Fréttablaðið - 10.02.2022, Qupperneq 2

N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARSTÓLUM
með og án rafmagns lyftibúnaði
Komið og
skoðið úrvalið
Frost á Fróni
Nú er frost á Fróni og hvítt yfir mestöllu landinu. Vetrarkuldinn getur verið hvimleiður en með birtu af endurkasti frá snjónum lýsast dagarnir upp. Úlfarsfellið
blasti svona við ljósmyndara Fréttablaðsins í gær. Höfuðborgarbúar nutu sólar um tíma og þótt áfram verði kalt rís sól hærra og hærra. FRÉTTABLAÐIÐ/VALLI
kristinnhaukur@frettabladid.is
HEILBRIGÐISMÁL Willum Þór Þórs-
son heilbrigðisráðherra hyggst
breyta frumvarpi sínu um stjórn
Landspítala á þá leið að notendur
fái aðkomu. Þetta kemur fram í svari
ráðuneytisins til Fréttablaðsins.
Eins og Fréttablaðið greindi frá
um miðjan janúar vill MND félag-
ið að sjúklingasamtök fái sæti í
stjórninni. Formaðurinn, Guðjón
Sigurðsson, sagði stjórnarsetu fela í
sér eðlilegt samráð við notendurna.
Þeir hefðu ríka hagsmuni af því að
hafa um að segja hvernig þjónustan
ætti að vera. Undir þetta tók Grímur
Atlason, framkvæmdastjóri Geð-
hjálpar, sem sagði mikilvægt að geð-
sjúkir kæmu að heilbrigðisþjónustu
við geðsjúka. Innsýn þeirra væri
önnur.
Fleiri samtök hafa bæst í hóp
þeirra sem telja eðlilegt að not-
endur fái sæti í stjórn. Meðal ann-
ars Öryrkjabandalagið og Krabba-
meinsfélagið. En einnig félög
starfsstétta í heilbrigðisþjónustu,
bæði sjúkraliðar og hjúkrunar-
fræðingar.
Í svari heilbrigðisráðuneytisins
kemur fram að eftir að frumvarps-
drögin hafi verið birt hafi ábend-
ingar komið fram um að raddir
sjúklinga eða notenda þjónustunn-
ar þurfi að heyrast. Ráðherra taki
undir þessi sjónarmið og verið sé að
vinna að breytingum á frumvarpinu
með hliðsjón af þessu. n
Notendur fái
aðkomu að stjórn
Landspítala
Kettir úr Reykjavík hafa
fundist á Selfossi að undan-
förnu og verið komið til
síns heima. Auðvelt er að
finna eigendur ef kettir eru
örmerktir en það er því
miður alltof sjaldgæft.
benediktboas@frettabladid.is
SAMFÉLAG „Það er eiginlega ömur-
legt hvað fáir kettir eru örmerktir.
Þess vegna dönsum við eiginlega
stríðsdans þegar það gerist. Eins og
í tilviki Flóka, sem var kominn heim
til Reykjavíkur stuttu eftir að hann
var kominn í okkar hendur,“ segir
Guðný Tómasdóttir, bóndi á Orms-
stöðum og meðlimur Villikatta á
Suðurlandi.
Kötturinn Flóki, sem hefur
almennt búsetu í póstnúmeri 108
í Reykjavík, týndist síðasta vor.
Hann dúkkaði svo upp á Selfossi, var
skannaður og komst til síns heima.
Það merkilega er að hann er annar
kötturinn úr hverfinu í Reykjavík
sem finnst á Selfossi. Þegar Frétta-
blaðið talaði við Guðnýju var hún
að koma frá dýralækni með kött
sem var trúlega úr Reykjavík.
„Það er svo sem ekkert einsdæmi
að borgarkisar finnist hér á Selfossi.
Ég man eftir einum í fyrra sem var
örmerktur og hann kom frá Stokks-
eyri.“
Guðný segir að það sé allt of
mikið að gera hjá Villiköttum og
bara á einni viku hefur félagið tekið
að sér fimm ketti og komið tveimur
til síns heima enda voru þeir með
örmerkingu.
