Skessuhorn - 12.01.2022, Blaðsíða 19

MIÐVIKUDAGUR 12. JANÚAR 2022 19
Vísnahorn
Gleðilegt ár lesendur mínir og
bestu óskir um alla hugsanlega far-
sæld á íhöndfarandi mánuðum.
Tíminn heldur víst stöðugt áfram
með nokkuð jöfnum og öruggum
hraða en einhvern veginn verðum
við heldur taumþyngri þegar á líður
ævina og gott að rifja upp vísu Jóns
í Árdal:
Tímans hraði ei var ör
er ég smár var drengur
en núna með hans fleygiför
fylgist ég ei lengur.
Óskar Sigurfinnsson í Meðal-
heimi er nú nýlátinn enda aldraður
maður orðinn en óvitlaust að rifja
upp vísu hans:
Við skulum ekki á vinafund
vera alltof sparir,
kemur hinsta kveðjustund
kannske fyrr en varir.
Margar kirkjur hafa verið byggð-
ar í gegnum aldirnar og fátt til spar-
að að gera þær sem veglegastar, al-
mættinu til dýrðar. Spurning reynd-
ar hvort menn eru endilega nær
Guði sínum í stórri kirkju en lítilli.
Við vígslu nýrrar og glæsilegrar
kirkju orti Þorsteinn Þorsteinsson á
Skálpastöðum:
Hátt er risinn helgistaður,
húsið nýtt – og fyrirtak.
Skelfing verður Guð nú glaður
að geta komist undir þak.
Kristján Eiríksson orti hinsvegar
í einni af glæsilegum kirkjum Mið-
-Evrópu:
Mörg hér á veggjum myndin
skín
málmurinn gullni og dýri.
En krúttlegri finnst mér kirkjan
þín
Kristur - á Víðimýri.
Fengitími sauðkindarinnar verð-
ur væntanlega kominn nokkuð að
lokum þegar þessar línur birtast
lesendum en það tímabil er eigi að
síður nauðsynlegur undirbúningur
að hangikjötsneyslu næstu jóla. Nú
stuttu fyrir hátíðarnar orti Ingólfur
Ómar Ármannsson:
Þó að myrkur byrgi bólin
birtir senn við helgan yl.
Bráðum koma blessuð jólin
og bændur fara að hleypa til.
Það ég best veit en þó með öllum
hugsanlegum fyrirvörum var það
Hjörleifur Kristinsson á Gilsbakka
sem orti á nýársdagsmorgni:
Birtist drengjum drottins mynd
dags er lengist skíman.
Nú má enginn sofa í synd
um sjálfan fengitímann.
Það er þessi spurning með fé og
fé. Fé getur merkt sauðfé en líka
peninga eða verðmæti sem í eina tíð
var nánast það sama þó svo sé ekki
lengur. Benjamín Sigvaldason frá
Gilsbakka orti um einhvern ágætan
auðsöfnunaraðila:
Sá í rastir safnar fé
til svika og lasta hraður.
Eg er fastur á hann sé
ágjarnasti maður.
Það var sagt að Einar Bene-
diktsson hefði reynt að selja norð-
urljósin. Ætli Hrútfirðingum hafi
aldrei dottið í hug að selja blíðuna?
Það hefur verið tekið sem dæmi
um hvílíkt skáld Friðrik Hansen
hafi verið að hann hafi ort „Ljóm-
ar heimur logafagur“ í Hrútafirðin-
um af öllum stöðum og sá sem yrk-
ir slíkt ljóð á slíkum stað er ekkert
minna en stórskáld. Hjálmar Frey-
steinsson orti sumarið 2019:
Í Hrútafirði er himinn blár
og heiðríkt daga alla.
Þar bærist ekki á höfði hár
hafirðu beran skalla.
Ólafur Gunnarsson bjó líka lengi
í Hrútafirðinum enda orti hann:
Syndir hef ég drjúgum drýgt,
dægurvísur flogið,
sumt er bæði satt og ýkt
- svo er annað logið!
Annar stórsnillingur Kristján
Árnason, sem við Borgfirðingar
kennum við Kistufell en Skag-
firðingar við Skálá, sagði líka:
Þegar bregst oss viti væddur
haus
og virðist hvorki stoða rök né
þekking
við flýjum undir væng þinn
varnarlaus.
