Fréttablaðið - 14.04.2022, Qupperneq 28

Til að birta andláts-, útfarar- eða
þakkartilkynningar í Fréttablaðinu þarf að
senda tölvupóst á timamot@frettabladid.is
eða hringja í síma 550 5055 .
Innilegar þakkir til allra sem sýndu
okkur samúð, hlýhug og vináttu við
andlát og útför okkar ástkæru
Ingveldar Pálsdóttur
Hverfisgötu 92b.
Jóhannes Ólafur Ólafsson
Ásta Þórunn Jóhannesdóttir Brynjar Húnfjörð
Ólafía Jóhannesdóttir
Einar Páll Jóhannesson
Páll Aronsson Inga Einarsdóttir
og aðrir aðstandendur.
Innilegar þakkir til allra
sem sýndu okkur samúð og
hlýhug við andlát okkar ástkæra
Þorsteins Jóns Óskarssonar
fyrrum forstöðumanns
hjá Pósti og síma,
Krummahólum 4, Reykjavík.
Sérstakar þakkir til starfsfólks Vitatorgs, Hrafnistu
Reykjavík fyrir einstaka umönnun og virðingu.
Svanhildur Halldórsdóttir
Edda Þorsteinsdóttir Halldór Guðmundsson
Einar Baldvin Þorsteinsson Sally Thorsteinsson
barnabörn og barnabarnabörn.
Elskuleg systir okkar,
mágkona og frænka,
Elín Pálmadóttir
blaðamaður og rithöfundur,
sem lést á hjúkrunarheimili Hrafnistu
við Brúnaveg aðfaranótt 2. apríl, verður
jarðsungin frá Dómkirkjunni föstudaginn
22. apríl kl. 13.00.
Sólveig Pálmadóttir
Helga Pálmadóttir Helgi Samúelsson
systkinabörn og fjölskyldur þeirra.
Ástkæra eiginkona mín, móðir okkar,
tengdamóðir, amma og langamma,
Birna Kristín Kristjánsdóttir
lést á hjúkrunarheimilinu
Droplaugarstöðum 22. mars.
Útförin hefur farið fram í kyrrþey að ósk
hinnar látnu. Sérstakar þakkir fær
starfsfólk Droplaugarstaða fyrir einstaka umönnun og
aðhlynningu.
Jón Kr. Hannesson
Ella K. Björnsdóttir Rögnvaldur A. Hrólfsson
Sturla H. Jónsson Aldís E. Helgadóttir
Ástríður H. Jónsdóttir
Ágúst B. Jónsson Heiðrún B. Árnadóttir
Heiða B. Jónsdóttir
Guðrún Helga Agnarsdóttir
lést á Landspítalanum
sunnudaginn 10. apríl.
Útförin fer fram frá Dómkirkjunni
í Reykjavík 28. apríl klukkan 13.
Blóm og kransar eru vinsamlegast
afþakkaðir, en þeim sem vilja minnast
hennar er bent á Krabbameinsfélagið.
Jón Kristjánsson
Ingunn Jónsdóttir Árni Stefán Leifsson
Anna Helga Jónsdóttir Baldur Héðinsson
Guðrún Helga, Ingibjörg, Jón Styrmir og Hildur Salka
Elskulegur eiginmaður minn,
faðir, tengdafaðir, afi og langafi,
Vilhjálmur Þorláksson
verkfræðingur,
Espilundi 4,
varð bráðkvaddur að heimili sínu
mánudaginn 4. apríl.
Útförin fer fram frá Garðakirkju föstudaginn 22. apríl
og hefst athöfnin kl. 13.
Ásbjörg Forberg
Þuríður Vilhjálmsdóttir Vigfús Ásgeirsson
Sveinn Vilhjálmsson Inga Forberg
Hilmar Vilhjálmsson Sigríður Logadóttir
Kári Vilhjálmsson Lilja Pétursdóttir
Ágústa Forberg Theódór Kristinn Ómarsson
Erla Ólafsdóttir Magnús Óli Ólafsson
Elsa Forberg
barnabörn og barnabarnabörn.
1412 Yfir tuttugu ensk skip farast hér við land í illviðri.
1844 Jón Sigurðsson er kosinn á þing á sínum fyrsta kjör-
fundi með 50 af 52 atkvæðum.
1902 J.C. Penney opnar sína fyrstu verslun í Wyoming í
Bandaríkjunum.
1945 Tónlistarmaðurinn Rúnar Júlíusson fæðist.
1964 Sidney Poitier er fyrsti þeldökki maðurinn til að
vinna Óskarsverðlaun fyrir Lilies of the Field.
1972 Jóhannes Sveinsson Kjarval listmálari deyr, 86 ára
að aldri.
1997 Tiger Woods verður yngsti kylfingur sögunnar sem
sigrar á Masters-golfmótinu.
Merkisatburðir
Árnastofnun fagnar sextíu ára
afmæli í dag og undirbýr sig undir
flutning í ný húsakynni.
arnartomas@frettabladid.is
Handritastofnun Íslands var stofnuð
þann 14. apríl 1962 þegar í augsýn var
lausn í handritamálinu. Þar höfðu
Íslendingar krafið Dani um að íslensk-
um fornhandritum á borð við Flateyjar-
bók og Konungsbók eddukvæða yrði
skilað aftur til landsins.
