Strandapósturinn - 01.06.2019, Qupperneq 111

110
Ferðin heim í jólafríið
Við strákarnir í fyrsta bekk vorum mjög einangraðir þarna í ný-
byggingunni og höfðum ekki mikil samskipti við aðra nemendur.
Þá bjargaði það málum að um helgar voru oft haldnar sameigin-
legar kvöldvökur og stundum böll, kom þá fyrir að fengin var
hljómsveit úr Reykjavík.
Að öðru leyti gekk lífið sinn vanagang, en svo kom að jólafríi.
Ólafur Ketilsson þurfti að fara tvær eða þrjár ferðir með nemend-
ur til Reykjavíkur. Hellisheiðin var ófær og varð því að fara Krísu-
víkurleiðina. Við úr Strandasýslunni lentum í síðustu ferðinni, var
þá komið kvöld, niðamyrkur og farið að snjóa. Allt gekk þó vel
þar til komið var að Kleifarvatni þar sem vegurinn lá alveg á vatns-
bakkanum. Þá byrjaði rútan að renna út á hlið og stoppaði ekki
fyrr en hún var komin alveg út á vegkant og farin að hallast ískygg-
lega mikið. Þá rak Ólafur alla út úr bílnum og skipaði okkur að
raða okkur á hlið rútunnar til að styðja við hana og einnig að ýta.
Síðan setti Ólafur í gír og fór að mjaka rútunni áfram og hafðist
það af að koma henni upp á veginn aftur. Ég hef oft hugsað til
þess með hryllingi hvað hefði skeð ef rútan hefði farið á hliðina
þarna í kolamyrkri og kafaldsbyl. Ekki voru þá til GSM símar eða
talstöðvar. En í bæinn komumst við seint og um síðir. Morguninn
eftir fórum við á skrifstofu Flugfélags Íslands til að athuga með
flug til Hólmavíkur. Það vildi svo til að fljúga átti eftir hádegið og
var þá reynt að fá afslátt af fluggjaldinu fyrir svona margt og fá-
tækt skólafólk. Ekki voru Flugfélagsmenn liprir í samningum, en
þó hafðist loksins að fá afslátt ef við borguðum flugmiða fram og
til baka sem við gerðum.
Er nú ekki af neinu að segja fyrr en kom að því að komast suður
aftur. Daginn sem við áttum pantað far suður var ekki flogið vegna
veðurs og leit ekki út fyrir að neitt yrði flogið næstu daga. Strand-
ferðaskipið Skjaldbreið var á leið austur og þorðum við ekki ann-
að en að fara með henni til Hvammstanga. Kom svo í ljós að
Holtavörðuheiðin var ófær. Var þá haft samband við Pál í Forna-
hvammi og hann beðinn um að sækja okkur að Hrútafjarðarbrú í
snjóbíl. Fengum við rútu frá Hvammstanga til að flytja okkur að
Brú og þar birtist svo Páll á sínum snjóbíl. Allt gekk þetta vel og
fengum við svo far með rútu frá Fornahvammi til Reykjavíkur. Nú
lá leiðin á skrifstofu Flugfélagsins til að fá endurgreitt flugfarið