Skessuhorn - 12.01.2022, Blaðsíða 10
MIÐVIKUDAGUR 12. JANÚAR 202210
Nú hafa nöfn tveggja heppinna
þátttakenda verið dregin út fyr-
ir réttar innsendar lausnir í kross-
gátu og myndagátu sem birtist í
Jólablaði Skessuhorns. Vel á þriðja
hundrað lesenda tók þátt og sendu
inn lausnir ýmist í bréf- eða tölvu-
pósti.
Lausnin á myndagátunni var
þessi: „Nú eru ráðherrarnir orðn-
ir jafn margir og lærisveinarnir.“
Heppnir þátttakendur eru: Auður
og Níels, Krókatúni 20, Akranesi.
Lausnarorð í krossgátunni er:
„Kærleikurinn.“ Heppinn þátt-
takandi er Heiðrún Hannesdóttir,
Smáraflöt 12, Akranesi.
Vinningshafar fá bókagjöf að
launum, tvær álitlegar bækur sem
Hólar gáfu út fyrir jólin. Skessu-
horn óskar þeim til hamingju og
þakkar öllum þátttökuna. mm
Vinningshafar í
krossgátu og
myndagátu í Jólablaði
Bakarí er nú ekki lengur starfrækt
í Ólafsvík. Óhætt er að segja að því
fylgi söknuður fyrir bæjarbúa að
missa þessa þjónustu, en Brauð-
gerð Ólafsvíkur hefur verið hluti
af fyrirtækjaflóru bæjarins í sjö ára-
tugi. Sannkallað handverksbakarí,
hvort sem átt er við brauð, vínar-
brauð, kökur eða annað. Hand-
verk þar sem ekki hefur verið bak-
að í sjálfvirkjum vélum heldur með
gamla mátanum. Að sögn Jón Þórs
Lúðvíkssonar bakara hefur allt
rekstrarumhverfi versnað mikið og
gert smærri bakaríum erfitt fyrir.
Nefnir hann að laun hafi hækkað,
tryggingagjöld og alls kyns álögur
gert rekstraraðilum erfitt fyrir. Þá
hafi aðföng einnig hækkað verulega
samhliða því að verslanir eru nú
fullar af innfluttum brauðvörum.
Fjölskyldufyrirtæki
Lúðvík Þórarinsson, faðir Jón
Þórs, stofnaði Brauðgerð Ólafs-
víkur árið 1951, fyrst í samstarfi
við kaupfélagið Dagsbrún en eft-
ir að kaupfélagið brann flutti Lúð-
vík bakaríið að Ólafsbraut 32. Frá
1975 og til þessa dags hefur brauð-
gerðin svo verið til húsa að Ólafs-
braut 19. Jón Þór byrjaði 14 ára
að starfa við baksturinn hjá föður
sínum og hefur alla sína starfstíð
unnið við bakstur. „Ég hef nú svo
sem lítið annað gert af viti, en var
þó aðeins að vinna í fiskverkun og á
handfærum sem unglingur. Ég hef
verið 40 ár hér við bakstur,“ segir
Jón Þór. Eiginkona hans er Bjarney
Jörgensen en hún hefur m.a. sinnt
bókhaldi fyrir fyrirtækið. Auk þess
að starfa í bakaríinu hefur Jón Þór
verið 33 ár í slökkviliðinu og þar af
slökkviliðsstjóri bæjarins í 17 ár. Þá
var hann í bæjarpólitíkinni í 16 ár,
tólf ár sem formaður bæjarráðs og
fjögur ár sem forseti bæjarstjórnar.
Fjör þegar
kokkarnir komu
„Það hefur orðið gríðarlega
breyting í útgerð síðan kvótakerf-
ið var sett á. Áður en það kom var
mikið líf í bæjarfélaginu og mikið
af bátum og vertíðarfólki sem kom
hingað á vertíðar. Þá seldist allt sem
var bakað hér og kokkar á bátun-
um komu snemma á morgnana til
þess að kaupa brauðvörur og þá
var oft mikið stuð og gaman þegar
kokkarnir hittust. Á þessum tíma
var mikil vinna og var vinnutím-
inn ekki undir tíu tímum á dag án
þess að setjast niður - og unnið alla
daga. Maður fékk aldrei frí, unnið
var alla páska, jól og áramót. Núna
hin síðustu ár hefur einungis einn
og einn kokkur komið hingað til að
versla.“
Var rekið
fyrir samfélagið
Síðustu tvö árin hefur Jón Þór starf-
að einn í bakaríinu og kallað á eig-
inkonu sína sér til aðstoðar þegar
þurft hefur, en áður hafði starfs-
fólkinu verið sagt upp þar sem tap-
rekstur hafði verið á rekstrinum í
sjö ár þar á undan. Bjarney segir að
í raun hafi þetta verið rekið svona
fyrir samfélagið og til að halda at-
vinnu fyrir starfsfólkið. „Við vor-
um bara að éta af höfuðstólnum en
síðustu tvö ár sem við höfum verið
ein að vinna var reksturinn réttum
megin við núllið,“ segir hún.
Verslun flyst
í bakaríshúsið
„Við höfum auglýst brauðgerðina
til sölu síðastliðin tvö ár og hafa
að vísu komið fyrirspurnir, en ekk-
ert komið út úr því. En svo kom
það okkur á óvart að það barst til-
boð í húsið. Það er 215 fermetrar
að stærð og það var tilboð frá Voot
beitum sem við tókum. Við eigum
að afhenda þeim húsið fyrir 1. febr-
úar næstkomandi, en Voot beitur
ætla að opna verslun hér í húsnæð-
inu. Við erum því þessa dagana að
vinna í að tæma húsið og er mik-
il vinna framundan. Við þurfum
til dæmis að tæma hveitisílóið sem
tekur níu tonn af hveiti og setja
það allt í poka. Auk þess eru stór
og þung tæki sem þarf að flytja út,
en við reynum að koma því í verð
sem hægt er að selja. Þannig að
áhugasamir eru velkomnir að hafa
samband við okkur,“ segja hjónin
Bjarney og Jón Þór að lokum.
af
Jón Þór er þessa dagana að sekkja hveiti í 25 kílóa poka úr sílói sem hefur að
geyma níu tonn.
Sjötíu ára rekstri Brauðgerðar Ólafsvíkur hætt
Hjónin Jón Þór Lúðvíksson og Bjarney Jörgensen eru þessa dagana að vinna við
að tæma brauðgerðina.
Þrír ættliðir að baka. Janus Jónsson, Jón Þór og Lúðvík Þórarinsson þegar best lét.
Hobart hrærivél frá árinu 1951 sem
enn er í fullkomnu lagi og hefur að
undanförnu verið notuð annað slagið.
Lúðvík Þórarinsson með snúða sem
ávallt voru vinsælir meðal viðskipta-
vina.
Jón Þór var þarna að baka vínarbrauð sem þá voru orðin heimsfræg eftir að
handboltamaðurinn Guðjón Valur Sigurðsson sagði í viðtali að þetta væru bestu
vínarbrauð sem hann hefði á ævinni smakkað. Það var ekki lítið hrós frá svo
heimsfrægum manni. Þarna var Jón Þór einmitt að baka vínarbrauð til að senda
Guðjóni, þegar íslenska landsliðið í handbolta var árið 2014 að taka á móti
Austurríki.