„Það var búið að finna lausn á mál-
inu þegar þarna kom við sögu þar sem
Danir höfðu samþykkt í fyrra skiptið
lög um lausn handritamálsins árið
1961,“ segir Guðrún Nordal, forstöðu-
maður Árnastofnunar. „Málinu var þó
ekki alveg lokið þar sem enn átti eftir
að bera það fram í þinginu árið 1965
og síðan urðu dómsmál sem fóru fyrir
Hæstarétt í Danmörku. Handritin komu
því ekki heim fyrr en tíu árum síðar.“
Handritastofnun Íslands var fyrst
um sinn til húsa í Safnahúsinu en strax
var ákveðið að byggja sérstakt húsnæði
fyrir stofnunina og trausta geymslu
fyrir handritin, sem var kallað Árna-
garður og vígt í lok árs 1969. Þegar
handritin komu þann 21. apríl 1971 var
húsnæðið tilbúið og ári síðar breytti
stofnunin um nafn og var kölluð Stofn-
un Árna Magnússonar á Íslandi.
Guðrún segir að Árnastofnun hafi
vaxið og dafnað jafnt og þétt í gegnum
árin. Mikilvægi safns Árna Magnússon-
ar á alþjóðavísu, sem er varðveitt bæði á
Íslandi og í Danmörku, var viðurkennt
árið 2009 þegar það var sett á varð-
veisluskrá UNESCO, Minni heimsins.
„Það urðu mik il tímamót árið
2006 þegar Íslensk málstöð, Orðabók
Háskólans, Stofnun Sigurðar Nordals,
Örnefnastofnun Íslands og Árnastofn-
un voru sameinaðar í nýrri stofnun,
Stofnun Árna Magnússonar í íslensk-
um fræðum,“ segir hún. „Í dag styttist
í að við f lytjum í nýtt húsnæði í Hús
íslenskunnar með íslenskudeildinni
og íslensku sem öðru máli í Háskóla
Íslands.“
Þjóðararfur á tækniöld
Í dag eru rúmlega fjörutíu fastráðnir
starfsmenn sem starfa við Árnastofnun
ásamt fjölda lausráðinna í rannsókna-
störfum. Verkefnin segir Guðrún vera
afar fjölbreytt.
„Við höfum lagt mikið upp úr því
að miðla okkar efni, rannsóknum og
gögnum á vefnum, bæði rafrænum
orðfræðigögnum eins og orðabókum
og máltæknigögnum og það sama á við
um handritin,“ segir hún og bætir við
að í dag sé orðið miklu auðveldara að
vinna rannsóknir þeim tengdar alþjóð-
lega. „Auðvitað er best að koma og sjá
handritin en nú er hægt að nota raf-
rænu tólin líka, sem er algjör bylting
á þessu sviði og hefur í raun stækkað
fræðasviðið.“
Þá segir Guðrún að Árnastofnun
standi einnig við bakið á þeim sem
kenni íslensku sem annað mál í erlend-
um háskólum.
„Þetta alþjóðlega starf skiptir gríðar-
lega miklu máli og það er mikið sóknar-
færi í því að við gerum enn betur,“
segir hún. „Þegar íslenska er kennd og
stunduð sem fræðigrein við ýmsa góða
háskóla um heim allan, þá erum við að
búa til nýja fræðimenn og framtíðarþýð-
endur og þessir stúdentar koma oftar en
ekki til Íslands og ákveða að læra málið
enn betur og leggja rannsóknir fyrir sig.
Við erum mjög þakklát fyrir að finna
fyrir að fólk lítur til Árnastofnunar sem
ákveðinnar rannsóknamiðstöðvar í
þessum fræðum.“
Guðrún segir að ekki standi til að
fagna sextíu ára afmæli stofnunarinnar
sérstaklega, en í viðburðaríkri sögunni
er stutt á milli stórra tímamóta.
„Við vorum með mikil hátíðarhöld
í fyrra þegar við fögnuðum fimmtíu
ára afmæli komu fyrstu tveggja hand-
ritanna og á næsta ári fögnum við
f lutningi í nýja byggingu sem mun
gjörbylta starfi okkar og opna aðgang
almennings að gögnunum,“ segir hún.
„Nýlega lukum við síðasta áfanganum
í verkefninu Handritin til barnanna,
þar sem við kynntum handritin fyrir
börnum um land allt. Það er svo frjór
jarðvegur að kynna þessar sögur, nýja
þekkingu um þær og handritin sjálf
fyrir yngri kynslóðinni – þessa gömlu
gripi sem varðveittust með fólkinu þar
til Árni Magnússon safnaði þeim og
setti í safnið sitt. n
Sextugur ávöxtur handritamálsins
Guðrún segir mikið sóknarfæri í að sinna alþjóðlegu samstarfi vel.
Guðni Th.
Jóhannesson
forseti skoðar
handritin á
fimmtíu ára
afmæli komu
þeirra til
landsins í
fyrra.
FRÉTTABLAÐIÐ/
ANTON BRINK
Auðvitað er best að koma
og sjá handritin en nú er
hægt að nota rafrænu
tólin líka, sem er algjör
bylting á þessu sviði og
hefur í raun stækkað
fræðasviðið.
TÍMAMÓT FRÉTTABLAÐIÐ 14. apríl 2022 FIMMTUDAGUR