Fréttablaðið - 04.03.2022, Blaðsíða 4

svavamarin@frettabladid.is
COVID-19 „Ég er búinn að veðja við
alls konar fólk um að þetta verði
búið 1. apríl, án þess að það sé um
aprílgabb að ræða,“ segir Kári Stef-
ánsson, forstjóri Íslenskrar erfða-
greiningar, spurður að því hvort
Ísland sé á góðri leið með að ná
hjarðónæmi gegn Covid-19.
Hann segist hafa meiri áhyggjur
af því sem sé að gerast í heiminum
þessa dagana en Covid og ónæmi.
„Þegar menn eru farnir að tala um
kjarnorkuvopn þá fær maður bara
kvíðakast.“
Þá segir Kári það ekki lengur sitt
fyrsta verk þegar hann vaknar að
athuga með stöðuna á Covid. „Það
segir allt sem segja þarf. Ég er eigin-
lega farinn að fókusa alfarið á hvers-
dagslega sjúkdóma líkt og geð- og
hjartasjúkdóma og krabbamein.“ n
Reyndar held ég að
það væri mjög gott ef
fólk lýsti svona afstöðu
fyrir kosningar.
Sigurður Ingi Jóhannsson
Auður Gunnarsdóttir
Lára Stefánsdóttir
Bjarni Frímann Bjarnason
Wagner - Schumann
17.mars 2022 kl 20.00
í Kaldalóni
Tvær Þórdísir berjast um odd-
vitasæti í Reykjavík í fyrsta
prófkjöri Viðreisnar. Mikil
fjölgun flokksmanna síðustu
daga. Stuðningsmenn ekki á
einu máli um hvort horfa eigi
til áframhaldandi samstarfs
með Degi B. Eggertssyni.
bth@frettabladid.is
Stjórnmál Prófkjör Viðreisnar í
borginni hefst í dag og stendur til
morguns. Búist er við að úrslit verði
kynnt um klukkan 19 á laugardag.
Þórdís Lóa Þórhallsdóttir og
Þórdís Jóna Sigurðardóttir berjast
um oddvitasætið. Mikil spenna er
innan flokksins um hvor hafi betur.
Nýskráningar í flokkinn nema á síð-
ustu dögum 600-700. Fjölgunin er
að mestu rakin til smölunar vegna
prófkjörsins.
„Það er gaman að sjá þennan
mikla áhuga á prófkjörinu og svona
mikinn áhuga á pólitík,“ segir Jenný
Guðrún Jónsdóttir, framkvæmda-
stjóri Viðreisnar. Hún segir að félaga-
talið í Reykjavík standi nú nálægt
1.900 en fjöldinn hafi fyrir prófkjör
verið 1.200-1.300.
Viðmælendur innan Viðreisnar
segja erfitt að spá fyrir um hvor Þór-
dísin hafi sigur. Úrslitin gætu orðið
allt eða ekkert, því vegna reglu um
fléttulista gæti sú sem tapar fallið
um nokkur sæti og dottið úr leik.
Ýmsir póstar hafa gengið meðal
stuðningsmanna oddvitaefnanna
vegna smölunar. Segir í einum þeirra
sem Fréttablaðið hefur undir hönd-
um að forðast beri í lengstu lög að
mynda meirihluta með Degi B. Egg-
ertssyni. Sá póstur er til stuðnings
Þórdísi Jónu.
„Ég kannast ekki við þennan
póst. Að sjálfsögðu geng ég óbundin
til kosninga, við ætlum að mynda
meirihluta sem byggist á mál-
efnum. Ég útiloka engan flokk fyrir
fram,“ segir Þórdís Jóna.
Helstu áherslumál hennar lúta að
Borgarlínu og þéttingu byggðar. Þór-
dís Jóna hefur aldrei gegnt trúnaðar-
störfum fyrir Viðreisn, ólíkt Þórdísi
Lóu sem er forseti borgarstjórnar og
hefur verið staðgengill borgarstjóra.
Spurð hvers vegna Þórdís Jóna tefli
svo djarft segist hún brenna auk
fyrrgreinds fyrir áherslum í skóla-
málum, þar sem kerfisbreytingar sé
þörf. Mæta verði hverju og einu barni
betur í skólakerfinu með snemm-
tækri íhlutun og auknu vali.
Þá sé vantraust í atvinnu- og
nýsköpunarmálum borgarinnar
mikið áhyggjuefni samkvæmt nýrri
skýrslu.
