Skessuhorn - 01.09.2021, Qupperneq 17

MiðVikUdAgUR 1. SEptEMbER 2021 17
Þórdís kolbrún Reykfjörð gylfa-
dóttir, ferðamála-, iðnaðar og ný-
sköpunarráðherra og varaformað-
ur Sjálfstæðisflokksins er nýr odd-
viti flokksins í Norðvesturkjör-
dæmi. Þórdís kolbrún er fædd og
uppalin Skagakona og var ung far-
in að hafa afskipti af stjórnmálum
og fljótt komin í ábyrgðarhlut-
verk innan Sjálfstæðisflokksins.
„Ætli aðdragandinn hafi ekki ver-
ið ómældur áhugi minn á pólitík,
fólki og samfélaginu,“ segir Þórdís
kolbrún í samtali við Skessuhorn.
Þórdís lauk stúdentsprófi frá Fjöl-
brautaskóla Vesturlands á Akranesi
og ML gráðu í lögfræði frá Háskól-
anum í Reykjavík. „Eftir háskóla-
nám fór ég fljótlega að vinna sem
framkvæmdastjóri þingflokks Sjálf-
stæðisflokksins og rúmu ári síðar
sem aðstoðarmaður Ólafar Nordal
þáverandi varaformanns Sjálfstæð-
isflokksins og innanríkisráðherra,
það var ótrúlega dýrmætur skóli að
vinna fyrir þá öflugu konu og leið-
toga sem Ólöf var,“ segir Þórdís
kolbrún.
Með óbilandi trú
á samfélaginu
Þórdís kolbrún er gift Hjalta Sig-
valdasyni Mogensen og saman eiga
þau tvö börn, Marvin gylfa, níu
ára, og kristínu Fjólu sem er að
verða fimm ára. Árið 2016 ákvað
Þórdís kolbrún að sækjast eft-
ir 2. sæti á lista Sjálfstæðisflokks-
ins í Norðvesturkjördæmi en hún
hafði þá verið á lista flokksins í
kjördæminu frá árinu 2007. „Mig
langaði einfaldlega að gera samfé-
laginu gagn og hafði sterkar skoð-
anir á því hvernig ég gæti orðið að
liði við að berjast fyrir Norðvestur-
kjördæmi og gera Ísland sterkara.
Ég elska að hlusta eftir tækifær-
um, finna þau, grípa og koma þeim
í framkvæmd. Þá er gott að komast
í stöðu þar sem maður getur haft
raunveruleg áhrif og borið ábyrgð,“
segir Þórdís kolbrún. „Í grunninn
er ég ósköp venjuleg kona af lands-
byggðinni sem hefur verið mótuð
af ástríku og góðu uppeldi þar sem
mér var kennt að hafa fyrir hlutun-
um, standa með sjálfri mér, standa á
eigin fótum og vera sjálfstæð,“ bæt-
ir hún við.
Ísland land tækifæra
Aðspurð segir Þórdís kolbrún
að hún hafi alltaf átt samleið með
grunngildum Sjálfstæðisflokksins.
„Þar fann ég samhljóm með þeirri
pólitísku sýn sem ég haf alltaf haft
og sýn minni á lífið og samfélagið.
Þarna var flokkur með skýra sýn á
hvernig er hægt að besta hvern og
einn einstakling og nærumhverfið
með blöndu af einstaklingsframtaki
og athafnafrelsi og ríkri áherslu á
sterkt velferðarkerfi og öryggisnet
sem grípur þá sem á þurfa að halda.
Sjálfstæðisflokkurinn er hreyfiafl
til að ná fram umbótum í íslensku
samfélagi, þar kemur maður góðu
til leiða. Samleið mín með flokkn-
um sprettur því af gildum mínum
fremur en að ég hafi verið alin upp
við að Sjálfstæðisflokkurinn hafi
verið dásamaður yfir kvöldfrétt-
unum,“ segir Þórdís kolbrún og
hlær. „Ég horfi á íslenskt samfélag
og þó vissulega séu hér óleyst verk-
efni þá er Ísland raunverulega land
tækifæra. Samkvæmt öllum sam-
anburði er gott að búa á Íslandi og
við búum að sterku velferðarkerfi
og öryggiskerfi fyrir þá sem þurfa.
Þannig tryggjum við að allir fisk-
arnir í tjörninni fái notið sín, ekki
bara sumir, í landi tækifæra. En við
verðum líka að fá að njóta okkar á
okkar eigin forsendum en ekki for-
sendum ríkisins með miðstýringu,
hindrunum, boðum og bönnum,“
segir Þórdís kolbrún.
Næstu verkefni
Það mikilvægasta í samfélaginu að
sögn Þórdísar kolbrúnar er öflugt
mennta- og heilbrigðiskerfi sem er
aðgengilegt öllum. „En við þurf-
um líka að takmarka fyrirferð ríkis-
ins og leiðrétta þá sýn sumra að hið
opinbera sé alltaf best til þess fall-
ið að reka alla þjónustu,“ segir hún.
