Skessuhorn - 12.01.2022, Blaðsíða 14

MIÐVIKUDAGUR 12. JANÚAR 202214
Síðastliðinn föstudag átti Grunn-
skóli Grundarfjarðar 60 ára af-
mæli, en það var 6. janúar árið 1962
sem nýtt húsnæði Barnaskóla Graf-
arness „á holtinu“ var vígt. Kennsla
hófst svo tveimur dögum síðar. Á
heimasíðu Grundarfjarðarbæjar er
tímamótanna minnst og þar er hægt
að finna skemmtilegt safn mynda
Bæringsstofu um byggingartíma
skólahússins og skólastarfið fyrstu
árin.
Aðstæður nú bjóða ekki upp
á mannfagnað á afmælisdegin-
um; „en í tilefni afmælisins mun
öll þessi önn (sem vonandi verður
fljótlega laus við takmarkanir) taka
mið af afmælinu í þemastarfi skól-
ans,“ segir í frétt á vef Grundar-
fjarðarbæjar. „Þegar færi gefst á
næstu mánuðum verður íbúum og
öðrum velunnurum skólans boðið
til samkomu til að fagna afmælinu.“
Þar kemur einnig fram að í dag
getur skólinn flaggað Grænfánan-
um í annað skiptið. Starfsfólk hefur
unnið að undirbúningi grænfánatil-
nefningar og fékk svonefnd úrbóta-
áætlun (verkefnisáætlun) skólans
staðfestingu á afmælisdaginn.
Vígt á þrettándanum
Í samantekt sem Gunnar Krist-
jánsson, fyrrverandi skólastjóri, tók
saman árið 2002 þegar skólinn var 40
ára, sagði m.a:
„Skólahúsnæðið í Samkomuhús-
inu sem byrjað var að kenna í haustið
1944 varð fljótlega of lítið vegna örr-
ar fólksfjölgunar í Grafarnesi. Í gegn-
um tíðina hafa það verið örlög skóla-
bygginga á staðnum að vera þegar
orðnar of litlar þegar þær eru teknar í
notkun. Smíði nýs skólahúsnæðis var
reifuð við fræðslumálayfirvöld árið
1956 enda orðið aðkallandi að hús
sem eingöngu væri notað sem skóli
risi í hinu ört vaxandi byggðarlagi.“
Þá segir í upprifjun Gunnars:
„Haustið 1959 var síðan hafin smíði
nýs barnaskóla þar sem honum hafði
verið valinn staður á holtinu efst við
Borgarbraut. Fullbyggt var hið nýja
skólahúsnæði, ofan við Sjónarhól,
vígt formlega á þrettándanum hinn 6.
janúar 1962. Arkitekt var Guðmund-
ur Guðjónsson. Yfirsmiður skóla-
byggingar var Björn Guðmundsson.
Sigurberg Árnason trésmíðameistari
og síðar byggingafulltrúi í Grundar-
firði var nemi á fyrsta ári í trésmíðum
þegar skólinn var í byggingu og man
eftir því að hann vann við að smíða
innréttingarnar í skólann á verkstæði
Björns sem staðsett var í Hlöðunni
hennar Kristínar frá Búðum en hún
mun hafa verið vestan við vélsmiðju
Bærings eða Smiðjunnar sem svo
er enn kölluð og hýsir í dag (2002)
bókasafn, fjarnám og Slökkvistöð
ásamt áhaldahúsi sveitarfélagsins.“
Húsnæði grunnskólans hefur tví-
vegis verið stækkað frá byggingu
hans 1962, þ.e. árin 1975-1978 og
1998-2000, auk þess sem sundlaug
var tekin í notkun haustið 1976
og voru þá 190 börn í skólasundi.
Laugin var svo endurbætt 2009.
Íþróttahús var síðan vígt og tekið í
notkun haustið 1989.
Á heimasíðu Grundarfjarðarbæj-
ar eru nú í birtingu myndir úr ljós-
myndasafni Bærings Cecilssonar
m.a. af skólabyggingunni og skóla-
starfi á holtinu á fyrstu skólaárunum.
mm/ Ljósm. Bæring Cecilsson
Grunnskólinn í Grundarfirði er 60 ára
Tómas Freyr Kristjánsson fréttaritari Skessuhorns kíkti í heimsókn í gamla skólann sinn
á föstudaginn og fangaði stemninguna hjá börnunum.
Viktoría sýnir ljósmyndara forláta perlufesti
sem hún er að búa til.
Það var kátt á hjalla hjá þessum nemendum í
2. bekk.
Nemendur í 4. og 5. bekk voru hressir er ljósmyndari leit við hjá þeim.
Daði Freyr í 1. bekk var ánægður með lífið og
tilveruna.
Nemendur í .3 bekk rétt gáfu sér tíma til að líta
upp úr bókunum.
Það var fjör í tíma hjá 7. bekk.
Sebastian og Dominik voru uppteknir er
fréttaritari leit við hjá þeim.
Nemendur elsta stigs voru önnum kafnir í
skotbolta í íþróttahúsinu.