleiki þar sem hann hefur
skorað átta mörk en hann lék sinn
fyrsta landsleik árið 2018. Puscas,
sem er 25 ára gamall, hefur verið
lykilmaður í sóknarleik Rúmena en
hann á að baki 18 mörk í 25 leikjum
fyrir U21-árs landslið Rúmeníu. Þá
er ólíklegt að sóknarmaðurinn Florin
Tanase geti tekið þátt í leiknum
vegna meiðsla á ökkla.
Líkt og hjá Rúmenum eru lykil-
menn fjarverandi í íslenska liðinu en
þar ber hæst þá Gylfa Þór, fyrirlið-
ann Aron Einar Gunnarsson, Alfreð
Finnbogason og Kolbein Sigþórsson
en Kolbeini var meinað að taka þátt í
verkefninu af stjórn KSÍ og var Viðar
Örn Kjartansson kallaður inn í hóp-
inn í hans stað.
„Ég get lofað ykkur því að við mun-
um hefja leik með ellefu leikmenn
inni á vellinum. Maður stillir upp sínu
sterkasta liði úr þeim hópi leikmanna
sem manni stendur til boða. Í þessu
geta einnig falist tækifæri og fjarvera
lykilmanna opnar dyrnar fyrir yngri
leikmenn liðsins til þess að sýna sig
og sanna.
Við erum með jafnmarga fram-
herja í hópnum og í síðustu viku, Við-
ar [Örn Kjartansson] og Andra [Lu-
cas Guðjohnsen]. Albert
Guðmundsson getur einnig leyst allar
stöður fremst á vellinum og það eru
fleiri leikmenn í hópnum sem geta
það líka,“ bætti landsliðsþjálfarinn
við.
Ellefu sem hefja leik gegn Rúmeníu
- Rúmenar hafa fallið um níu sæti á
styrkleikalista FIFA frá því í október 2020
Morgunblaðið/Unnur Karen
Æfing Viðar Örn Kjartansson, Jóhann Berg Guðmundsson, Jón Guðni
Fjóluson, Birkir Bjarnason og Guðlaugur Victor Pálsson í Laugardal.
ÍÞRÓTTIR 55
MORGUNBLAÐIÐ FIMMTUDAGUR 2. SEPTEMBER 2021
Lygilegt er að fylgjast með
þeim afrekum sem unnin eru á
Paralympics. Í starfi mínu sem
íþróttamaður er langmesta upp-
lifunin til þessa að hafa fylgst
með Paralympics í návígi árið
2016. Að verða vitni að sigri
mannsandans.
Þau sem aldrei hafa fylgst með
leikunum geta tæplega ímyndað
sér hversu miklum árangi
íþróttafólkið nær. Í greinum eins
og sundi og frjálsum er hægt að
taka mið af tímum, hæð og
lengd. Þar er auðvelt að leggja
mat á árangurinn.
Bandaríkjamaðurinn Sam
Grewe sigraði í hástökki í flokki
T63 í Tókýó. Hann var aflimaður
og notar gervifót en stekkur á
heilbrigða fætinum. Grewe vipp-
aði sér yfir 1,88 metra.
Þegar ég velti þessari hæð fyr-
ir mér kemur upp í hugann þegar
margir kollegar mínir fóru ham-
förum vegna marks sem Cris-
tiano Ronaldo skoraði fyrir Ju-
ventus árið 2019. Markið var
huggulegt. Stökkkraftur, jafn-
vægi, tímasetning og skalla-
tækni hjá Ronaldo. Eðlilegt er að
hrifnæmum hafi þótt tilþrifin
flott sem minntu nokkuð á fyrsta
markið á HM 1990, sem Kamer-
úninn Omam-Biyik skoraði.
En það var ekkert „ótrúlegt“ við
þennan stökkkraft hjá Ronaldo,
fullfrískum manninum, eins og
fjölmiðlamenn erlendis og reynd-
ar einnig hér heima fullyrtu.
