Skessuhorn - 12.01.2022, Blaðsíða 4

MIÐVIKUDAGUR 12. JANÚAR 20224
Það var kostulegt að fylgjast með rafrænum fjölmiðlum á þrettándanum,
fimmtudaginn 6. janúar síðastliðinn. Stundin byrjaði þá að birta frétt um lands-
þekktan mann úr viðskiptalífinu sem brotið hafði gegn ungri konu. Sögunni
fylgdi að fleiri væru undir sömu sök seldir. Nöfn þeirra plompuðu svo upp eitt
af öðru eftir því sem á daginn leið, bæði í Stundinni og öðrum miðlum. Um
kvöldmatarleytið var heildarmyndin orðin landsmönnum býsna ljós. Ég nenni
ekki að fara út í atburðarásina í smáatriðum. Það gerðu aðrir þennan örlaga-
ríka dag. Eftir þetta ætti hins vegar öllum að vera ljóst að þolinmæði gagnvart
þeim sem ganga gróflega á rétt kvenna, misbjóða eða beita einhverri birtingar-
mynd ofbeldis, er ekki lengur til staðar. Kynferðislegar athafnir karla, gegn vilja
kvenna, fá einfaldlega engan hljómgrunn meðal þjóðarinnar. Þökk sé #Metoo
byltingunni sem hófst fyrir innan við fimm árum. Engin þolinmæði er lengur
gagnvart perrum, dónum eða þeim sem telja að í skjóli stöðu, valds eða líkam-
legra yfirburða í lagi að níðast á öðrum. Sú tíð er einfaldlega liðin og kemur
vonandi aldrei aftur. Þá skiptir heldur engu máli hvort menn telji sig hafa ver-
ið „mikils metna“, svo sem í starfi forstjóra, fjárfesta, líkamsræktar mógúla eða
fjölmiðlamanna. Þeir ættu að vita betur, til dæmis í ljósi þess hvernig samfélagið
hefur fordæmt kynbræður þeirra úr röðum knattspyrnumanna, tónlistarmanna,
þingmanna eða annarra hópa samfélagsins.
Þrátt fyrir að almenningur hafi ekki sýnt gerendum í þessu tiltekna máli
mikla vorkunn, voru þó ýmsir til þess engu að síður. Mikil umræða fór í gang
um hvað „Like“ tákn þýddi þegar fólk merkti við færslur á samfélagsmiðlum.
Vinir og samferðamenn vildu sýna meintum gerendum væntumþykju með því
ýmist að skella í eitt hjarta eða „Like“ merkja við færslu þar sem reynt var að
klóra í bakkann. Nú er ég langt frá því að vera sleipur í ensku, en er þó alveg
handviss um að með því að nota „Like“ er fólk að láta sér vel líka innihald færsl-
unnar, taka undir með viðkomandi. En vissulega getur það verið túlkunaratriði
ef marka má pólitíska umræðu í kjölfarið. Sýnir engu að síður að dómgreindar-
brestur á samfélagsmiðlum hefur afleiðingar, enda eru samfélagsmiðlar fjöl-
miðlar, þótt ekki hafi allir viðurkennt það.
Það sem hins vegar varpar skugga á þetta mál er að mínu viti sú staðreynd
að stjórnir og eigendur þeirra fyrirtækja sem umræddir gerendur voru spyrt-
ir við, höfðu í nokkra mánuði þekkt til málsins. Allar létu þessar stjórnir hins
vegar freistast til að gera ekki neitt þótt þeim væri málið kunnugt. Biðu þess, og
líklega hafa vonað, að málið kæmist ekki upp á yfirborðið með þeim hætti sem
það loks gerði. Það myndi því gleymast og umræddir gerendur gætu því haldið
áfram störfum eins og ekkert hefði í skorist og væntanlega hagað sér eins. Þarna
endurspeglaðist gerendameðvirkni af verstu sort. Engu skipti þótt í stjórnum
þeirra fyrirtækja sem í hlut áttu sætu konur. Þær reyndust jafn meðvirkar og
karlarnir, rétt eins og ráðherrann sem lækaði færslu vinar síns þrátt fyrir að hafa
gagnrýnt embættismann fyrir nákvæmlega sama hlutinn.
Í ljósi þessa dreg ég þá ályktun að #Metoo byltingin hafi rist dýpra í huga
hins almenna borgara hér á landi en þeirra sem telja sig vera á hærri stalli, til
dæmis vegna stöðu sinnar, valda, áhrifa eða eigna. Vissulega hafa slíkir úr hærri
söðli að detta þegar á móti blæs og kann það að skýra hærri siðferðisþröskuld
í einhverjum tilfellum. Verkefni næstu daga, vikna og missera verður einmitt
að koma því skýrt á framfæri við alla hlutaðeigandi hvað telst eðlileg hegðun
og hvað verður ekki liðið. Að því leyti var liðin vika á margan hátt lærdómsrík.
Hún færði hinum almenna landsmanni heim sönnur fyrir því að við höfum náð
árangri. Árangri sem siðmenntuð þjóð í baráttunni við hegðun hóps fólks sem
telur sig geta sett eigin reglur þegar kemur að samskiptum við aðra. Vonandi
skilja menn betur hvað er í lagi og hvað ekki, hvort sem menn eru fjárfestar, for-
stjórar, fjölmiðlungar, eða bara einhverjir Jónar úti í bæ.
