Skessuhorn - 01.09.2021, Síða 20
MiðVikUdAgUR 1. SEptEMbER 202120
kassabílarallýið fór fram á laug-
ardaginn í þokkalegu veðri á Fax-
abraut á Akranesi. keppnissvæð-
ið var niður við höfnina og mætti
fjöldi fólks til að fylgjast með;
keppendur, aðstandendur og for-
vitnir kassabílaáhugamenn. Veitt
voru fimm verðlaun og voru úrslit-
in eftirfarandi:
Á fljótasta bílnum í yngri flokki
voru þau Fanney birgisdótt-
ir, Hreinn birgisson og kristófer
birgisson og í eldri flokknum voru
þau Ástrós Jóna Reehaug og Artem
gorshenin sigurvegarar á gulu
Hættunni. Fljótasti bíllinn í opnum
flokki var með þá feðga Osita brim-
ar og Uchechukwu Eze við stýrið
og bíllinn sem rann lengst heit-
ir Elding og liðið Þrumurnar. Það
voru systurnar Sjana María Ragn-
arsdóttir og Unnur Valdís Ragnars-
dóttir sem sprengdu allar mælingar
því þær fóru alla leið frá Akursbraut
út að sementstönkunum, svokallað
homerun! Að lokum var flottasti
bíll keppninnar valinn torfærubíll-
inn Hekla í eigu feðganna Ásgeirs
Þórðarsonar og Arnþórs Ásgeirs-
sonar.
Að sögn Ole Jakobs Volden,
forsprakka kassabílarallýsins, var
þetta frábærlega vel heppnað sam-
starfsverkefni þar sem margir góð-
ir komu að. Þar má nefna Húsa-
smiðjuna sem gaf efni í 25 kassa-
bíla, terra sem sendi fullan gám af
dekkjum í keppnisbrautina, Akra-
neskaupstaður útvegaði aðstöðu
og þá má nefna fyrirtæki eins og
Frystihúsið, gamla kaupfélagið,
Redder, bíóhöllina og Málning-
arþjónustu Carls sem lögðu sitt á
plóginn. Ole Jakob segir að mark-
miðið hefði verið að fá sem flesta
bæjarbúa til að taka þátt og þeir hafi
sýnt með þessu framtaki að það sé
hægt að gera allskonar skemmti-
lega hluti sem ekki þurfa að kosta
mikið.
vaks/ Ljósm. Kolla Ingvars. Osita og Uche voru á fljótasta bílnum í opnum flokki.
Mikið fjör var á kassabílarallýinu
á Akranesi um helgina
Sjana María og Unnur Valdís með verðlaunin sín. Feðgarnir Ásgeir og Arnþór á flottasta bílnum.