En hver eru helstu verkefnin á næsta
kjörtímabili? „Í grunninn eru það
aukin verðmætasköpun og að auka
skilvirkni ríkisrekstrar á öllum svið-
um,“ svarar hún og heldur áfram:
„Þetta á við um bæði kjördæmið
og landið allt. Við þurfum að nýta
tækifærin sem eru beint fyrir fram-
an okkur. Við stöndum frammi fyr-
ir tækifærum í grænni orkubyltingu
sem mér finnst við verða að nýta,
okkur öllum til heilla. Við ætlum
að skipta út jarðefnaeldsneyti fyrir
græna orkugjafa. Flokkar sem tala
fyrir loftlagsmálum en vilja ekki
kannast við þörf fyrir frekari auð-
lindanýtingu eru einfaldlega ekki
trúverðugir. Þú færð ekki annað
án hins. Við stöndum frammi fyr-
ir næstu skrefum í orkuskiptum hér
innanlands og getum líka skapað
bæði atvinnu og útflutningstekjur
með því að selja orkugjafa til ann-
arra landa þar sem eftirspurnin er.
Ný atvinnugrein getur orðið til en
það skiptir máli að það sé skýrt að
þegar talað er um að þurfa græna
orku til að minnka losun og hætta
olíunotkun þá þarf að svara því
hvaðan sú orka á að koma,“ seg-
ir Þórdís kolbrún. „Í orkubylting-
unni liggja tækifæri fyrir Norðvest-
urkjördæmi og landið allt. tækni-
þróunin er mikil, störfin eftirsókn-
arverð og tækifærin fyrir uppbygg-
ingu á landsbyggðinni.“
Flest störf án
staðsetningar
„Stóraukin nýsköpun og stafræn
bylting á öllum sviðum hins opin-
bera er verkefnið fram undan.
Þannig aukum við skilvirkni í ríkis-
rekstri, bætum þjónustuna og för-
um betur með fjármuni skattgreið-
enda. Við sáum störf án staðsetn-
ingar verða að veruleika í Covid.
Þar liggja mikil tækifæri fyrir Norð-
vesturkjördæmi, ekki bara í opin-
berum störfum sem hægt væri að
flytja heldur líka í einkageiranum,
að fólk geti unnið hvaðan sem er.
Haraldur benediktsson gerði gríð-
arlega vel í ljósleiðaraátakinu og því
erum við nú að horfa á raunveru-
legt frelsi til búsetu aukast mjög,“
segir Þórdís kolbrún.
Þá segir hún samvinnurými vera
að opna víða um land sem sé merki
um breytta tíma. „Það eru mörg
slík rými komin upp í kjördæminu.
Þetta er mikilvægur hlekkur í þess-
ari þróun. Við vitum að það er ekki
fyrir alla að vinna inni á heimilinu
sínu og með þessu eru að verða til
vinnustaðir þar sem fjölbreyttur
hópur fólks vinnur fjölbreytt störf.
Þetta þýðir raunverulegt frelsi til
búsetu enda er margt fólk sem vill
flytja aftur heim eða út á land en
gerir það ekki vegna skorts á við-
eigandi störfum. Nú er þetta hægt.
Þetta er áherslumál okkar enda
sjáum við þessa þróun koma til með
að auka lífskjör og tækifæri í Norð-
vesturkjördæmi.“
Samgöngumál
Þórdís kolbrún segir að ekki sé
hægt að tala um næstu verkefni
nema minnast á samgöngumál.
Hún segir mikilvægt að farið verði í
allsherjar átak í þeim efnum. „Þetta
gengur of hægt. Þótt það séu reglu-
leg átök um þessi mál og miklir
fjármunir settir í framkvæmdir þá
er þörfin orðin það mikil svo víða.
Við þurfum því að stokka þetta upp
og leita annarra leiða til að byggja
hraðar upp samgöngur í landinu,“
segir hún. „Samgöngumál eru at-
vinnumál, byggðamál og líka heil-
brigðismál. Öflugt samgöngukerfi
er lífæð samfélagsins, til þess að
búa til verðmæti, færa heilbrigðis-
þjónustu nær fólki, tryggja öryggi
fólks. Við þurfum að gera það sama
í því hvernig við nálgumst heil-
brigðis- og öldrunarmál í dreifðari
byggðum og samspil sveitarfélaga
við ríkisvaldið,“ segir Þórdís kol-
brún Reykfjörð gylfadóttir oddviti
Sjálfstæðisflokksins í Norðvestur-
kjördæmi. arg
hingað til okkar. Honum leist vel á að
það ætti að fara að nýta húsið og búa
í því. Hann hvatti okkur til að sækja
um í sjóðnum, þeir fóru að styrkja
okkur og hafa í raun styrkt okkur í níu
ár,“ segir Heiða dís þakklát. Strang-
ar reglur eru í gildi og ákveðin skil-
yrði þarf að uppfylla til að fá styrk frá
Húsafriðunarsjóði. Hlutverk sjóðsins
er að stuðla að varðveislu og viðhaldi
friðlýstra og friðaðra húsa og mann-
virkja. „Það þarf til dæmis að skila ýt-
arlegum teikningum af gluggunum og
fara með þær til að smíða eftir. Það
mátti ekki sprauta þá í lit heldur höf-
um við þurft að handmála. Það mátt
iekki kaupa hvíta járnklæðningu utan
um húsið heldur þarf að handmála
járnin,“ útskýrir Heiða dís.