„Úrslitin gætu orðið á hvorn
veginn sem er og munurinn mjög
naumur,“ segir Þórdís Jóna.
Þórdís Lóa segir að rödd Við-
reisnar eigi mikið áframhaldandi
erindi í borginni, eina staðnum þar
sem Viðreisn sé við völd. Þórdís Lóa
segir að sér hafi verið legið á hálsi
fyrir að vera „litlaust afbrigði“ af Degi
borgarstjóra en það sé af og frá. Þvert
á móti vegi reynsla hennar þungt til
framtíðar.
Spurð um meirihlutasamstarf að
loknum kosningum segir Þórdís Lóa
að Viðreisn sé hægri miðjuflokkur
sem geti unnið í báðar áttir. Prófkjör
Viðreisnar fer fram um helgina. n
Viðreisn velur á milli tveggja Þórdísa
í oddvitasætið í Reykjavíkurborg
Erfitt er að spá um niðurstöðurnar því vegna reglu um fléttulista gæti sú
sem tapar fallið um nokkur sæti og hreinlega dottið úr leik. fréttablaðið/ernir
Þórdís Lóa
Þórhallsdóttir
Þórdís Jóna
Sigurðardóttir
Þessi átta verða í kjöri um
oddvita Viðreisnar:
Anna Kristín Jensdóttir
Diljá Ámundadóttir Zoëga
Erlingur Sigvaldason
Geir Finnsson
Pawel Bartoszek
Þórdís Jóna Sigurðardóttir
Þórdís Lóa Þórhallsdóttir
bth@frettabladid.is
Stjórnmál Sigurður Ingi Jóhanns-
son, formaður Framsóknarflokksins
og innviðaráðherra, telur að Guðrún
Hafsteinsdóttir, þingmaður Sjálf-
stæðisflokksins og formaður efna-
hags- og viðskiptanefndar, hefði átt
að upplýsa um viðhorf sín til sölu á
hlut í Landsvirkjun áður en gengið
var til alþingiskosninga í fyrrahaust.
„Reyndar held ég að það væri mjög
gott ef fólk lýsti svona afstöðu fyrir
kosningar,“ segir Sigurður Ingi.
Katrín Jakobsdóttir forsætisráð-
herra svaraði ummælum Guðrúnar
um að til greina kæmi að selja 30-40
prósenta hlut ríkisins í Landsvirkjun
til lífeyrissjóða með því að sala á hlut
eða í heild á Landsvirkjun kæmi ekki
til greina. Sigurður Ingi er sömu
skoðunar.
„Landsvirkjun verður ekki seld
á okkar vakt,“ segir Sigurður Ingi.
„Við höfum lagt fram þingmál því til
staðfestingar á afstöðu Framsóknar-
manna,“ bætir Sigurður Ingi við.
Meginrökin gegn sölu eru að sögn
Sigurðar Inga ekki síst þau að með
því að orkufyrirtækin séu að mestu
í eigu almennings sé tryggt að orku-
verðið fari ekki úr böndunum.
„Ef við berum saman orkuverð í
ólíkum löndum kemur í ljós að það
er gríðarlegur ávinningur að búa hér
á Íslandi.“
Spurður hvort sveitarfélögin
Reykjavík og Akureyri hafi gert
mistök með sölu eignarhluta sinna
í Landsvirkjun árið 2006 þar sem
of lágt verð hafi fengist fyrir hlut-
ina, segir Sigurður Ingi að hann telji
söluna hafa verið ásættanlega fyrir
sveitarfélögin. n
Hefði viljað vita afstöðu Guðrúnar Hafsteins fyrir kosningar
Ekkert aprílgabb
að Covid klárist
Kári Stefáns-
son, forstjóri
Íslenskrar erfða-
greiningar
jonthor@frettabladid.is
Samgöngur Forstjóri Icelandair,
Bogi Nils Bogason, sagðist þakk-
látur fyrir stuðning og samstarf
flugfélagsins við yfirvöld í gegnum
tíma heimsfaraldursins. Þetta kom
fram í ræðu hans á aðalfundi félags-
ins í gær. Heildarskattspor félagsins
var meira en 26 milljarðar króna. n
Bogi er þakklátur
stjórnvöldum
4 Fréttir 4. mars 2022 FÖSTUDAGURFréttablaðið