Þú verndar okkur kæra móðir
Blekking.
Og allsherjargoðinn blessaður
segir í Heiðarrímu:
Nóttin lengi yfir alla,
óttastrenginn herti fast.
Þótt hún gengi fram til fjalla,
flótti í engar varnir brast.
Það yrkisefni er nokkuð ör-
uggt til vinsælda að gagnrýna yfir-
völd. Skiptir þá ekki öllu hvort fyrir
valinu verður hreppsnefnd eða rík-
isstjórn annaðhvort Íslands eða ein-
hvers stórveldanna. Allavega orti
Þorskabítur gamli en ég hef reyndar
enga hugmynd um hvern eða hverja
hann var að gagnrýna:
Í höfðinu forðum vitið var
og vann að bótum.
Nú er það orðið allsstaðar
í afturfótum.
Líklegast hefur Siggi frá Brún
bara verið að gagnrýna sjálfan sig
þegar hann segir:
Ógæfan er ýmisleg,
öllu niður skitið.
Tóbakinu týndi ég,
ég tala ekki um vitið.
Eins og sjálfsgagnrýni er
nauðsynleg þarf hún að sjálfsögðu
að vera sanngjörn og málefnaleg
líkt og öll önnur gagnrýni. Hins
vegar er ákveðin hætta að ástfangið
fólk skorti gagnrýni á mótaðila sinn
í sambandinu þannig að aðdáunin
verði dálítið blind. Hjörtur Krist-
mundsson orti um einhver hjóna-
leysakorn:
Þau leika bæði létt sem fis.
Þau lífið hvergi heftir.
Hann er á leið til helvítis.
-Hún er rétt á eftir.
Það er alltaf spurning hvernig
menn haga lífi sínu um hátíðarnar
og ekki síst eftir hátíðarnar. Sumir
hafa áhyggjur af hvernig þeir eigi
að hegða sér milli jóla og nýárs þó
raunverulega væri meiri ástæða til
að hafa áhyggjur af líferni þeirra
milli nýárs og jóla. Einhvern tím-
ann kvað Sigfús Jónsson er hann
heyrði vini sína ræða megrunarmál:
Þó hinir flestir halli sér
að hungurkúrum ströngum,
læt ég fátt á móti mér
í mat og drykkjarföngum.
Þó eftirfarandi vísa Jakobs á
Varmalæk hafi oft verið birt áður
þá sé ég svo sem ekkert sérstakt sem
mælir á móti því að gera það einu
sinni enn enda margir sem hugsa
eitthvað þessu líkt:
Oft man ég helst er heilsar árið
nýja
og horfi ég bæði fram og ögn
til baka,
svo marga synd sem mér láðist
að drýgja
- og marga sem ég þyrfti að
endurtaka.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Hann er á leið til helvítis - hún er rétt á eftir!
Blómaskreytis og félagsliða í Búðardal
Dagur í lífi...
Nafn: Boga Kristín Thorlacius
Fjölskylduhagir/búseta: Lækj-
arhvammur í Búðardal. Við búum
saman ég og dóttir mín sem er 13
ára. Við eigum tvö stykki 19 ára
ketti, sem ráða flestu.
Starfsheiti/fyrirtæki:
Blómaskreytir og félagsliði. Búin
að reka Blómalindina Kaffihorn-
ið í Búðardal í 21 ár. Og starfa við
aðhlynningu á hjúkrunarheimilinu
Fellsenda í 80% starfshlutfalli eftir
að kóvidið byrjaði.
Áhugamál: Ég veit það ekki,
blómaskreytingar og kaffi. Ég er
svo sjaldan í fríi. Ég hef áhuga á
fólki og allskonar jákvæðum og
góðum samskiptum. Ég hef engan
áhuga á leiðindum.
Dagurinn: Fimmtudagurinn 6.
janúar. Vinnudagar mínir eru alls-
konar, vil að dagurinn sé skemmti-
legur og jákvæður. Vinn mánudaga
til miðvikudags frá klukkan 8 til 16
á Fellsenda og aðra hvora helgi.
Svo flétta ég lífið við það eftir dög-
um og árstíma.