Fjöldinn allur af 35 ára gömlum
leikmönnum í körfubolta, hand-
bolta og blaki gætu hoppað með
þessum hætti. Er þá ekki minnst
á fólk í frjálsum.
Ef til vill er þetta eitt dæmið um
hvernig íþróttastjörnum er
hampað. Kannski um of. Ætli
Sam Grewe muni eignast eigin
nærbuxnalínu eins og Ronaldo?
BAKVÖRÐUR
Kristján Jónsson
kris@mbl.is
Mikael Anderson, landsliðsmaður í
knattspyrnu, er genginn í raðir
AGF í Árósum en félagið tilkynnti
þetta í gærmorgun. Sóknarmað-
urinn kemur til félagsins frá Midt-
jylland þar sem hann hefur leikið
frá árinu 2016. Mikael, sem er 23
ára gamall, þekkir vel til hjá AGF
en hann er uppalinn hjá félaginu.
Hann verður annar Íslendingurinn
í herbúðum félagsins en Jón Dagur
Þorsteinsson leikur einnig með
AGF sem er með 3 stig í ellefta og
næstneðsta sæti dönsku úrvals-
deildarinnar eftir sjö leiki.
Annar Íslending-
urinn til AGF
Morgunblaðið/Eggert
Danmörk Mikael er genginn til
liðs við uppeldisfélag sitt AGF.
Guðrún Brá Björgvinsdóttir úr
Keili fer á teig á Evrópumótaröð-
inni í dag og keppir þá aftur í Sví-
þjóð eins og í síðustu viku. Guðrún
keppir næstu daga á Åhus Ostra-
vellinum á Kristianstad golfsvæð-
inu en þetta verður þrettánda mót-
ið hjá henni á Evrópumótaröðinni á
árinu. Guðrún fór í gegnum nið-
urskurð keppenda og hafnaði í 38.
sæti á Didrikson Skaftö-mótinu í
Svíþjóð sem lauk á sunnudag. Hún
er í 84. sæti á stigalista LET-
Evrópumótaraðarinnar þegar átta
mót eru eftir á keppnistímabilinu.
Guðrún Brá hefur
leik í Svíþjóð
Ljósmynd/GSÍ
84 Guðrún Brá hefur staðið sig
mjög vel í Evrópumótaröðinni í ár.
Filippa Angeldahl átti stórleik fyrir
Häcken þegar liðið heimsótti Våle-
renga í fyrri leik liðanna í 2. um-
ferð Meistaradeildar kvenna í
knattspyrnu í Ósló í gær. Leiknum
lauk með 3:1-sigri Häcken en Ang-
eldahl skoraði tvívegis í leiknum
ásamt því að leggja upp þriðja
mark Häcken. Diljá Ýr Zomers kom
inn á sem varamaður hjá Häcken á
68. mínútu. Þá lék Ingibjörg Sig-
urðardóttir allan leikinn í hjarta
varnarinnar hjá Vålerenga og Am-
anda Andradóttir kom inn á sem
varamaður á 76. mínútu.
Liðin mætast á nýjan leik í Sví-
þjóð hinn 8. september en liðið sem
vinnur einvígið tryggir sér sæti í
riðlakeppni Meistaradeildarinnar.
Þá kom Svava Rós Guðmunds-
dóttir inn á sem varamaður hjá
Bordeux á 65. mínútu þegar liðið
tapaði 2:3 gegn Wolfsburg í Þýska-
landi. Wolfsburg komst í 3:1 í leikn-
um en Mickaella Cardia minnkaði
muninn fyrir Bordeaux á 70. mín-
útu. Liðin mætast á nýjan leik í
Frakklandi 8. september.
Þá vann Lyon 2:1-sigur gegn
Levante á Spáni þar sem Melvine
Malard og Perle Morroni skoruðu
mörk Lyon en Sara Björk Gunn-
arsdóttir lék ekki með Lyon þar
sem hún er barnshafandi.
Síðari leikur liðanna fer fram í
Frakklandi 8. september.
Misjafnt
gengi Íslend-
ingaliðanna