„Ég veit að það urðu miklir fagn-
aðarfundir. Við vitum því miður
lítið sem ekkert um hina tvo annað
en að þetta eru ljúfir og góðir kettir
þannig að þeir eru af góðum heim-
ilum. Þeir voru alveg grindhoraðir
þannig að maður heldur að þeir séu
að koma langt að,“ segir Guðný.
Hún segir að sem bóndi finnist
henni leiðinlegt að horfa upp á dýr
sem hafa það ekki gott. Eitt hafi leitt
af öðru og áður en hún vissi af var
hún komin á kaf í starf Villikatta.
„Ég sótti 111 ketti í fyrra og
það voru kannski fimm af þeim
örmerktir. Það var ekki meira.
Ábyrga fólkið sem örmerkir kett-
ina sína virðist ekki týna köttunum
sínum. Örmerking er númer eitt, tvö
og þrjú,“ segir Guðný.
Hún tekur sem dæmi kött sem sé
ekki örmerktur og er þá hjá eftirliti
eða hjá fólki sem finnur þá þar sem
er reynt að hafa uppi á eigendum.
Takist það ekki koma Villikettir
til sögunnar enda sé kötturinn að
öðrum kosti af lífaður eða hent
aftur út.
Kötturinn sé þar geldur og
örmerktur og settur frekari kraftur
í að finna rétta eigendur en töluvert
er um að ókunnugt fólk vilji eigna
sér kisurnar. „Þetta getur tekið
óhemju langan tíma. Þess vegna er
mikilvægt að örmerkja. Þá er ekk-
ert mál að koma köttunum til síns
heima,“ segir Guðný. n
Reykjavíkurkettir finnast
sem aldrei fyrr á Selfossi
Guðný segir að örmerking sé númer eitt, tvö og þrjú annars þurfa kettirnir að
dúsa í húsi Villikatta. FRÉTTABLAÐIÐ/ERNIR
Guðný Tómasdóttir, bóndi á Orms-
stöðum. MYND/AÐSEND
bth@frettabladid.is
SAMFÉLAG Helgi Gunnlaugsson,
prófessor í afbrotafræði við Háskóla
Íslands, segir í umsögn sinni um
frumvarp sem nú liggur fyrir
Alþingi um afglæpavæðingu neyslu-
skammta, að afnám á refsingum við
vörsluskömmtum fíkniefna til eigin
nota sé mikilvægt skref í rétta átt.
Það muni sæta tíðindum ef frum-
varp af þessu tagi verður samþykkt
á Alþingi.
„Ljóst er að hlutverk lögreglu
mun breytast verði frumvarpið
samþykkt. Fólk í fíknivanda þyrfti
ekki lengur að óttast eða forðast lög-
regluna, heldur gæti lögreglan veitt
þjónustu af ýmsu tagi. Aðstoðað
fólk með fíknivanda, komið á
tengslum við aðila er bjóða félags-
og heilbrigðisþjónustu,“ segir Helgi.
Hann segir heildarendurskoðun á
fíkniefnalöggjöfinni á Íslandi löngu
tímabæra og mjög mikilvæga.
„Svarti markaðurinn er ráðandi
án nokkurrar neytendaverndar
í skugga lögmála frumskógarins.
Refsingar fyrir framleiðslu, inn-
f lutning og sölu fíkniefna hafa
þyngst og refsiramminn er nýttur
til fulls. Fátt bendir til þess að hertar
refsingar dragi úr þeim vanda sem
fíkniefni valda í samfélaginu,“ segir
Helgi.
Hann segir að víða eigi sér gerjun
stað erlendis hvað varði nýja stefnu-
mótum í fíkniefnamálum. n
Styður refsileysi neysluskammta
Helgi Gunn-
laugsson, af-
brotafræðingur
2 Fréttir 10. febrúar 2022 FIMMTUDAGURFRÉTTABLAÐIÐ