Klukkan hvað vaknaðirðu og
hvað var það fyrsta sem þú gerð-
ir? Klukkan 6:10. Reis upp, fór í
föt og malaði kaffibaunir. Kveikti á
kertum og lappaði upp á frontinn á
mér. Drakk sterkt og gott kaffi.
Hvað borðaðirðu í morgunmat?
Ekkert.
Hvenær fórstu til vinnu og
hvernig? Klukkan 7:30. Ók eig-
in bíl.
Fyrstu verk í vinnunni? Kaffi-
bolli, hlusta á rapport, skrifa niður
áherslur og verk dagsins.
Hvað varstu að gera klukkan 10?
Hella í mig síðasta kaffisopanum í
9:30 kaffitímanum.
Hvað gerðirðu í hádeginu? Að-
stoðaði skjólstæðinga í mat og fór
sjálf í matarhlé frá 12:30 til 13:00.
Hvað varstu að gera klukkan 14?
Fara með plast, pappír og slíkt út í
endurvinnslu ruslagám.
Hvenær hætt og það síðasta sem
þú gerðir í vinnunni? Aðstoðaði
skjólstæðing og fór í smá kaffitíma.
Hvað gerðirðu eftir vinnu? Fór að
vinna og kláraði blómaskreytingu,
skellti henni í bílinn og brunaði
heim í sturtu.
Hvað var í kvöldmat og hver eld-
aði? Ekkert, fór í Borgarfjörð með
skreytinguna á jeppafræinu mínu.
Hvernig var kvöldið? Það var afar
gott, við lögðum af stað klukkan
18 og vorum komnar heim aftur
klukkan 21.30. Það er svo gott að
hitta gott fólk, vini og kunningja.
Veðrið og færðin var allskonar.
Hvenær fórstu að sofa? Allt of
seint, skammarlega. Fer oftast á
milli klukkan 22 og 23 til að geta
vaknað klukkan sex. Þá fer maður
svo vel og fallega inn í daginn.
Hvað var það síðasta sem þú
gerðir áður en þú fórst að hátta?
Horfði á kvöldfréttirnar á báðum
stöðvum á tímaflakkinu. Þvoði mér
í framan og burstaði tennur.
Hvað stendur upp úr eft-
ir daginn? Fólkið, samskipt-
in við það og að umgangast.
Blómaskreytingin, ferðalagið, for-
eldrar mínir og dóttir.
Eitthvað að lokum? Gæti verið
svo margt en ég held það sé bara að
við njótum augnabliksins og þess
sem við höfum og agnúumst ekki
út í það sem skiptir ekki máli. Og
munum, við breytum ekki heimin-
um, bara okkur sjálfum.
Blindrafélagið, samtök blindra og
sjónskertra á Íslandi, gefur út daga-
tal fyrir árið 2022 með myndum
af leiðsöguhundinum Novu. Til-
gangurinn með útgáfu þess er að
fjármagna kaup og þjálfun leið-
söguhunda fyrir blinda einstak-
linga. Árið 2021 náði Blindrafélag-
ið að styrkja kaup á þremur leið-
söguhundum.
„Blindrafélagið telur mikilvægt
að tryggja stöðugt framboð leið-
söguhunda fyrir blinda hér á landi,
eins og raunin er í nágrannalönd-
um okkar, enda hafa þeir marg-
sannað mikilvægi sitt. Dagatalið er
sent heim til allra velunnara félags-
ins auk þess er hægt að kaupa daga-
talið í vefverslun Blindrafélagsins,
Bónus, Krónunni, Nettó og A4,“
segir í tilkynningu.
Á Íslandi eru starfandi tólf leið-
söguhundar fyrir blinda fyrir til-
stuðlan Blindrafélagsins og er þörf
fyrir mun fleiri. Þjálfun leiðsögu-
hunds fyrir blindan einstakling er
mjög sérhæfð og tímafrek. Hver
leiðsöguhundur getur unnið á bil-
inu 8-10 ár og allan þann tíma, á
hverjum einasta degi, bætir hund-
urinn lífsgæði notanda síns umtals-
vert. mm/ Ljósm. Ólöf Gyða Risten
Nova prýðir dagatal
Blindrafélagsins