Morgunblaðið - 23.12.2021, Qupperneq 28

28
MORGUNBLAÐIÐ FIMMTUDAGUR 23. DESEMBER 2021
VIÐTAL
Atli Steinn Guðmundsson
atlisteinn@mbl.is
„Velkominn til Noregs tvö,“ segir
Ólafur Gunnar Högnason glettinn á
svip þegar hann sækir blaðamann á
flugvöllinn í Evenes í Nordland-fylki
Noregs í byrjaðan desember. För-
inni er heitið til ísfirskrar fjölskyldu
í Bardufoss í Troms-fylki, langt
norðan heimskautsbaugs. Húsmóð-
irin þar á bæ er Guðrún Hrefna Sig-
urðardóttir, vaktstjóri mötuneytis
einna stærstu herbúða Noregs,
Bardufoss leir, þar sem hún útbýr
fjölda máltíða dag hvern fyrir 850
unga norska hermenn, sem ætlað er
að verja landið öllum mögulegum
ógnum, þar á meðal hugsanlegri inn-
rás Rússa er gert hafa sig digra
gagnvart ýmsum nágrannaríkjum
hin síðustu misseri.
Við frostmark
Téður Ólafur Gunnar, Óli hér eft-
ir, er eiginmaður Guðrúnar og með
Noregi tvö vísar hann réttilega til
þess að Suður- og Norður-Noregur
eru eins og tvö lönd, blaðamaður á
bágt með að verjast hrolli í nær 30
stiga frosti þrátt fyrir úlpu og ís-
lenskt viðhorf, hitinn við flugtak í
Ósló fyrr um daginn var við frost-
mark. Norður-Noregur er sann-
arlega ólíkur heimur, aksturinn frá
Evenes, skammt frá bænum Narvik,
er nasistar gerðu frægan í nafntog-
aðri orrustu síðari heimsstyrjald-
arinnar, tekur á þriðju klukkustund.
„Þetta er nú bara skottúr,“ segir Óli
og hlær dátt, í Troms þykja 200 kíló-
metrar engin vegalengd. „Þú
skreppur ekkert eftir mjólk hérna,“
segir húsmóðirin Guðrún þegar við
Ólafur stígum loksins inn í hlýjuna í
vistlegu einbýlishúsi þeirra og tök-
um að ræða lífshlaup þessara gest-
risnu hjóna í Noregi hvar þau eiga
enn fremur þrjú börn.
Mætir eldsnemma
Við hefjum frásögnina þó á vinnu-
degi Guðrúnar, en eftir því sem við
komumst næst eru hún og Runný
Ólafsdóttir, dóttir þeirra Ólafs, einu
íslensku ríkisborgararnir sem fast-
ráðnir eru í vinnu hjá norska hern-
um. Klukkan rúmlega fimm um
morgun aka Guðrún og blaðamaður
á vinnustað Guðrúnar, mötuneyti
hersins. Þar er sko engin lognmolla
fram undan, jólahlaðborð fyrir tæp-
lega þúsund vaktmenn konungsrík-
isins Noregs daginn eftir.
„Þú verður að fara í kokkagalla,
öðruvísi verður þér ekki hleypt inn í
eldhúsið,“ segir Guðrún við blaða-
mann. „Hver, ég?“ spyr undirritaður
og glápir á Ísfirðinginn eins og
andatrúarmaður á útfrymi. „Ég sé
engan annan hér,“ svarar Guðrún og
getur ekki varist brosi. Lendingin
verður sú að blaðamaður smokrar
sér í hvítan alklæðnað, fær sér kaffi-
bolla og gengur fram í eldhús. Þar er
sko engin lognmolla. „Við byrjum á
að undirbúa morgunverðinn, sem er
núna rétt strax, svo förum við í mat-
inn fyrir jólahlaðborðið, þar megum
við engan tíma missa,“ segir Guðrún
ákveðin, „við erum með tæplega þús-
und manns í mat.“
Bóklærð þekking
Undirmenn hennar ganga í eld-
húsið einn af öðrum, átta manns á
vakt, fullmannað, þar á meðal eru
kokkalærlingarnir og herstelpurnar
Mona Rønning Bakås og Iris Marie
Mættu með 3.500 krónur í Norrænu
- Líklega eini íslenski ríkisborgarinn sem fastráðinn er í norska hernum - Eldar ofan í hátt í þús-
und manns á dag - Gátu ekki hugsað sér að fara í kirkju í Súðavík - 200 km akstur er ekki neitt
Morgunblaðið/Atli Steinn Guðmundsson
Vaktin Guðrún og Runný dóttir hennar ásamt samstarfsfólki í Bardufoss-herbúðunum í Troms sem Guðrún stjórnar eins og herforingi. Blaðamaður var settur í að saxa niður humar og gleymir seint.
Herstelpurnar Mona Rønning Bakås og Iris Marie Pedersen voru gestrisnar.
5 SJÁ SÍÐU 30
Allt í hers höndum – Guðrún Hrefna er yfirmaður í norska hernum
#
a
ll
ir
ú
ta
ð
le
ik
a
20% afsláttur
af skíðapökkum
Þú færð
jólagjöfina
hjá okkur
Selásbraut 98, 110 Reykjavík, sími 419 7300, sportval.is