Morgunblaðið - 25.10.2021, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 25. OKTÓBER 2021
s.
Sigurður Bogi Sævarsson
sbs@mbl.is
„Ungmennafélagsandinn er raun-
verulegur og einstakur. Þetta eru
viðhorf og tilfinning sem fólk finn-
ur hvert og eitt í gleðinni og því að
taka þátt,“ segir Jóhann Steinar
Ingimundarson, nýr formaður
Ungmennafélags Íslands. „Jú,
margir hafa tengt UMFÍ við lands-
byggðina og telja ræturnar sterk-
astar þar. Ég tengi það líka við
upphafið þegar krafturinn í sam-
félaginu var í raun mestur í sveit-
unum og áður en stærri svæði fóru
að soga til sín stærri þætti þjóðlífs-
ins. Kannski lifir ungmennafélags-
andinn sterkast á landsbyggðinni.“
Framsækin í nýja tíma
Sambandsþing UMFÍ var
haldið á Húsavík á dögunum þar
sem Jóhann Steinar var einn í
framboði til formanns og því sjálf-
kjörinn. Aðspurður segir hann
starf vera öflugt í félaginu, sem var
stofnað árið 1907 eða fyrir 114 ár-
um. Neistinn hafi lifað. „Ung-
mennafélagshreyfingin hefur auð-
vitað breyst í takt við tímann en
alltaf tekist að vera leiðandi í sam-
félaginu. Íþróttir skipa þó orðið
stærstan sess í hreyfingunni í dag.
Einnig er í deiglu lýðheilsa og
áhersla á bæði líkamlegt og and-
legt heilbrigði sem hefur sennilega
aldrei verið mikilvægara en nú,“
segir Jóhann og bætir við:
„Yngra fólk hefur fengið heil-
mikla félagsmálafræðslu hjá UMFÍ
í gegnum árin og gerir enn, svo
sem í gegnum Ungmennabúðirnar
sem við starfrækjum á Laugar-
vatni fyrir nemendur í 9. bekk
grunnskóla. Nýtt fólk og nýjar
hugmyndir halda líka ungmenna-
félagshreyfingunni kvikri og fram-
sækinni inn í nýja tíma.“
Öflug félög innanborðs
Nýlega var skerpt á stefnu
Ungmennafélags Íslands í kjölfar
umræðu fólks í grasrótinni. Að fé-
lagið sé samstillt, viðbragðsfljótt,
nútímalegt og öflugt lands-
samband sem hefur hagsmuni allra
íþróttahéraða og félaga þeirra í
forgrunni, er kjarni stefnunnar
sem Jóhann segir mikilvægt að sé í
sífelldri endurskoðun. Félagið sé
líka að breytast, sbr. að á sam-
bandsþingi 2019 fengu íþrótta-
bandalögin í Reykjavík, á Akranesi
og Akureyri aðild að hreyfingunni.
Innan vébanda þeirra eru mörg af
öflugustu íþróttafélögum landsins,
þar með talin stóru félögin í höf-
uðborginni.
„Eðli UMFÍ breyttist ekki svo
mikið við þetta eða starfið. En
sprengikraftur hreyfingarinnar og
styrkur íþróttalífs í umræðunni
varð mun meiri en áður. Umfang
UMFÍ nærri tvöfaldaðist,“ segir
formaðurinn. „Það sem stendur þó
helst upp úr er að samvinnan á
milli bandalaganna og UMFÍ hefur
aukist til muna en hún var ekki
mikil fyrir. Samvinnan gerir allt
auðveldara. Það sama á líka við um
vinnuna með ÍSÍ. Þegar við sam-
einum krafta okkar þá er árang-
urinn margfaldur og við höfum
sterka rödd sem hlustað er á.“
Þátttaka barna
líf fjölskyldna
Í starfi UMFÍ eru hápunkt-
arnir auðvitað Unglingalandsmót
UMFÍ, Landsmót 50+ og svo gamla
Landsmótið, eða Íþróttaveislan,
sem stendur til að halda á höfuð-
borgarsvæðinu næsta sumar. Þá
má nefna Ungmennabúðirnar á
Laugarvatni, sem eru opnar öllum
9.-bekkingum og ásókn er í af öllu
landinu.
„Fyrsta unglingalandsmótið
var haldið á Dalvík árið 1992, en
þessi mót voru sett á fót til að vera
heilbrigður valkostur fyrir fjöl-
skyldur sem njóti þess að vera sam-
an. Slíkt er enn tilgangur mótsins
og hefur tekist afar vel því margar
fjölskyldur miða ferðalög sín á
sumrin út frá unglingalandsmóti,“
segir Jóhann og ennfremur:
„Unglingalandsmótin tengjast
líka því að á sínum tíma var efnt til
átaks til að auka samveru fjöl-
skyldna og draga úr unglinga-
drykkju. Það hefur tekist svo tekið
er eftir í útlöndum. Nú sækja hing-
að fulltrúar erlendra ríkja til að
læra af okkur í forvarnarmálum.