Hreinsa fyrst, byrja svo
„Þetta er miklu meiri vinna heldur
en að byggja nýtt því þú þarft í raun-
inni að byrja á að rífa allt saman niður
og hreinsa út áður en þú getur byrj-
að. Þetta leit út fyrir að vera óyfirstíg-
anlegt verkefni í byrjun en eins og ég
segi, þá sé ég ekki eftir þessu í dag,“
segir Heiða dís. „Við ætluðum upp-
runalega ekki að gera neitt en síðan
byrjuðum við,“ bætir Heiða dís bros-
andi. „Við byrjuðum á að rífa út um
200 ullarballa af mosa sem við tókum
bara af efri hæðinni sem samsvarar
3-4 ruslapokum af einangrun. Smið-
ir sem hafa verið að gera upp göm-
ul hús segja að hús voru mörg hver
einangruð með mosa á þessum tíma
en yfirleitt var einangrunin í þess-
um gömlu húsum öll búin að færast
á neðstu hæðirnar með árunum. En
í þessu húsi, þá hefur verið búinn til
svona kassi og svo sett X inn í kass-
ann. Þannig að það var bara eins og
mosinn hefði verið settur inn í gær.
Hann var algjörlega þurr og gjörsam-
lega engin bleyta komist í hann,“ út-
skýrir Heiða dís. „Þetta var mjög vel
gert, þegar þetta var byggt. Það var
líka varla fúna spýtu að finna í hús-
inu.“
Ofnarnir í uppáhaldi
Fyrstu árin settu Heiða dís og Þórð-
ur kapp í að ljúka við efstu hæðina
sem fyrst og gera hana þægilega til
að búa í. „Svo þegar maður eignaðist
pening þá var farið í einhverjar fram-
kvæmdir,“ rifjar Heiða dís upp. „Eitt
sinn seldi ég hest, þá keypti ég eld-
húsinnréttinguna í húsið nema hvað
að þá var ekki búið að gera rýmið þar
sem eldhúsið átti að vera tilbúið. inn-
réttingin var því í pakkningunum í
gott ár eða lengur áður en hún var svo
sett upp,“ segir hún og hlær. Reynt
var að bjarga eins miklu af því gamla
og hægt var að bjarga og reynt eftir
fremsta megni að halda í gamla stíl-
inn inni í húsinu. gólfin eru til dæm-
is mörg upprunaleg, þau slípuð niður
og lökkuð upp á nýtt. „Það sem mér
finnst skemmtilegast sem við héldum
í húsinu eru ofnarnir. Við ætluðum
fyrst að henda þeim en svo var ein-
hver sem sagði okkur að við ættum
að prufa að láta gera þá upp,“ segir
Heiða dís. „Við fundum einhvern í
Mosfellsbæ sem tók þá alveg í gegn.
kom í ljós að þessir ofnar eru algjör
antík og komu í ljós til dæmis falleg
smáatriði á þeim þegar margra laga
málning var fjarlægð. Ofnarnir voru
allir þrifnir að utan og innan og allir
virka þeir í dag og hita vel. Þetta var
hverrar krónu virði,“ segir Heiða dís.
„Við höfðum ekki getað gert þetta án
Húsafriðunarsjóðs sem hefur hjálpað
okkur gríðarlega mikið í framkvæmd-
unum utan á húsinu. Þeir styrkja bara
fyrir framkvæmdir að utan, ekki að
innan. Þrátt fyrir það þá er styrkurinn
úr sjóðnum ómetanlegur. Svo hefði
ekkert af þessu verið hægt án fjöl-
skyldunnar og þá sérstaklega björg-
vins bróður,“ segir Heiða dís þakklát
að endingu. glh
„Þannig tryggjum við að allir fiskarnir í tjörninni
fái notið sín, ekki bara sumir, í landi tækifæra“
Segir Þórdís Kolbrún Reykfjörð Gylfadóttir oddviti Sjálfstæðismanna í Norðvesturkjördæmi
Það mikilvægasta í samfélaginu, að sögn Þórdísar Kolbrúnar, er öflugt mennta-
og heilbrigðiskerfi sem er aðgengilegt öllum. Ljósm. úr safni.
Þórdís Kolbrún Reykfjörð Gylfadóttir flytur hér ávarp á Grundartanga fyrr í sumar. Ljósm. Skessuhorn/glh.