Fréttablaðið - 10.02.2022, Page 35

ÍÞRÓTTIR Úti í hinum stóra heimi
þekkist það víða að afreksíþrótta-
fólk leiðist yfir í stjórnmál þegar
tekur að síga á seinni hluta íþrótta-
ferilsins. Margir fara sömu leið og
Björgvin Páll Gústavsson og fara
í sveitarstjórnarpólitík en Frétta-
blaðið tók saman þrjá einstaklinga
sem voru um tíma bestir í sinni
grein á heimsvísu áður en þeir
beindu spjótum sínum að landspóli-
tíkinni. n
Þjóðarleiðtogar
innan sem utan vallar
Manny Pacquiao
Hnefaleikakappinn var um tíma
einn sá besti í heiminum og er bar-
dagi hans við Floyd Mayweather
árið 2015 talinn einn af stærstu
bardögum hnefaleikasögunnar.
Hann hefur um árabil átt sæti á
þingi Filippseyja en hann tilkynnti
síðasta haust að hann myndi
bjóða sig fram í forsetakosning-
unum á Filippseyjum sem fara
fram í vor.
George Weah
Sóknarmaðurinn er fyrsti og
enn þann dag í dag eini knatt-
spyrnumaðurinn frá Afríku
til að hljóta nafnbótina besti
leikmaður heims, árið 1995.
Hann er talinn einn besti knatt-
spyrnumaður álfunnar frá upp-
hafi, þrátt fyrir að hafa aldrei
tekist að koma Líberíu á loka-
keppni HM. Eftir að leikmanna-
ferlinum lauk tilkynnti Weah
að hann færi í forsetaframboð,
árið 2005, en náði ekki emb-
ættinu í fyrstu tilraun. Weah
gafst ekki upp og fór í framboð
sem varaforsetaefni árið 2011
en þurfti aftur að sætta sig við
annað sætið í kosningunum.
Í þriðju tilraun tókst Weah
að vinna kosningarnar og var
knattspyrnumaðurinn fyrr-
verandi kosinn forseti Líberíu
árið 2017.
Imran Khan
Fyrrverandi fyrirliði krikket-
landsliðs Pakistan sem leiddi
liðið til sigurs á HM 1992 er í
dag forsætisráðherra landsins.
Khan er af mörgum talinn einn
af bestu krikketleikmönnum
allra tíma, enda hefur Pakistan
aldrei tekist að endurtaka
leikinn og var hann tekinn inn
í frægðarhöll (e. hall of fame)
Alþjóðakrikketsambandsins
strax í fyrsta árgangi. Eftir að
krikketferlinum lauk stofnaði
hann stjórnmálaflokk árið
1996 og tók við embætti for-
sætisráðherra árið 2018.
Romario
Það muna margir eftir hinum
stutta en lunkna framherja
Romario. Hann kom víða við á
ferlinum og var hluti af heims-
meistaraliði Brasilíu 1994 áður
en hann sneri sér að pólitíkinni.
Hann var kosinn inn í neðri
deild brasilíska þingsins 2010.
Fjórum árum siðar fékk Romario
metfjölda atkvæða í kosningum
á öldungadeild þingsins.
Arnold Schwarzenegger
Austurríska vöðvafjallið skaust
fyrst fram á sjónarsviðið sem
vöðvabúnt á sviði vaxtarræktar.
Hann var í sérflokki á heimsvísu
þegar kom að vaxtarrækt og
vann nánast allar þær keppnir
sem hann tók þátt í yfir fimmtán
ára tímabil.
Schwarzenegger átti eftir að
gera garðinn frægan sem leikari
áður en hann sneri sér að stjórn-
málum, en árið 2007 var hann
kosinn ríkisstjóri í Kaliforníu-
fylki. Sex árum síðar var hann
orðaður við forsetaembætti
Bandaríkjanna en ekkert rættist
úr því.
FIMMTUDAGUR 10. febrúar 2022 Íþróttir 19