Við höfum fengið fólk í heimsókn
til okkar hjá UMFÍ frá Mexíkó,
Singapúr og frændum okkar í Dan-
mörku, sem blöskrar þróunin þar í
landi og vilja læra af okkur. Þátt-
taka barna í íþróttum er í raun orð-
in lífsstíll fjölskyldna.“
Starfið aftur af stað
Ungmennafélagandinn, sem
fyrr er nefndur, og fjölbreytt sam-
vinna með góðu fólki eru það sem
leiddi Jóhann Steinar í störf fyrir
UMFÍ.
„Þátttaka í þessu starfi hefur
gefið mér mikið. Verkefnin eru
mörg og fyrir mér skiptir núna
mestu máli að koma starfi hreyf-
ingarinnar af stað aftur eftir bak-
slagið sem Covid olli. Þá tel ég
nauðsynlegt að skilgreina betur
starf íþróttahéraða ásamt fjár-
mögnun þeirra. Einnig hefur lengi
verið reynt að samræma út-
greiðslur ÍSÍ og UMFÍ á ávinningi
þeirra af rekstri Íslenskrar get-
spár. Ég tel ákveðið tækifæri vera
núna til að slá tvær flugur í einu
höggi og takast á við þessi tvö
verkefni, íþróttahéruð og lottó-
greiðslur, á sama tíma og efla enn
frekar starf íþróttahéraða. Þannig
eru þau betur í stakk búin til að
styðja við íþróttafélögin í landinu,“
segir formaður UMFÍ að síðustu.
Íþróttir og efld lýðheilsa aldrei mikilvægari, segir Jóhann Steinar Ingimundarson, nýr formaður Ungmennafélags Íslands
Morgunblaðið/Sigurður Bogi
Formaður Þegar við sameinum krafta er árangurinn margfaldur og við
höfum sterka rödd sem hlustað er á, segir Jóhann Steinar Ingimundarson.
Gleðin fylgir þátttöku í íþróttastarfinu
- Jóhann Steinar Ingimundar-
son fæddist árið 1974, við-
skiptafræðingur að mennt auk
þess að hafa meistaragráðu í
verkefnastjórnun. Starfar sem
sérfræðingur í lánastýringu hjá
Íslandsbanka. Hefur frá ung-
lingsárum starfað innan íþrótta-
hreyfingarinnar, einkum hjá
UMF Stjörnunni í Garðabæ.
Hann var kjörinn í stjórn UMFÍ
2017 og er nú nýr formaður fé-
lagsins.
- Sem barn og unglingur æfði
Jóhann Steinar með Fylki, ÍA og
Stjörnunni. Sat í aðalstjórn og
varð að lokum formaður aðal-
stjórnar Stjörnunnar 2011-2015.
Hver er hann?
Körfubolti Kraftur í krökkunum á móti yngri flokka sem haldið var í
Grindavík á dögunum. Þátttakan er aðalatriði og að finna gleði í leiknum.
Vel var mætt á Torg – Listamessu
2021 á Korpúlfsstöðum um helgina.
Myndlistarmenn sýndu þar og seldu
verk sín, sem voru hvert öðru ólík
rétt eins og listamennirnir voru
margir. Að því leyti er þetta mikil-
vægur vettvangur. Þá geta gestir
rætt við listamenn, fræðst um verk
þeirra og störf, spjallað um sköp-
unarkraftinn, lífið og listina – eins
og margir gerðu.
Listamessan verður aftur opin
næstkomandi fimmtudag, 28. októ-
ber, milli kl. 18-22 og svo aftur dag-
langt um næstu helgi. Söluverð
verka rennur að fullu til listamann-
anna, því messan og þau sem að
henni standa þiggja enga þóknun
fyrir sína þjónustu.
Tilgangurinn með Listamess-
unni, sem Samband íslenskra
myndlistarmanna stendur að, er að
auka sýnileika listarinnar og gera
fólki auðveldara að eignast verk
eftir íslenska eða erlenda listamenn
sem starfa hér á landi. sbs@mbl.is
Morgunblaðið/Óttar Geirsson
Listalíf Vel var mætt á messu helgarinnar þar sem fólk tók tal saman um
stefnur og strauma í listinni og fjölbreyttar myndir sem sýna lífið í svip.
Sköpunarkraftur
á Korpúlfsstöðum