Magnús Magnússon
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Fjárfestar, forstjórar
eða fjölmiðlungar
Á fiskveiðiárinu 2021/2022 er al-
mennum byggðakvóta úthlutað til
50 byggðarlaga í 29 sveitarfélögum.
Þar af eru sex byggðarlög á Vest-
urlandi sem fá úthlutað byggða-
kvóta, alls 282 þorskígildistonn-
um. Þrjú byggðarlög í landinu fá
300 þorskígildistonna hámarksút-
hlutun á fiskveiðiárinu 2021/2022
og sextán byggðarlög fá 15 þorsk-
ígildistonna lágmarksúthlutun. Hér
á Vesturlandi er mestu úthlutað til
Grundarfjarðar þangað sem 140
þorskígildistonn fara. Stykkishólmi
er úthlutað 70 tonnum og Ólafs-
vík 27 tonnum. Fimmtán tonnum
er úthlutað til hafna á Hellissandi,
í Rifi og Arnarstapa.
Úthlutun byggðakvóta byggir
á þeim reglum sem fram koma í
reglugerð um úthlutun byggða-
kvóta til byggðarlaga á fiskveiðiár-
inu 2021/2022, og upplýsingum frá
Fiskistofu um samdrátt í botnfisk-
afla, botnfiskaflamarki og vinnslu
botnfisks annars vegar og samdrætti
í rækju- og skelvinnslu hins vegar
frá fiskveiðiárinu 2011/2012 til fisk-
veiðiársins 2021/2022. Á heildina
litið verða óverulegar breytingar
á því magni í þorsk ígildistonnum
sem einstök byggðarlög fá úthlut-
að. Þó eru það alls átta byggðar-
lög þar sem úthlutun dregst saman
milli ára sem skýrist einkum af
samdrætti í heildarúthlutun milli
ára. Samdráttur í heildarúthlutun
frá fiskveiðiárinu 2020/2021 nemur
179 þorskígildistonnum. mm
Ekkert tjón af völdum hvassviðris
var skráð í dagbók Lögreglunnar á
Vesturlandi að kvöldi miðvikudags
og aðfaranótt fimmtudags í liðinni
viku. Miðað við veðurspá slapp
landshlutinn því afar vel frá þessari
djúpu lægð sem teygði anga sína
inn á landið. Samkvæmt sjálfvirk-
um vindhraðamælum varð mest rok
á veginum við Hafnarfjall, en þar
sló vindur upp í 57,3 m/sek í hviðu
laust fyrir klukkan eitt um nóttina.
Á Fróðárheiði fór vindur einu sinni
upp í 40 m/sek og á Kjalarnesi mest
í 34,6 m/sek. Lægðin olli því minni
usla en búist hafði verið við, en m.a.
voru björgunarsveitir í viðbragðs-
stöðu vegna veðurspárinnar.
Fjöldi útkallsbeiðna barst hins
vegar björgunarsveitum og lög-
reglu á Suðurnesjum, Vestmanna-
eyjum og höfuðborgarsvæðinu og
sinntu björgunarsveitir þar um
hundrað útköllum vegna óveðurs,
samkvæmt tilkynningu frá Lands-
björgu.
Rafmagnsbilun varð klukk-
an 3 um nóttina í Saurbæ í Döl-
um, á Fellsströnd og Skarðsströnd.
Samkvæmt vef Rarik lauk viðgerð
klukkan 07:17 um morguninn.
mm
Sjómennirnir á beitningarvélar-
bátnum Huldu GK 17 voru í óða
önn að landa afla dagsins, 11 tonn-
um á þriðjudagskvöldið í liðinni
viku, þegar meðfylgjandi mynd var
tekin. Emanúel Magnússon skip-
stjóri sagði veðurspá slæma fyrir
dagana sem í hönd færi og því væri
ekkert annað að gera en að halda
sig í landi.
Bátar frá Snæfellsnesi höfðu
þegar þetta var verið að komast á
fullt aftur eftir áramótin og var afli
þeirra sem róið höfðu fyrstu daga
ársins mjög góður í öll veiðarfæri.
En einhverjir bátar voru ekki byrj-
aðir að róa út af Covid-19 sem hef-
ur herjað víða og meðal annars í
Snæfellsbæ.
af
Slökkvilið Borgarbyggðar fór síð-
degis á fimmtudaginn í lítið útkall.
Reyk lagði frá mannlausum jeppl-
ing sem lagt var framan við Borg-
arbraut 61 í Borgarnesi. Eldur var
ekki laus í bílnum en einhvers kon-
ar samleiðsla hafði orðið. Slökkvi-
lið aftengdi rafgeymi og beitti hita-
myndavél til að útiloka að glæður
leyndust í bílnum.
glh
Byggðakvóta úthlutað
Mest fær Grundarfjarðarbær í sinn hlut af byggðakjörnum á Vesturlandi, eða
helming þess sem úthlutað er til hafna í landshlutanum.
Emanúel Magnússon skipstjóri með vænan þorsk.
Landað fyrir storminn stóra
Engin óveðursútköll vegna lægðar
Um hundrað óveðursútköll bárust á höfuðborgarsvæðinu og Reykjanesi. Þessi
mynd er úr höfuðborginni. Ljósm. Landsbjörg.
Rauk úr bíl