Bibliotheca Arnamagnæana - 01.06.1943, Qupperneq 40

6
Batavo latitudinem ejusdem loci 65. grad. 10. m. præcise sibi
observåsse visi sunt Anno Dni 1644. Sed propter defectum instrumen-
torum longitudo observari non poterat.
4. Aeris qvidem in Islandia qvalitas aliqvanto frigidior est qvam
5 in locis aliis Ecclipticæ vicinioribus. Ideoqve multa insulæ pars
inculta est et deserta, sed in meditullio saltem, ubi terra altius in
secundam pene aeris regionem exurgit. Etenim circumqvaqve ad oras
maritimas habitationibus modicis inter se discretis spaciis consita
est, idqve non minus versus Boream, qvam Austrum. Tametsi vero
IO cæli constitutio, ut dixi, frigidior est qvam alibi, saluberrimam tamen
esse exinde convincitur, qvod ingeniorum sæpe supra mediocritatem
felicium ferax sit. Novi enim qvi per triennium aut qvadriennium
tantum in literis profecerunt, qvantum fortassis alii in scholis exotericis
per decennium. Præterea bona pars incolarum extremam senectutem
,5 scilicet 90 circiter annum attingunt: idqve tam continua et firma
valetudine, ut nulla unqvam utantur medicorum curatione, qvippe
qvi apud nos nulli extant, neqve chirurgi in tota regione præter duos.
Neqve enim, si desunt infirmi, medicos necesse est ali. Qvæ omnia
partim aeris optimæ temperiei, partim alimento salubri et simplici
20 asscribimus. Qvemadmodum etiam illud, qvod ab infestatione luis
pestiferæ liberi jam vixerimus annis abhinc 150 sicut nostri tradunt
annales.
5. Terram autem ob tempestatum violentiam neqve coli posse
neqve frugum feracem esse qvi asserunt, annalium nostrorum fidem
25 neqvicqvam elevare conantur. E qvibus passim colligere licet cul-
turam agrorum majoribus nostris in usu fuisse: confirmantibus id
ipsum agris vetustis et ruderatis qvi etiamnum multis in locis apud
nos conspiciuntur. Verisimile autem est eorum usum et culturam pau-
latim apud posteros exolevisse, sive qvod labori proventus non respon-
30 derit, sive qvod aliunde farina copiosius importari cæperit. Maluerant
enim incolæ farinam ab extraneis invectam mercibus suis comparare,
qvam in colenda difficili tellure annuam operam perdere: cum
lucrosiorem in piscaturam fæniqve pascendis pecoribus destinandi
congestum laborem impenderent. Qvin et sponte sua in provincia
35 Islandiæ orientalis, a Sijdu, frumentum provenit, unde etiam hodie
farina conficitur. Numne igitur felicius proventurum credendum